Nijgadh Cricket

17/04/2026

मधेस प्रदेश नेत्रहिन क्रिकेट संघको आयोजना र निजगढ क्रिकेट क्लबको सहकार्यमा सञ्चालित ३ दिने क्रिकेट प्रशिक्षण तथा प्रतियोगितात्मक कार्यक्रम सफलतापूर्वक सम्पन्न भएको छ।

हाम्रो समाजमा अझै पनि दृष्टिविहीन तथा फरक क्षमताका व्यक्तिहरूलाई उनीहरूको क्षमताभन्दा बढी कमजोरीका आधारमा मूल्याङ्कन गरिन्छ। धेरैजसो अवस्थामा उनीहरूलाई सीमित दायराभित्र मात्र बस्नुपर्छ, केही गर्न सक्दैनन्, जीवनभर अरूमाथि निर्भर हुनुपर्छ भन्ने सोच समाजमा गहिरो रूपमा बसेको देखिन्छ। यस्तो सोचले उनीहरूको आत्मविश्वास मात्र होइन, सम्भावनाहरूलाई पनि दबाउने काम गरेको छ। तर, यस कार्यक्रमले त्यही सोचलाई चुनौती दिएको छ। यसले स्पष्ट सन्देश दिएको छ कि उनीहरू असक्षम होइनन्, बरु फरक तरिकाले सक्षम छन्। उनीहरूमा पनि सपना देख्ने, संघर्ष गर्ने र सफलता हासिल गर्ने क्षमता उत्तिकै छ। उनिहरुलाई आवश्यक छ त केवल अवसरको अनि साथ र सही मार्गदर्शनको। फरक क्षमता भएका व्यक्तिहरूलाई सही वातावरण, प्रोत्साहन र अवसर प्रदान गर्न सकेमा उनीहरूले आफ्नो जीवनलाई मात्र होइन, समाजलाई पनि प्रेरणादायी बनाउन सक्छन्। उनीहरूको जीवन जिउने तरिका फरक हुन सक्छ, तर त्यो फरकपन नै उनीहरूको शक्ति हो जसले संसारलाई अझ सुन्दर अनि समावेशी बनाउन सक्छ।

यस कार्यक्रमले हामी सबैलाई एउटै सन्देश दिएको छ हामीले दृष्टिकोण बदल्नुपर्छ। जब समाजले उनीहरूलाई सीमित होइन, सम्भावनाको दृष्टिले हेर्न थाल्छ, तब मात्रै साँचो अर्थमा समावेशी समाजको निर्माण सम्भव हुन्छ।

14/04/2026

नयाँ वर्ष २०८३ सालको पावन अवसरमा सम्पूर्ण नेपाली भाषी आमा-बुवा, दाजु-भाइ, दिदि-बहिनी, खेलप्रेमी, खेलाडी, समर्थक तथा निजगढ क्रिकेट क्लबसँग आबद्ध सम्पूर्ण व्यक्तित्वहरूमा सुख, शान्ति, समृद्धि तथा सफलताको हार्दिक मंगलमय शुभकामना व्यक्त गर्दछौं ।

13/04/2026

यस निजगढ क्रिकेट क्लबका सचिव समाजसेवी, खेलप्रेमी सहयोगी मनका धनी बालकृष्ण हुमागाईंज्युलाई जन्मदिनको अवसरमा दिर्घायु सुस्वास्थ्य एवं उत्तरोत्तर प्रगतिको कामना सहित जन्मदिनको असिमित शुभकामना । Balkrishna Humagain

03/03/2026

निजगढ क्रिकेट क्लबका कोषाध्यक्ष समाजसेवी, खेलप्रेमी सहयोगी मनका धनी नविन तिमल्सिना ज्युलाई जन्मदिनको अवसरमा दिर्घायु सुस्वास्थ्य एवं उत्तरोत्तर प्रगतिको कामना सहित जन्मदिनको असिमित शुभकामना । Naween Tmlsna

03/01/2026

निजगढ फुटबल क्लब (एनएफसी) का अध्यक्ष तथा भेट्रान खेलाडी शम्भु थापा मगरको असामयिक निधनले निजगढको खेलकुद क्षेत्र स्तब्ध बनाएको छ। निजगढ क्रिकेट क्लब उहाँको आत्माको चिरशान्तिको कामना गर्दै शोकसन्तप्त परिवारजन तथा सम्पूर्ण खेल जगतप्रति गहिरो समवेदना प्रकट गर्दछ । साथै, निजगढको खेलकुद विकासमा उहाँले पुर्‍याउनु भएको अतुलनीय योगदानको उच्च कदर गर्दछ ।

26/12/2025

यहि शनिबार बिहान ११ बजे निजगढ नगरपालिका वडा नं ६ को खेलमैदानमा सिमरा क्रिकेट क्लब र निजगढ क्रिकेट क्लब बिच हुन गइरहेको मैत्रीपूर्ण खेलमा नगरवासी खेलप्रेमि महानुभाव सम्पूर्णमा हार्दिक निमन्त्रणा गर्दछौँ ।

18/10/2025

हार्दिक धन्यवाद Farak Sports.

बारा– निजगढ–६ स्थित खेलमैदानमा निजगढ क्रिकेट क्लबका सिनियर र जुनियर खेलाडीहरूबीच मैत्रीपूर्ण खेल सम्पन्न भएको ...

18/10/2025

निजगढ क्रिकेट क्लबका सिनियर र जुनियर खेलाडीहरूबीच आज भएको मैत्रीपूर्ण खेलमा टस जितेर पहिले ब्याटिङ गरेको निजगढ सीनियर ले १५.५ ओभरमा सबै विकेट गुमाउँदै ८३ रनको योगफल तयार पार्‍यो।
सिनियर तर्फबाट बुद्धि राना मगर ले १७ बलमा १३ रन (१ चौका, १ छक्का) जोडे,अन्य खेलाडीहरूबाट सानो योगदान आए दोहोरो अङ्कमा रन जोड्न सकेनन् र ८४ रनको लक्ष्य प्रस्तुत गर्न सफल भयो।

बलिङतर्फ निजगढ जुनियरका दीपक गुप्ताले शानदार प्रदर्शन गर्दै ५ विकेट लिए भने कमलश्रेष्ठ र शंकर पौडेलले समान २-२ विकेट हात पारे।

जवाफमा ब्याटिङ गर्न आएको निजगढ जुनियर १२.३ ओभरमै ७७ रनमा अलआउट भयो।
जुनियर तर्फबाट दीपक गुप्ताले ब्याटिङमा पनि १२ बलमा १७ रन (२ चौका, १ छक्का) जोडे, भने शंकर पौडेलले १९ बलमा १३ रन र उत्कर्ष तिमल्सिनाले २१ बलमा ११ रन (१ छक्का) जोड्न सफल भए।

बलिङतर्फ सिनियरका प्रदीप अधिकारी ले उत्कृष्ट प्रदर्शन गर्दै ४ विकेट लिए भने साजेस मैनालीले दुई विकेट लिन सफल भए।
खेलको म्यान अफ द म्याच निजगढ जुनियरका दिपक कुमार गुप्ता भए उनले बलिङतर्फ पाँच विकेट र ब्याटिङ तर्फ १७ रन जोडेका थिए।

पुर्व खेलाडीहरु र अहिलेका खेलाडीहरू बिच आज भएको मैत्रीपूर्ण खेल निकै रोमाञ्चक थियो। हामी नगरवासी खेलप्रेमी महानुभावहरुमा यस खेललाई निजगढको अभिन्न खेल संस्कारको रुपमा विकास गर्न हातेमालो गर्दै अगाडी बढ्न आवहान गर्दछौ।

धन्यवाद उपस्थित सम्पूर्ण खेलाडी तथा खेलप्रेमी शुभचिन्तक महानुभावहरुमा तपाईहरुको खेल प्रति प्रेम र खेल भावना सदा जिवन्त रहोस्।🏏

17/10/2025

यहि शनिबार बिहान ८ बजे निजगढ नगरपालिका वडा नं ६ को खेलमैदानमा निजगढका पुर्व क्रिकेट खेलाडी र हालका खेलाडीहरु बिच हुन गइरहेको मैत्रीपूर्ण खेलमा नगरवासी खेलप्रेमि महानुभाव सम्पूर्णमा हार्दिक निमन्त्रणा गर्दछौँ ।