08/05/2026
๐๐๐ซ๐ซ๐๐ซ๐ ๐ญ๐จ๐๐จ ๐ฉ๐๐ ๐ก๐๐ก๐๐ง๐๐ ๐๐๐ซ๐ ๐ฌ๐ ๐๐๐ซ๐๐ญ๐ ๐๐ง๐ ๐๐จ๐ฎ๐ญ๐ก ๐๐๐๐ ๐ฎ๐
https://hatawtabloid.com/2026/05/07/herrera-todo-paghahanda-para-sa-karate-one-youth-league/
TODO ensayo at masinsinang paghahanda ngayon ang batang karateka na si Raphael Herrera para sa prestihiyosong Karate One Youth League kung saan makakaharap niya ang ilan sa pinakamahuhusay na batang karate athletes mula sa ibaโt ibang bansa.
Ayon kay national mentor Eugene Dagohoy, malaking oportunidad ito para maipakita ni Herrera at iba pang Pilipinong karateka ang kanilang kakayahan sa international stage.
โMahalaga ang Karate One Youth League dahil dito makakakuha ng ranking points para sa world rankings,โ ani Dagohoy sa Tabloids Organization in Philippine Sports, Inc. (TOPS) Usapang Sports forum nitong Huwebes sa PSC Conference Room sa RMSC sa Malate, Maynila.
Dagdag pa ni Dagohoy, mahalaga ang ranking points bilang bahagi ng qualification process patungo sa Olympics.
Isa si Herrera, 12-anyos at graduating Grade 6 student ng Abba's Orchard School, sa mga inaasahang susunod na bituin ng Philippine karate.
Sinabi ni Herrera na inspirado siyang magsanay nang mabuti upang maipagmalaki ang Pilipinas sa international competitions.
โIโm training very hard every day because I want to improve my skills and make my family and coaches proud,โ sambit ni Herrera sa forum na itinataguyod ng Philippine Sports Commissionm Behrouz Persian Cuisine at Pocari Sweat. โI know the competition will be tough, but Iโm excited to compete against strong athletes from other countries.โ
Ayon kay Dagohoy, nakatuon ngayon ang training ni Herrera sa pagpapahusay ng kanyang kata routines, consistency, disiplina at mental preparation bago sumabak sa world-level competition.
โDedicated talaga siya sa training kahit bata pa. Marunong makinig at gustong laging mag-improve,โ ani Dagohoy. โMalaking bagay ang ganyang attitude kung gusto mong magtagumpay sa international level.โ
Ibinahagi naman ng kanyang ama na si movie actor RR i Herrera na hindi madali ang pagsabayin ang pag-aaral at matinding ensayo bilang isang student-athlete.
โOur support is vital for our childโs success. Of course, it can be expensive, but it is worth it once you see them happy and successful in the sport they love,โ said Herrera. โTo all parents, always be there for your children.โ
โHindi po madali kasi pagkatapos ng school derecho training agad,โ ani Herrera.
Ayon pa sa batang karateka, malaking aral sa kanya ng karate ang disiplina at tiyaga.
โTinuruan ako ng karate maging disiplinado, magalang at masipag,โ dagdag niya. โKahit pagod na, tuloy pa rin ang ensayo dahil alam kong bawat training may improvement.โ
Sinabi rin ni Herrera na inspirasyon niya ang mga international karate athletes kaya lalo siyang ginaganahang magsanay.
โI watch videos of top karate players and I try to learn from them,โ Herrera said. โSomeday, I want to compete regularly in international tournaments and represent the Philippines in bigger competitions.โ
Nagkuwalipika si Herrera sa Karate One Youth League matapos manalo ng gintong medalya sa kata intermediate division sa ginanap na National Open noong nakaraang buwan sa Tagaytay City.
Noong nakaraang taon, nakakuha rin siya ng bronze medal sa 2nd Asian Youth Open Karate Championships sa China at nagwagi rin ng gintong medalya sa Batang Pinoy sa General Santos City.
Matapos ang Karate One Youth League, target naman ni Dagohoy na ihanda si Herrera para sa Thailand Open sa Agosto, Southeast Asian Championships at fourth leg ng Karate One Youth League sa Italy sa Disyembre.
Nagpasalamat din si Dagohoy sa Philippine Sports Commission at sa karate federation dahil sa pagbibigay ng oportunidad sa mga atletang Pilipino na makalaban ang world-class athletes nang hindi kinakailangang gumastos nang malaki para makapaglaro abroad.
โMalaking resources ang kailangan sa training at competing abroad. Ngayon na dito gagawin ang competition, malaking tulong ito sa ating mga atleta dahil hindi na nila kailangang gumastos nang malaki,โ ani Dagohoy. (๐๐๐)
๐๐ฉ๐ฐ๐ต๐ฐ ๐ค๐ข๐ฑ๐ต๐ช๐ฐ๐ฏ:
๐ฆ๐๐ก๐ ๐ฅ๐ฅ ๐๐ฒ๐ฟ๐ฟ๐ฒ๐ฟ๐ฎ, (๐-๐ฅ) ๐ฎ๐ ๐ธ๐ฎ๐ป๐ถ๐๐ฎ๐ป๐ด ๐ฎ๐ป๐ฎ๐ธ ๐ป๐ฎ ๐๐ถ ๐ฅ๐ฎ๐ฝ๐ต๐ฎ๐ฒ๐น "๐ฅ๐ฎ๐ฝ๐ต๐ฎ" ๐๐ฒ๐ฟ๐ฟ๐ฒ๐ฟ๐ฎ ๐ฎ๐ ๐ก๐ฎ๐๐ถ๐ผ๐ป๐ฎ๐น ๐ฐ๐ผ๐ฎ๐ฐ๐ต ๐๐ป๐ด๐ฒ๐ป๐ฒ ๐๐ฎ๐ด๐ผ๐ต๐ผ๐, ๐ถ๐ป๐ถ๐น๐ฎ๐ต๐ฎ๐ฑ ๐ฎ๐ป๐ด ๐ฝ๐ฎ๐ด๐ต๐ฎ๐ต๐ฎ๐ป๐ฑ๐ฎ ๐๐ฎ ๐น๐ฎ๐น๐ฎ๐ต๐๐ธ๐ฎ๐ป๐ด ๐๐ฎ๐ฟ๐ฎ๐๐ฒ ๐ข๐ป๐ฒ ๐ฌ๐ผ๐๐๐ต ๐๐ฒ๐ฎ๐ด๐๐ฒ ๐๐ฎ ๐ธ๐ฎ๐ป๐ถ๐น๐ฎ๐ป๐ด ๐ฝ๐ฎ๐ด๐ฑ๐ฎ๐น๐ผ ๐๐ฎ ๐ง๐ฎ๐ฏ๐น๐ผ๐ถ๐ฑ๐ ๐ข๐ฟ๐ด๐ฎ๐ป๐ถ๐๐ฎ๐๐ถ๐ผ๐ป ๐ถ๐ป ๐ฃ๐ต๐ถ๐น๐ถ๐ฝ๐ฝ๐ถ๐ป๐ฒ ๐ฆ๐ฝ๐ผ๐ฟ๐๐, ๐๐ป๐ฐ. (๐ง๐ข๐ฃ๐ฆ) ๐จ๐๐ฎ๐ฝ๐ฎ๐ป๐ด ๐ฆ๐ฝ๐ผ๐ฟ๐๐ ๐ณ๐ผ๐ฟ๐๐บ ๐ป๐ถ๐๐ผ๐ป๐ด ๐๐๐๐ฒ๐ฏ๐ฒ๐ ๐๐ฎ ๐ฃ๐ฆ๐ ๐๐ผ๐ป๐ณ๐ฒ๐ฟ๐ฒ๐ป๐ฐ๐ฒ ๐ฅ๐ผ๐ผ๐บ ๐๐ฎ ๐ฅ๐ ๐ฆ๐ ๐๐ฎ ๐ ๐ฎ๐น๐ฎ๐๐ฒ, ๐ ๐ฎ๐๐ป๐ถ๐น๐ฎ. (๐๐๐ก๐ฅ๐ฌ ๐ง๐๐๐๐ก ๐ฉ๐๐ฅ๐๐๐ฆ)
