05/12/2024
LOOK | A Humble Samaritan of Kuyas Extremist: Upholding Values and Brotherhood 😇😱
Isang miyembro ng Kuyas Extremist na si Kuys Jrenze Griño ang muling nagpamalas ng kabutihan at pagiging ehemplo ng isang taong may integridad at malasakit sa kapwa.
Noong Nobyembre 18, 2024, bandang 11:30 AM, habang papunta sina Kuys Jrenze at ang kanyang kasamahan na si Isidro sa Mayao, Lucena City, Quezon Province upang maghanap ng mabibiling baboy, napansin nila ang isang 𝐏𝐈𝐓𝐀𝐊𝐀/𝐖𝐀𝐋𝐋𝐄𝐓 na nakahandusay sa gitna ng kalsada. Agad niya itong pinulot upang hindi masagasaan o mapulot ng iba. Sa kabila ng tukso, hindi nila kailanman inisip na kunin ang laman nito—kahit na naglalaman ito ng 𝐂𝐄𝐋𝐋𝐏𝐇𝐎𝐍𝐄, o humigit-kumulang ₱𝟑,𝟎𝟎𝟎.𝟎𝟎, na pang-tuition ng may-ari, at mga mahahalagang dokumento tulad ng 𝐀𝐓𝐌 at 𝐈𝐃𝐬.
Dahil wala siyang cellphone upang agad makontak ang may-ari, naghintay siya ng tamang pagkakataon. Nang tumawag ang ama ng may-ari ng cellphone gamit ang numerong naka-save sa telepono, agad itong sinagot ni Kuys Jrenze at pinaabot ang mensahe: “𝐖𝐚𝐠 𝐤𝐚 𝐦𝐚𝐠-𝐚𝐥𝐚𝐥𝐚 𝐝𝐚𝐡𝐢𝐥 𝐦𝐚𝐩𝐚𝐩𝐚𝐛𝐚𝐥𝐢𝐤 𝐚𝐧𝐠 𝐦𝐚𝐡𝐚𝐥𝐚𝐠𝐚𝐧𝐠 𝐠𝐚𝐦𝐢𝐭 𝐦𝐨.”
Bandang 12:00 NN, personal niyang pinapunta ang may-ari sa kanyang kinaroroonan upang personal na isauli ang wallet at lahat ng nilalaman nito. Ang kanyang ginawang kabutihan ay nagpakita ng tunay na malasakit sa kapwa, na isang halimbawa ng pagiging responsableng mamamayan at modelo ng Kuyas Extremist.
Ang aksyon ni Kuys Jrenze ay patunay na sa kabila ng mga hamon sa lipunan, may mga tao pa rin na nananatiling matapat, may malasakit, at handang magbigay ng tulong nang walang hinihintay na kapalit.
𝐒𝐀𝐋𝐔𝐃𝐎 𝐊𝐀𝐌𝐈 𝐒𝐀 𝐈𝐘𝐎, 𝐊𝐔𝐘𝐒 Jrenze 👏
