09/06/2017
Phillippine Airlines magabutang it ferry operations sa Brgy Pook!
Sangka Certification of No Objection from the Municipal Mayor rong ginapangayo makaron it Mabuhay Maritime Express Transport Incorporated sangka subsidiary it Philippine Airlines nga magabutang it terminal para sa ferry operations sa barangay Pook Kalibo . Suno kay Mayor William Lachica katuyuan it PAL nga i transport ro andang mga pasahero pa Boracay pinaagi sa pagbiyahe sakay it ferry . Bukon eang kuno it state of the art nga ferry ro andang pagadaehon iya sa Kalibo kundi magabutang pa it mga world class facilities nga puerto ag terminal para suportahan rong operasyon kara . Magabuhay it sang oras ag tunga rong biyahe halin sa Pook hasta sa Boracay matapos rong ginpatigayon nga dry run. Posible nga sa pagsueod it 2018 maga operate eon ra suno pa kay Mayor Lachica . Malipayon man nga ginbalita ni Mayor nga masueod man sa Kalibo rong Pure Gold ag rong ginapanan aw nga lugar hay maeapit sa Aklan Catholic College sa may dating Rural Bank of Kalibo. May proposisyon man rong City Mall Kalibo nga maipa second floor ra para sa ginahandum nga sinehan iya banwa it Kalibo.
