11/06/2026
🏀🏓 Magandang hapon mga Ka-KGBC!
Matapos ang matagumpay na Basketball League ng ating komunidad, napagpasyahan nating mas pagandahin pa ang ating half court sa pamamagitan ng pagdagdag ng pickleball court lines.
Layunin natin na mabigyan ng maayos, ligtas, at masayang lugar ang lahat ng residente—hindi lamang para sa mga mahilig sa basketball kundi pati na rin sa mga nais maglaro ng pickleball, mapa-lalaki man o babae, bata man o matanda.
Sa pamamagitan nito, mas marami pang miyembro ng ating komunidad ang magkakaroon ng pagkakataong makapag-ehersisyo, makapaglibang, at makilahok sa mga aktibidad ng KGBC.
Maraming salamat sa patuloy ninyong suporta at pakikiisa sa mga proyektong nagpapaganda at nagpapasigla sa ating komunidad. Sama-sama nating alagaan at pahalagahan ang mga pasilidad na ating unti unti nasisimulan para sa kapakinabangan ng lahat.
