13/04/2026
⚽ हार्दिक धन्यवाद तथा कृतज्ञता 🙏❤️
हाम्रो आयोजनामा सम्पन्न ७–A–Side फुटबल प्रतियोगिता तथा खेल मैदान उद्घाटन कार्यक्रम मिति २०८२/१२/२८ देखि २०८२/१२/३० सम्म अत्यन्तै भव्य र सफलतापूर्वक सम्पन्न भएको जानकारी गराउँदछौं।
यस ऐतिहासिक क्षणलाई सफल बनाउनका लागि यहाँहरुद्वारा देखाइएको माया, साथ, सहयोग, विश्वास र सम्मानप्रति हामी हृदयदेखि नै आभारी छौं। यहाँहरूको साथ र उत्साहले हामीलाई आगामी दिनहरूमा अझ ठूलो ऊर्जा र प्रेरणा प्रदान गरेको छ। यसका लागि Ranikhola Youth Club (RYC) परिवार हार्दिक धन्यवाद तथा आभार व्यक्त गर्दछ।
हामीले आफ्नो मैदान नहुँदाको कठिन संघर्ष, अभाव र पीडा सम्झँदै आज आफ्नै होम ग्राउण्डमा आइपुगेका छौं। यो केवल एउटा मैदान मात्र होइन, हाम्रो सपना, मेहनत र एकताको प्रतिफल हो। यसले आगामी दिनहरूमा हाम्रा भाइ–बहिनीहरूलाई आफ्नो ठाउँबाट अघि बढ्न, खेलप्रति समर्पित हुन र हाम्रो विगतको संघर्षलाई सधैं जीवित राख्न प्रेरित गर्ने विश्वास लिएका छौं।
🙏 विशेष धन्यवाद सहभागी सम्पूर्ण टिमहरूलाई:
*साहारा युवा क्लब ( मुलडाडाँ )
* मिरमिरे युवा क्लब ( डुडेँ )
* भाविनी युवा क्लब ( खोक्लिङ )
* हिल भिउ युवा क्लब ( बिर्ता, रामेछाप )
* युवाहरुको आवाज ( सान्ने )
यहाँहरूले देखाउनु भएको खेल भावना, अनुशासन, समर्पण र उत्कृष्ट प्रदर्शनले प्रतियोगितालाई अझै रोचक र स्तरिय बनाएको छ। यहाँहरूबाट हामीले धेरै कुरा सिक्ने अवसर पाएका छौं र भविष्यमा पनि यस्तै साथ, सहकार्य र सम्बन्ध निरन्तर रहने अपेक्षा गर्दछौं।
🏆 🥇 पहिलो स्थान–रानिखोला युथ क्लब बि"
🥈द्वितीय स्थान – साहारा युवा क्लब ( मुलडाडाँ)
🥉तृतीय स्थान- हिल भिउ युवा क्लब ( बिर्ता रामेछाप)
विजेता तथा उपविजेता टिमहरूलाई हार्दिक बधाई तथा सम्पूर्ण सहभागी खेलाडीहरूलाई आफ्नो उत्कृष्ट प्रदर्शनका लागि धेरै धेरै धन्यवाद।
आज हामीले एउटा प्रतियोगिता सफलतापूर्वक सम्पन्न गर्यौं, तर यस क्रममा केही कमी–कमजोरीहरू पनि पक्कै भएका हुन सक्छन्। ती साना–साना त्रुटिहरूलाई हामीले मनन गर्दै आगामी दिनहरूमा सुधार गर्ने दृढ प्रतिबद्धता व्यक्त गर्दछौं। यदि कुनै पनि पक्षमा कमजोरी वा गल्ती भएको भए, रानीखोला युथ क्लब परिवार हृदयदेखि नै क्षमाप्रार्थी छ।
यहाँहरूको माया, साथ र विश्वास नै हाम्रो सबैभन्दा ठूलो शक्ति हो। यही साथले हामीलाई भविष्यमा अझै उत्कृष्ट, व्यवस्थित र प्रेरणादायी कार्यक्रमहरू सञ्चालन गर्न मार्गदर्शन गर्नेछ।
अन्त्यमा, आगामी दिनहरूमा पनि यस्तै साथ, सहयोग र विश्वास कायम रहनेछ भन्ने आशा राख्दै पुनः एकपटक सम्पूर्णमा हार्दिक धन्यवाद व्यक्त गर्दछौं। 🙏❤️
"एकता, मेहनत र खेल भावना नै हाम्रो पहिचान हो।" ⚽🔥
