21/01/2025
𝗛𝗨𝗪𝗔𝗚 𝗕𝗔𝗦𝗧𝗔-𝗕𝗔𝗦𝗧𝗔 𝗠𝗔𝗚-𝗣𝗢𝗦𝗧 𝗞𝗔𝗛𝗜𝗧 𝗦𝗔𝗕𝗜𝗛𝗜𝗡 𝗠𝗢 𝗣𝗔𝗡𝗚 𝗛𝗜𝗡𝗗𝗜 𝗞𝗔 𝗡𝗔𝗚-𝗡𝗔𝗠𝗘 𝗗𝗥𝗢𝗣.
Ang pag-post ng mapanirang pahayag online ay maaaring mauwi sa kaso ng Cyberlibel sa ilalim ng Republic Act No. 10175 o ang Cybercrime Prevention Act of 2012. Maging maingat sa iyong mga salita at iwasan ang paninira na maaaring makasira sa dignidad ng iba.
𝗔𝗡𝗢 𝗔𝗡𝗚 𝗖𝗬𝗕𝗘𝗥𝗟𝗜𝗕𝗘𝗟?
Ang cyberlibel ay libel na ginawa gamit ang internet o computer system, kung saan mayroong:
• Publikong paninirang-puri.
• Mapanirang layunin laban sa pagkatao ng isang tao na nagdudulot ng kahihiyan, discredito, o pagkagalit.
Saklaw ito ng Section 4(c)(4) ng RA 10175.
𝗔𝗡𝗢 𝗔𝗡𝗚 𝗣𝗔𝗥𝗨𝗦𝗔?
• Mas mabigat ang parusa kaysa sa tradisyunal na libel:
o 6 taon at 1 araw hanggang 8 taon na pagkakakulong
o Maaaring may kasamang multang itinakda ng korte.
𝗞𝗘𝗟𝗔𝗡 𝗠𝗔𝗔𝗥𝗜𝗡𝗚 𝗜𝗦𝗔𝗠𝗣𝗔?
1. Kahit walang pangalan ang post:
o Kung makikilala ang taong tinutukoy mula sa konteksto ng post, maituturing itong cyberlibel.
2. Kahit burado na ang post:
o Kung may screenshot o ibang ebidensya tulad ng metadata, maaari pa ring magsampa ng kaso.
3. Prescriptive Period:
o May 1 taong palugit mula sa petsa ng paglalathala upang magsampa ng kaso, ayon sa Article 90 ng Revised Penal Code.
𝗛𝗔𝗡𝗔𝗣𝗜𝗡 𝗔𝗡𝗚 𝗣𝗥𝗢𝗣𝗘𝗥 𝗔𝗨𝗧𝗛𝗢𝗥𝗜𝗧𝗬:
• PNP Anti-Cybercrime Group (ACG): Tumutulong sa pagsasampa ng reklamo at imbestigasyon.
• NBI Cybercrime Division: Tumutulong sa teknikal na aspeto ng mga imbestigasyon sa cybercrime.
𝗣𝗔𝗔𝗟𝗔𝗟𝗔:
• Ang kasong Cyberlibel ay hindi kailangang dumaan sa barangay mediation.
• Ang warrant of arrest ay nangangahulugang mayroong probable cause na napatunayan ng piskal.
• Ang freedom of speech ay hindi absolute. Kapag ito’y ginamit upang sirain ang reputasyon ng iba, ito ay maaaring kasuhan.
𝗧𝗔𝗡𝗗𝗔𝗔𝗡: THINK BEFORE YOU CLICK. 😊
