Shivaji dance center

05/09/2026

🙏

🎵 शिवजी क्षेत्रीको निर्देशन तथा अभिनयमा ‘मेरी उनीलाई’ सार्वजनिक
🔴🔴🔴

काठमाडौं । कलाकार शिवजी क्षेत्रीको मुख्य भूमिका, कोरियोग्राफी तथा निर्देशनमा तयार भएको नयाँ मर्मस्पर्शी सांगीतिक कोसेली ‘मेरी उनीलाई’ सार्वजनिक भएको छ।

चर्चित गायिका जमुना सनमको आधिकारिक युट्युब च्यानल ‘JAMUNA SANAM’ मार्फत गीतको भिडियो सार्वजनिक गरिएको हो। भिडियोमा शिवजी क्षेत्रीको बहुआयामिक भूमिका देखिन्छ। उनले अभिनयसँगै कोरियोग्राफी तथा निर्देशनको जिम्मेवारीसमेत सम्हालेका छन्। क्षेत्रीसँगै मोडल बिना विश्वकर्माको जीवन्त अभिनय भिडियोमा देख्न सकिन्छ।

ईश्वरी घिमिरेको प्रस्तुतिमा तयार भएको गीतमा जमुना सनम र ईश्वरी घिमिरेको मिठासपूर्ण स्वर रहेको छ। गीतका भावुक तथा मौलिक शब्द शिव अखेलीले लेखेका हुन् भने संगीत ईश्वरी घिमिरेले भरेकी छन्।

गीतको संगीत संयोजन राजु सुनामले गरेका हुन्। ओजन स्टुडियोमा रेकर्ड गरिएको गीतको मिक्सिङ तथा मास्टरिङ बिनोद परियारले गरेका छन्।

भिडियोको छायांकन महेश महराले गरेका हुन् भने सम्पादन नविन घर्ती मगरले गरेका छन्। मोडलहरूको शृङ्गार पुनम चौधरीले गरेकी छन्। भिडियोको पोस्ट–प्रोडक्सन शिवजी डान्स सेन्टर (Shivaji Dance Center) मार्फत गरिएको निर्माण पक्षले जनाएको छ।

गीत सार्वजनिक भएसँगै दर्शक तथा श्रोताबाट सकारात्मक प्रतिक्रिया प्राप्त भइरहेको छ। प्रेम, भावना र विछोडका संवेदनालाई समेटिएको ‘मेरी उनीलाई’ ले सांगीतिक क्षेत्रमा आफ्नो छुट्टै प्रभाव पार्ने अपेक्षा गरिएको छ।

11/08/2026

🙏