07/10/2026
फाइनल फाइटअघि रविन्द्र ढाँटलाई दुई महान् लिजेन्डको आशीर्वाद!
रविन्द्र ढाँटले रियो ताजिमाविरुद्धको बहुप्रतीक्षित फाइनल फाइटअघि MMA र बक्सिङका दुई महान् नाम - माइक टाइसन र खाबिब नुरमागोमेडोभ- सँग भेट गरेका छन्।
रविन्द्रका लागि यो भेट केवल एउटा तस्वीरको क्षण मात्र नभई, विश्वका दुई महान् फाइटिङ लिजेन्डबाट प्रेरणा र शुभकामना प्राप्त गर्ने विशेष अवसर बनेको छ। माइक टाइसन र खाबिबले रविन्द्रको आगामी फाइटका लागि शुभकामना तथा आशीर्वाद दिएका छन्।
रियो ताजिमाविरुद्धको फाइनलमा प्रवेश गर्नुअघि प्राप्त यो प्रेरणाले रविन्द्रको आत्मविश्वास अझ बलियो बनाउने अपेक्षा गरिएको छ। अब सबै नेपाली समर्थकको नजर फाइनल फाइटमा छ- जहाँ रविन्द्र ढाँट नेपालका लागि इतिहास रच्ने लक्ष्यसहित मैदानमा उत्रिँदैछन्।
