25/05/2026
SINISI ng water district ang sunod-sunod na brownout ng Palawan Electric Cooperative o PALECO sa nararanasang paghina at pansamantalang pagkawala ng suplay ng tubig sa ilang bahagi ng Puerto Princesa City.
Ayon sa water district, malaking porsyento ng suplay ng tubig ngayon ay mula sa Montible River at groundwater sources na umaasa sa tuloy-tuloy na kuryente upang mapatakbo ang mga deep well at pumping facilities.
Paliwanag ng ahensya, tuwing nagkakaroon ng power interruption ay humihinto rin ang operasyon ng mga pumping station dahilan upang bumaba ang pressure at maantala ang normal na distribusyon ng tubig sa mga konsyumer.
Bagamat may standby generator sets ang ilang pasilidad, sinabi ng water district na naaantala pa rin ang operasyon dahil wala umanong automatic transfer switching mula sa linya ng PALECO patungo sa genset operation at karamihan sa mga pumpingstations ay โunmanned.โ
Dahil umano sa paulit-ulit na brownout, may mga pagkakataong โnababakanteโ ang transmission lines kaya mas tumatagal ang recovery ng buong sistema lalo na tuwing peak hours.
Patuloy naman ang monitoring at water injection operations sa mga apektadong lugar habang pinapayuhan ang publiko na magtipid at mag-imbak ng sapat na tubig habang hindi pa bumabalik sa normal ang operasyon.
