07/02/2020
حق غوښتنه!
تېره ورځ د کرکټ بورډ اداري د ملي لوبډلې نوملړ د آیرلنډ پر وړاندې اعلان کړ.
موږ د کرکټ مینه وال په دې امید وو چې ځوانه لوبډله به اعلان کړي خو ډیری یی مشر لوبغاړي تر سترگو کیږي، د کرکټ بورډ ادارې د غوراوئ پالیسۍ له مخې هغه لوبغاړي چې فټنس ( یویو ) بریالی تر سره نکړي او کورني کرکټ کې وړتیا ونه ښایي، د ملي لوبډلې برخه نشي کېدلی.
په خواشینۍ سره باید ووایو چې یاد لوبغاړی (یویو) کې پاتې راغلي، کورني او بهرني لوبو کې سره له ډېرو چانسونو یې هم وړتیا نه ده ښودلې نو د غوراوي کمیټې مشر انډیمولز په کوم اساس یاد لوبغاړي د ملي لوبډلې لپاره غوره کړي؟
هغو لوبغاړو چې فټنس (یویو) یې په بریالي توگه سر ته رسولی او کورنی کرکټ کې یې ښه وړتیا ښودلې او ښه ځلېدلي لکه: نور علي ځدران، ابراهیم ځدران، منیر کاکړ، میرویس اشرف، درویش رسولي، نجات مسعود، نجیب ترکي، شرف الدین اشرف، جاوید احمدي او نور داسې لوبغاړي چی په کور ناست دي، دا ولې؟
لوبغاړي د بهرنۍ لوبډلې پر وړاندې غوره شي، سفر هم وکړي او پرته له کومې لوبې کورونو ته راستانه شي او بیا بل سفر کې د ملي لوبډلې نه لري او په کور کېنول شي لکه: درويش 'رسولي'، شاهد کمال، جاوید 'احمدي' او شرف الدین 'اشرف...
د نوې غوراوې کمیټې مشر انډیمولز ته مو ډېرې هيلې وې، موږ ویل چې بهرنی دی معامله به نه کوي، حق به حقدار ته سپاري خو دوی هم بې انصافي پيل کړه.
انډیمولز د کرکټ پاليسي او اصول تر پخو لاندې کوي او د خپلې بقا لپاره له لوبغاړو سره د مور او میرې چلند کوي، حق یې حقدار ته ورنکړ نو موږ هم چپ نه پاتې کېږو خپل غږ به اوچته وو تر څو چې حق حقدار ته ونه سپارل شي.
