Excellent Bacan Sports Club

23/03/2026

26/01/2026

CONGRATULATIONS BADMINTON ATHLETES FROM BACAN NATIONAL HIGH SCHOOL🏸☺️
THE BACANIANS IS ALWAYS PROUD OF YOU💚

Proud moments for the team!

CONGRATULATIONS!!! Cha Cha Eleserio and Hailee Kiera Sta Maria for winning 2nd runner-up in 13 under girls doubles. As well as Prince Vincent Bracamonte and Jhon Emanuel Reyes for clinching the tournament as 2nd Runner-Up in 17 Under Boys Doubles during the recently concluded FELET-Dinagyang National Badminton Tournament!

The whole team is very proud of you!

17/12/2025

21/11/2025

14/10/2025

BACAN NHS NAANGKON RO TANSO SA VOLLEYBALL GIRLS

Naangkon it Bacan National High School ro Tanso kontra Torralba National High School sa patag it Volleyball Girls sa ginapatigayon nga Sports District Meet 2025 sa Bacan Elementary School Covered Court, October 13, 2025.

Sa unang set pa eamang, gin-eagas it Bacan NHS ro iskor it Torralba NHS nga nangin paagi sa andang pagdaog, 25-22.

Determinadong mabuoe ro kampyonato sa pangaywang set, pero nangin sablay ro mga spikes ag bater it Bacan NHS ag haadto sa Torralba NHS ro kadaeag-an, 22-25.

Pag-abot sa pangatlong set, nangin makahawat-hawat ro hampang ag naangkon gid it Bacan NHS ro kampyonato, 25-22.

"Nangin buwis buhay ro andang naging hampang ag nakuebaan man kasi basi indi kami makahingabot sa maskin bronze lang. Pero thankful man gihapon ako sa naging resulta," mga pamisaea halin kay Mrs. Mairim Ruiz, Coach it grupo.

✍️ Ashley May Relojo
📷 Jove Reloj

14/10/2025

BACAN NHS, OVERALL CHAMPION SA BADMINTON GIRLS

Indi matupngan ro kasadya it Bacan NHS matapos nga nakuha ro titulo nga Overall Champion sa Badminton Girls - Secondary Level sa ginhiwat nga Banga District Meet 2025 sa Oktubre 13, 2025.

Ro kada hampang it mga atleta hay nagpakita it pagtinguha, dedikasyon, ag disiplina sa kada hampang. Ro adlaw-adlaw nga praktis ag mabakod nga depensa ro nangin rason kung ngaa nagbunga ro kadaeag-an.

Ro mga atleta it Bacan NHS sa Badminton Girls hay sanday Mharbe Meneses sa 1st Singles, Aira Apolinario sa 2nd Singles, ag sanda JB Cordova ag Andrea Gia Francisco sa Doubles, nga magapadayon sa masunod nga Unit Meet 2025.

Suno kay Mr. Joshua V. Rebite, coach it nasambit nga team, "Nagapasalamat gid ako, syempre unang-una kay Lord, sa kadaeag-an nga among habuoe. Daya tanan hay bunga it sakripisyo ag kahugod it kada isa sa team. We will strive harder pa gid para sa masunod nga higher sports meet, dahil sayod kami nga maabo pa gid ro among kayang ipakita sa hampang and we are not yet on our end goals."

"Saeamat gid sa tanan nga nagsuporta, ag kabay pa nga suportahan ninyo ro Excellent Bacan Shuttlers sa masunod pa nanda nga mga hampang," dugang pa nana.

✍️ Khate Villanueva
📷 Alaiza Jolito

14/10/2025

BACAN NHS, GIN-ULI RO BUEAWAN

Gin-uli it Bacan National High School ro pagka-kampyon sa Badminton Boys matapos ro 2025 District Sports Meet, Oktubre 13, 2025.

Ro sakripisyo ag pagpangabudlay sa paghampang ag praktis hay nabayluhan it kadaeag-an ag kalipay sa tagipusoon, matapos nanda nga masungkit ro kadaeag-an. Owa man nagpaulihi ro andang mga taga-suporta ag pamilya nga padayon nga naghatag it inspirasyon sa mga atleta.

Ro mga atleta hay sanday Jhon Emanuel M. Reyes ag anang kaibahan nga si Prince Vincent B. Bracamonte, nga kumatawan sa Secondary Boys Doubles. Sanda ro maga-representar sa bilog nga Banga sa paeabuton nga Unit Meet 2025.

✍🏻: Nikki Angeline Retiro & Ellah Jhyn D. Rico
📷: Alaiza Rezz Jolito

14/10/2025

BACAN NHS MEN'S BASKETBALL TINUS-ON RO FIRST RUNNER UP

Pinatueog ro Bacan NHS matapos sandang paarakan ku Torralba NHS sa iskor nga 50-67 sa patag it Men's Basketball District Sports Meet Championship 2025 nga ginpatigayon sa Teodosio's Park, Banga, Aklan, Octubre 13, 2025.

Sa unang kwarter pa eang, gaeagasak nga mga bola eagi ro ginpasamit ku magkaparehong grupo hasta nga umabante eagi ro iskor sa 10-9.

Pagtungtong it ikaywang kwarter, nangin paspasan ro mga hueag ag assists ku magkaparehong grupo, ag eumusot eagi sa iskor nga 15-21.

Nagbuhi it magkasunod nga 2-points shoots ro Torralba NHS pag-abot it ikatlong kwarter, gin tinguhian man nga makatao it hugot nga depensa ro Bacan NHS rason nga eumumpat ro iskor sa 48-34.

Nagadaba-daba eon ro hampang pag abot it ikap-at nga kwarter, naging desidido ro magkaparehong grupo nga makawhat ro titulo, rason nga nag-eagas ag nagtao it mabaskog nga pwersa ro Bacan NHS pero owa nagsugot ro Torralba NHS ag lumanding ro iskor sa 67-50.

“Naka-chamba kami sa among pagdaog. Nagapasalamat gid kami sa tanan nga nag-sponsor,” suno kay Gerald Raquin, Team Captain it Torralba NHS.

“Ro Bacan NHS gid ro amon nga natan-aw nga mabaskog nga oponent when it comes to basketball. Bukon man gid it maeawig, pero gin-preparahan gid namon ro Bacan NHS, dahil sayod kami nga sanda may mga mabaskog nga players. Sa pagdaog namon makaron, hay na-overwhelmed gid kami ag very happy, kasi habuo namon ro pangaywang daog ag pangaywang championship para sa among team,” mga pahayag ni Mr. Ivan R. Bombales, coach it Torralba NHS.

“Thank you sa mga teachers ag students nga igto kaina, ag kapin gid kay Sir Peter Abayon, nga hasta sa ulihi owa gid kami ginpabay-an. Thank you, Bacan NHS Family,” mga tinaga ni Kian Rabal, Team Captain it Bacan NHS.

“The Bacan NHS team gave their best to win the game, but sadly, we lost. Sadyang hindi pumanig ang swerte sa amin, but we will return again next year, stronger. I would like to extend my deepest gratitude to all the people who supported us during the game. To our supportive School Principal, Ma'am Judith, teachers, students, and parents — abo gid nga saeamat,” dugang ni Mr. Peter Abayon, coach it Bacan NHS.

✍️ Mary Jane Ingalla
📷 Liane Jamae Perez

14/10/2025

FLORES, HASUNGKIT RO GINTO SA PATAG IT CHESS BOYS

Malig-on nga plano ru nangin estratehiya it pambato it Bacan National High School nga si James Brian Flores agod amat-amatan it buoe ru depensa it Central Visayan Instute of Aklan (CVIA) rason agud mapatumba ru hari sa unang hampang it Chess boys sa ginahiwat nga District Sports Meet 2025 sa Banga Elementary School, Octobre 11-15, 2025.

Sa ikaywang hampang, sinikwat it kabayo ni Flores ru hari it ASU Laboratory High School rason nga ru anang mga plano hay mabalda ag nagin tyempo agud madaynan nga mabuoe ni Flores du kadaeag-an.

Sa ikatlong hampang pinakit-an it kamayad sa pag-isip it pambato ku Aguinaldo T. Repredad Sr. Integrated School (ATRISIS) si flores galing imw man hy binaeusan it mga praktikal nga atake ag gin amat-amatan it buoe ru ibang mga piyesa.

Kaaeam ag kaabtik it pag-isip ru baeon ni Flores sa ika-apat nga hampang gamit daya hay insigida na nga gin pakit-an it anang mga natun-an ag eksperyensya ru pambato it Central Visayan Instute of Aklan (CVIA) kung siin du anang malig-on nga plano hy eagi man nga naguba.

Sa ika-limang hampang kita eon du kueba ag pagkaseryuso it daywang magkasambuwa nga pambato, nagin praktikal ru kada hueag it mga piyesa, hasta kung siin nakakita it manaming tyempo agud ma-checkmate ni Flores du hari it Torralba National High School(TNHS), rason agud mabuoe na ru kadaeag-an sa patag it Chess boys.

"Looking forward sa Unit meet”, suno kay Flores, magaarangkada sa unit meet 2025.

✍🏻 & 📷 Kristine Joy Santiago

14/10/2025

TURNINO, HAKUMKOM RO TANSO SA CHESS GIRLS

Pamaagi sa wais nga paino-ino ag solidong hueag einamon ni Lianne Reign Turnino pambato it Bacan National High School ro hari it anang kasambuwa nga naghalin sa Aguinaldo T. Repiedad Sr. Integrated School (ATRSIS) sa unang hampang sa patag it Chess Girls sa ginapatigayon nga Sports District Meet 2025, sa Banga Elementary School, Oktubre 11-13 2025.

Bangud sa dedikasyon ag determinasyong makaeusot sa Unit Meet, owa nag pakampante si Turnino ag ginpakitaan na it mapag-on nga depensa ag na checkmate ro kontra halin sa Central Visayan Institute of Aklan (CVIA) sa ikaywang hampang.

Pag abot sa ikatlong hampang naging malisod ro eabanan it BNHS ag ASU LHS bangud sa maaeam nga estratehiyang ginamit it kasambuwa nga nag resulta it pagkaeoya ni Turnino.

Sa ikap-at nga hampang owa eun nag sugot si Turnino nga mapirde, padayon imaw nga nag pokus ag ginuba ro depensa it kontra dahilan nga owa makalamang ro representante it Don Edecio Venturanza Integrated School.

Samtang sa ikalimang hampang, umabot sa dueunggan ro ngirit ni Turnino matapos pakitaan it mga kataeaeang nga hueag ro anang kontra rason nga mapabagsak ro hari it Daja Sur ag maiuli ro trono.

"Malisod gid ro hampang kasi mga mayad man ang kalaban pero nakaya man iuli ro bronze", mga pamisaea ni Turnino.

✍🏻: Arlyn Navarra & Michelle Carpio
📷: Arlyn Navarra

14/10/2025

MENESES, SENELYUHAN RO KAMPYONATO SA BADMINTON GIRLS SINGLES

Inangkon ni Mharbe Meneses nga representante it Bacan NHS ro kampyonato kontra sa anang kasambuwa nga halin sa ASU-LHS nga si Ashley Shane Flores matapos nana nga paeagson sa hampang nga Badminton Girls 1st Singles, sa ginapatigayon nga Banga District Sports Meet 2025, sa P&F Shuttle Badminton Center, Cerrudo, Banga, Aklan, Oktubre 12, 2025.

Sa unang set pa eamang, owa eagi nagpasugot si Meneses nga unahan imaw ni Flores ag pinakita ro anang mabaskog ag mabakas nga bunae it shuttlecock nga tumub-ok sa iskor nga 21-6.

Umabot ro pangaywang set, nagpadayon si Flores sa pagdepensa pero owa gid kaeapos sa mabaskog nga pwersa ni Meneses ag senelyuhan ro kampyonato, 21-11.

Habuoe man ni Meneses ro bueawan nga medalya matapos nga magdaog sa Best of Singles.

"Masadya ako sa akong kadaeag-an ag thankful ako sa mga nag-support ag nag-guide kakon sa hampang," ro mga pamisaea ni Meneses.

✍🏻Khate Villanueva
📷Milcah Rogan