C Sport Network

23/03/2026

#

18/03/2026

දැන් අපෙනුත් මොනවා හරි ඉගෙන ගනින්!

1999 ජනවාරියේ අදවන් දිනයක ශ්‍රී ලංකා පිතිකරුවන් එංගලන්ත කණ්ඩායම ලබාදුන් ලකුණු තුන්සීයක දැවැන්ත ඉලක්කය හඹා යමින් සිටියහ.

මේ තරගයේදී නැවත වතාවක් මුත්තයියා මුරලිදරන්ට පන්දුව දමා ගැසීමේ චෝදනා එල්ල වූ අතර ඒ වෙනුවෙන් ශ්‍රී ලංකා නායක අර්ජුන රණතුංග ප්‍රතික්‍රියා දැක්වූ ආකාරය ගැන එංගලන්ත කණ්ඩායම සිටියේ පහන් හැඟීමකින් නොවේ.

"අද උඹේ හැසිරීම නායකයෙකුට කිසිම විදියකින් ගැළපෙන්නේ නෑ" එංගලන්ත කණ්ඩායමේ නායක ඇලෙක් ස්ටුවර්ට් කඩුල්ල පිටුපස සිට රණතුංගට චෝදනා මුඛයෙන් බැන වැදුණේය.

කණ්ඩායම් දෙකේම ක්‍රීඩකයින් තරගය පුරාවටම වචනවලින් එකිනෙකාට පහර දෙමින් සිටියහ.

මෙකී අවස්ථාවේ පන්දුවට පහර දෙමින් සිටියේ රොෂාන් මහානාම ය.

"ඔය ක්‍රිකට් සෙල්ලම් කරන විදිය නෙවෙයි"

එංගලන්ත කණ්ඩායමේ වින්ස් වේල්ස් මහානාම පසු කරන යන අතරවාරයේ පැවසුවේය.

"අපි උඹලගෙන් මේක ඉගෙන ගත්තේ දැන් අපෙනුත් මොනවා හරි ඉගෙන ගනින්."

මේ අතරවාරයේ පැත්තක සිටි ග්‍රැහැම් හික් ද ශ්‍රී ලාංකිකයින් ඉලක්ක කරගෙන කුණු කතාවක් කීවේය.

"උඹ කට වහගනින්. උඹ දේශ ද්‍රෝහියෙක්." (සිම්බාබ්වේ රටේ උපන් හික් එංගලන්තය නියෝජනය කරන නිසා).

සාමාන්‍යයෙන් ක්‍රිකට් පිටියේ මෙන්ම ඉන් පිටතදීත් නිවුණු ගති ඇති මහානාම පවා එදා කට වහගෙන සිටියේ නැත.

සනත් ජයසූරිය ගේ වේගවත් ආරම්භය, මහේල ජයවර්ධන ගේ මංගල එක්දින ශතකය, අර්ජුන රණතුංග ගේ කල්පනාකාරී පිතිහරඹය සහ අවසාන පන්දුවාර කිහිපයේ උපුල් චන්දනගේ වේගවත් පිති ප්‍රහාරය හේතුවෙන් තරගයේ අවසන් ඕවරයේ ජයග්‍රහණය ලබාගැනීමට එදා ශ්‍රී ලංකා කණ්ඩායමට හැකියාව ලැබුණි.

17/03/2026

147 වන නිල් මහ ක්‍රිකට් තරඟයේ කොළඹ රාජකීය විද්‍යාලයේ නායකත්වය දැරූ රෙහාන් පීරිස් මෙම මහ ක්‍රිකට් තරඟ ඉතිහාසයේ කොළඹ රාජකීය විද්‍යාලයේ නායකත්වය දැරූ ළාබාලම ක්‍රීඩකයා බවට පත්විය.

***මෙහිදී මා ළාබාලම ලෙස සඳහන් කරන්නේ රෙහාන්ට තවත් වසර දෙකක් ඉදිරියට මෙම මහ ක්‍රිකට් තරඟය ක්‍රීඩා කිරීමට වයස තිබෙන නිසා. රෙහාන් මෙම වසරේ ක්‍රීඩා කළේ ඔහුගේ හතරවන මහ ක්‍රිකට් තරඟය.

**(මීට පෙරාතුව නයිජල් ප්‍රනාන්දු ඉදිරියට මහා ක්‍රිකට් තරග දෙකක් තිබියදී කොළඹ රාජකීය විද්‍යාලයේ නායකත්වය දරා තිබෙනවා. ඔහු ඒ වන විට මහා ක්‍රිකට් තරග තුනක් ක්‍රීඩාකර තිබුණු වග දැන ගන්නට ලැබුණා. මෙම ඉතිහාසය දන්නා කෙනෙකුට මෙහි දෝෂයක් තිබේ නම් නිවැරදි කරන්නට පුළුවන් බවත් කාරුණිකව සිහිපත් කරනවා)

**දැන් නැවතත් රෙහාන් දෙසට**

1) මෙවර මහ ක්‍රිකට් තරඟයේ දී රෙහාන් ලකුණු 63 ක් ලබාගන්නවා . ඒ සමග මෙවර දහනවයෙන් පහළ පළමු පෙළ තරගාවලිය තුළ ලකුණු
1000 සීමාව පසුකරන්නට ඔහුට හැකියාව ලැබුණා

2) මේ ආකාරයටම පසුගිය වසරේත් රෙහාන් ලකුණු දහසේ සීමාව පසු කර ගියා.

*** වැදගත්ම දේ පිට පිට වසර දෙකක් දහ නවයෙන් පහළ පළමු පෙළ තරගාවලියේදී ලකුණු දහසේ සීමාව පසුකර ගියත් ඔහු තවමත් වයස අවුරුදු 17 ක ක්‍රීඩකයෙක්..

3) ඔහු පසුගිය වසරේ ශ්‍රී ලංකා 17න් පහළ ජාතික කණ්ඩායමේ නායකත්වය දරමින් බංග්ලාදේශ සංචාරයක නිරත වෙනවා. එහිදී බංගලාදේශ කණ්ඩායමට එරෙහිව තුන්දින තරගයකදී ඔහු ලකුණු 180ක් ලබා ගන්නවා

4) ඒ වගේම පසුගිය වසරේ මහ ක්‍රිකට් තරඟයේදී ඔහු ලකුණු 158ක් ලබා ගන්නවා

5) ඒ අනුව පැහැදිලියි ආයාසයකින් තොරව පුරුද්දට මෙන් ශතක රැස් කරන්නට .. කරන්නට රෙහාන් දක්ෂයෙක් බව
රෙහාන් ක්‍රීඩා කරන්නේ ආරම්භක පිතිකරුවෙක් හැටියට

*** දිමුත් කරුණාරත්නගේ සමු ගැනීමත් සමග පැතුම් නිස්සංක සමඟ ඉනිම ආරම්භ කිරීමට ස්ථාවර ටෙස්ට් ආරම්භක පිතිකරුවෙක් ශ්‍රී ලංකා ජාතික කණ්ඩායමට නැහැ.(ආදේශක ක්‍රීඩකයින් කිහිපදෙනෙක් යොදාගත්තත් හිතූ තරම් සාර්ථක වුණේ නෑ)

එවැනි ක්‍රීඩකයින් දවසෙන් දෙකෙන්

******වැඩමුළු දාලා
***** කඳවුරු බැඳලා
****** රූපවාහිනී තරගාවලි සංවිධානය කරලා හොයාගන්න බැහැ.

**පැහැදිලි අනාගතයක් තිබෙන රෙහාන් වැනි අඛණ්ඩව දක්ෂතා පෙන්වන ක්‍රීඩකයින් පිළිබඳව නිසි අවධානයකින් සිට නිසි මග පෙන්වීමක් ලබා දෙමින් නිසි පුහුණුවක් ලබා දෙමින් එම ක්‍රීඩකයන් නිසි ලෙස කළමනාකරණය කිරීම සිදුකළහොත් .....
ටෙස්ට් තරගාවලියක් කට උඩට එනතුරු සිට ආදේශක ක්‍රීඩකයින් සොයනවාට වඩා වැදගත් වේවි.

සටහන් නිමා කරන්නට මත්තෙන් තවත් සුවිශේෂී කරුණක් සිහිපත් කළ යුතුයි.

2024 වසරේ වයස 17 පහළ පාසල් ක්‍රිකට් තරගාවලියේ පළමු කොටසේ සම ශූරයෙන් වන්නට කොළඹ රාජකීය විද්‍යාලයට හැකියාව ලැබුණා.
එහිදී රාජකීය විද්‍යාලයේ කණ්ඩායමේ නායකත්වය රෙහාන් පීරිස් දරද්දී එම කණ්ඩායමේ පුහුණුකරු හැටියට කටයුතු කළේ රෙහාන්ගේ පියා . ඒ රශාන් පීරිස්.

***රශාන් පීරිස් 2000 වසරේ අවුරුදු 19න් පහළ ලෝක කුසලාන ක්‍රිකට් තරගාවලියේදී ශ්‍රී ලංකා 19 පහළ ජාතික කණ්ඩායම නියෝජනය කළා. ඒ කඩුලු රකින්නෙක් හැටියට සහ පුතා වගේම ආරම්භක පිතිකරුවෙක් හැටියට. ඒ වගේම ඔහු පළමු පෙළ තරග රැසක් නියෝජනය කල දක්ෂ ක්‍රීඩකයෙක්.

සටහන ජාලිය ජයන්ත fb පිටුවෙන්

@

25/02/2026

04/12/2025

04/12/2025

17/11/2025

16/11/2025

05/11/2025

අදුරනවද චරිතෙ.

30/07/2025

ලී ෆෝටිස්ට සද්දයක් දාන ගෞතම් ගාම්භීර්ගේ විඩියෝව මේ වෙනකොට ලෝක ක්‍රිකට් ප්‍රේක්ෂකයන්ගේ අවධානයට පාත්‍ර වෙලා ඉවරයි.

2-1ක් හැටියට ටෙස්ට් තරගාවලියේ පිටුපසින් ඉන්න ඉන්දියානු කණ්ඩායම, තීරණාත්මක මීළඟ තරගයට පුහුණු වෙමින් ඉන්නකොට ඕවල් ක්‍රීඩාංගණය සැකසීම භාර නිලධාරී ලී ෆෝටිස්, 'ප්‍රධාන තණතීරු වලට හානි නොකරන ලෙස' ඔවුන්ට තරයේ අවවාද කළා.

ඉන්දීය ප්‍රධාන පුහුණුකරුගේ ඉවසීමේ සීමාව පැන්නේ ලී ෆෝටිස් විසින් ඉන්දීය පුහුණු කාර්යමණ්ඩලයට දුන්නු ඒ අවවාදය නිසා. ගාම්භීර් විසින් ෆෝටිස්ට කතා කළේ අපේ කලාපයේ සමහර මධ්‍යම පාන්තිකයන්, අඩු ආදායම්ලාභී වෘත්තිකයන්ට කතා කරන විදියටමයි. ක්‍රීඩාංගණ සකසන්නෙක් වගේ කෙනෙක් මොනවහරි කිව්වහම අපේ මමංකාරයට (ඊගෝ) ඌයියා වෙනවා. ඒක කලාපීය අවුලක්ද කොහෙද.

"තමුන් ග්‍රවුන්ඩ්ස්මන් කෙනෙක් විතරයි. ඊට වඩා දෙයක් නෑ. අපි කරන්න ඕන දේවල් අපට කියන්න එන්න එපා හරිද? තමුන්ට අයිතියක් නෑ අපට කියන්න. තමුන් ග්‍රවුන්ඩ්ස්මන් කෙනෙක්. තමුන් තමුන්ගේ ගානට වැඩ කරන්න", ගාම්භීර් කිව්වා.

අද කාලයේ කිසිම දෙයක් කැමරාවකින් හංගන්න අමාරුයි. ගාම්භීර්ගේ වචන ටික කැමරාවක සටහන් වුණා. දැන් ඒක ලැව් ගින්නක් වගේ පැතිරෙනවා. ඒත් එංගලන්තයේ ක්‍රීඩාංගණයක් සකසන නිලධාරියෙක් කියන්නේ 'බ්‍රිතාන්‍ය උපහාසය' හොඳටම ඇඟේ තියෙන කෙනෙක්. ෆෝටිස් තමයි 2024 'එංගලන්තයේ හොඳම තණතීරු සකසන්නා'. ඔහු, මාධ්‍ය වෙත මෙහෙම කිව්වා.

"මීළඟ තරගය සම්පූර්ණයෙන්ම ලොකු තරගයක්. ගෞතම් ගාම්භීර් එක්ක සතුටින් වාසය කරනවද නැද්ද කියන එක නෙමෙයි මගේ රාජකාරිය. අදට කලින් මට ඔහුව හම්බවෙලාත් නෑ. දැක්කනේ උදේ එයා හිටපු හැටි? මට කමක් නෑ. අපට හංගන්න දෙයක් නෑ", එංගලන්ත-ඉන්දියා උණුසුම් තරගාවලි අවසානයකට යන්න මේ සිද්ධිය තවත් උපකාර වේවි.

ඒ අස්සේ මට මතක් වුණේ, 1996 ලෝක කුසලාන අවසන් මහා තරගයට යන්න විනාඩි කිහිපයකට කලින් පාකිස්තානයේ ප්‍රබලම ක්‍රිකට් ක්‍රීඩකයා, ඉම්රාන් ඛාන්, "මුලින් බැට් කරන්න" කියද්දීත්,

ලාහෝර් ක්‍රීඩාංගණ සහායකයෙකුගේ උපදෙස් අනුව දෙවනුව පන්දුවට පහර දෙන්න තීරණය කරපු එවකට ශ්‍රී ලංකා නායක අර්ජුන රණතුංගව. "රෑට පින්න එන්න පුළුවන්" කියන එක අර්ජුනට කිව්වේ ක්‍රීඩාංගණ සහායකයෙක්. ඒ නිසා රාත්‍රියේදී පිත්තට පන්දුව පහසුවෙන් ගලාගෙන එන බව තේරුම් අරගෙන දෙවනුව පන්දුවට පහරදෙන්නට එදා අර්ජුන ගත්තු තීරණය, ශ්‍රී ලංකාවේ ප්‍රථම සහ මෙතෙක් එකම එක්දින ජාත්‍යන්තර ලෝක කුසලාන ජයග්‍රහණයට පාර කැපුවා.

ලොකු කටකට වඩා ලොකු කන් දෙකක් ඉතා වටිනවා. ජීවිතේ සමහර දේවල් සවන් දීමෙන් සහ සාකච්ඡාවෙන් විසඳගන්න පුළුවන් සහ සුදුසු දේවල්. ලොකුකම් පැත්තකින් තිබ්බොත්, එහි උපරිම ඵල නෙළාගන්න ඕනෑම කෙනෙකුට පුළුවන්.

- අසංක හදිරම්පෑල.

19/07/2025

SLC MAJOR CLUB 50 OVER TOURNAMENT 2025 - MATCH 11
NCC vs Baduraliya
Charmika Karunarathna 95 (46)