28/01/2025
सम्पूर्ण देशवाशी न्यायप्रेमिहरूमा सार्वजनिक अपिल !!!
विगेसो/BGAESO (British Gurkha Army Ex-Servicemen’s Organisation) ले वर्षौ देखि गोर्खाहरूका अधिकार, भविष्यका पुस्ता, र आम नेपाली युवाहरू जो ब्रिटिश सेना, भारतीय सेना, तथा सिंगापुर प्रहरी बलमा भर्ति हुन चाहने युवाहरूको हितका लागि यो महत्त्वपूर्ण आन्दोलनमा ऐक्यबद्धता जनाउन सबैलाई आह्वान गर्दछौं।
यो केवल गोर्खाहरूको अधिकारको विषयमात्र नभई, समानता र राष्ट्रिय स्वाधिन्ता, स्वाभिमान र श्रम शोषण मूक्तिका लागि गरिने ऐतिहासिक संघर्ष हो। नेपालको सर्वोच्च अदालतले यो मूद्दा सार्वजानिक सरोकारको विषय PIL (Public Interest Litigation) भएकोले 1947 को नेपाल-भारत-वेलायत गोर्खा भर्ती सम्झौताको सम्बन्धमा जारी गरेको निर्देशनात्मक आदेश कार्यान्वयन गराउन अब सम्पूर्ण आन्दोलनरत् गोर्खा संध-संस्था, नेपाली अन्तराष्ट्रिय श्रमिक, गोर्खा परिवारजन साथै आम नेपाली जनसमूदाय एकताबद्ध हुने निर्णायक क्षण आएको छ।
समानता, स्वाभिमान, र राष्ट्रिय पहिचानको लागि यस ऐतिहासिक महाअभियानमा सहभागी भई आफ्नो समर्थन जनाउनु सबैको कर्तव्य हो। यो संघर्ष हाम्रो भविष्य र आम नेपाली युवा पुस्ताहरूको हितका लागि भएकोले यस ऐतिहासिक अवसरलाई गुम्न नदिनुहोस्—आउनुहोस्, ऐक्यबद्धता सभामा सहभागी भई यो आन्दोलनलाई सफल बनाऔं र हाम्रो राष्ट्रियतालाई बलियो बनाऔं।
कार्यक्रमहरू:
१. १३ माघ २०८१
• माइतीघर मण्डलामा संगठनको व्यानर राख्ने।
२. १३ - २४ माघ २०८१
• माइतीघरमा विभिन्न संघ-संस्था, बुद्धिजीवी, समाजसेवी, तथा राजनैतिक कर्मीहरूसँग मन्तव्य, कविता वाचन, गीत-संगीत गर्दै ऐक्यबद्धताको हस्ताक्षर संकलन गर्ने।
३. २२ माघ २०८१
• लाल्टिन जुलुस र कोण सभा (माइतीघर - संसद भवन नयाँ बानेश्वर - माइतीघर)।
४. २३ माघ २०८१
• बिहान ११ बजे माइतीघरबाट मोटरसाइकल र्याली।
५. २४ माघ २०८१
• बिहान ११ बजे माइतीघरबाट भव्य र्याली र आमसभा।
तपाईंको उपस्थिति यस अभियानको सफलता र राष्ट्रिय पहिचानको सुनिश्चितताका लागि अति आवश्यक छ।
आयोजक:
BGAESO Singapore Gurkhas Department
विगेसो सिंगापुर गोर्खा विभाग
