12/02/2026
πͺππ₯π₯ππ’π₯π¦ π π π ππππππ π¬, ππ£ππ‘πππππͺππ‘π ππ‘π π§πππ¨π π£ππ¬ π¦π π‘ππ§ππ’π‘ππ π§π₯ππππ¦; ππ§πππ§π π£ππ¦π’π π¦π π‘ππ§ππ’π‘ππ π§πππ !
Ipinagdiriwang ngayon ng Warriors MMA Academy ang isang napakalaking tagumpay ng kanilang mga atletang nagmula mismo sa lalawigan, sa ginanap na 2026 JJFP Philippine National Trials para sa Combat Jiu-Jitsu. Ang nasabing kompetisyon ay idinaos nitong ika-7 ng Pebrero, 2026, sa Ayala Malls Circuit.
Matapos ang apat na taong paghihintay, sa wakas ay nakapagpadala ang Camarines Norte ng dalawang atleta upang lumaban sa National Trials para sa Combat Jiu-Jitsu. Kapwa nag-uwi ng medalya ang mga atletang ito, patunay sa kanilang dedikasyon at kahusayan sa nasabing sport.
Si Rizaldy Jr. Sombrero ay nagwagi ng GOLD MEDAL sa 56kg Combat Jiu-Jitsu division, nagpakita ng pambihirang teknik at tatag sa ibabaw ng mat.
Si Jayson Miralpez naman ay nag-uwi ng BRONZE MEDAL sa 62kg category, nagpamalas ng determinasyon na karapat-dapat sa pagkilala sa buong bansa.
Ang makasaysayang araw na ito ay bunga ng walang sawang paniniwala, pagtitiyaga, at pagmamahal sa sport at sa probinsya. Ito ay tagumpay para sa mga kabataang nangangarap, sa mga coach na hindi sumuko sa kabila ng mga pagsubok, at sa mga magulang na walang sawang sumusuporta sa kanilang mga anak.
Pinatunayan ng Camarines Norte na sa pamamagitan ng puso at pagsisikap, kaya nating umangat sa pambansang entablado at magningning. Sa pamilya ng Warriors MMA Academy, ito pa lamang ang simulaβipagpatuloy natin ang laban at patuloy na sumulong.
"Camarines Norte, kaya natin. Warriors, tuloy ang laban!" ang sigaw ng buong academy.
βπΌ | Jayson de Lemon
π· | Warriors MMA Academyβ
β
