23/04/2026
थाहा गोल्डकपको विषयमा केही मानिसहरूले “यसले स्थानीय खेलाडीलाई फाइदा गर्दैन” भन्ने भ्रम फैलाइरहेका छन्। सबैभन्दा पहिले बुझ्नुपर्ने कुरा के हो भने यो गोल्डकप हो, कुनै टोल–स्तरको सानो प्रतियोगिता होइन।
“बाहिरका खेलाडी धेरै आए, त्यसले स्थानीयले मौका पाएनन्” भन्नेहरूलाई एउटा प्रस्न हामी विकासको कुरा गर्छौं तर दैनिक जीवनमा विदेशका मोबाइल, बाइक, कपडा र प्रविधि प्रयोग गर्छौं। यदि बाहिरको प्रयोग गर्नै हुँदैन भन्ने हो भने, पहिले आफ्नै हातले सबै कुरा बनाएर प्रयोग गरेर देखाउनुस्।
खेलकुदमा पनि यही नियम लागू हुन्छ। बाहिरका खेलाडी आउँदा प्रतिस्पर्धा बढ्छ, खेलको स्तर माथि उठ्छ, र स्थानीय खेलाडीले नयाँ सीप, अनुशासन र अनुभव सिक्ने मौका पाउँछन्। प्रतिस्पर्धाबाट भागेर होइन, प्रतिस्पर्धालाई स्वीकार गरेर मात्र खेलाडी बलियो बन्छ।
र अर्को कुरा आज आलोचना गर्ने केही आदरणीय व्यक्तित्वहरूले पनि एकपटक आफ्नै मनमा सोध्नुहोस्:
अहिलेसम्म थाहा गोल्डकपको लागि तपाईंहरूले के योगदान दिनुभएको छ?
केही सहयोग, पहल वा जिम्मेवारी लिनुभएको छ कि केवल बाहिर बसेर आलोचना मात्रै गर्नुभएको छ?
खेल विकास आलोचनाले मात्र हुँदैन, योगदान र सहकार्यले हुन्छ। त्यसैले आलोचना गर्नु अघि, एकपटक आफ्नो योगदान पनि सम्झिनु आवश्यक छ।
