24/02/2026
शीर्षक: मैदानमा नेपालको सान राख्ने साम्बालाई आज हाम्रो साथ चाहिएको छ!
"जसले मैदानमा रगत-पसिना बगाएर नेपालको झण्डा सधैँ उच्च पारिन्, आज त्यही 'गोल मेसिन' साम्बा अस्पतालको बेडबाट जीवनको सबैभन्दा कठिन खेल खेलिरहनुभएको छ।
राष्ट्रिय टोलीकी कप्तान सावित्रा भण्डारी (साम्बा) को घुँडाको शल्यक्रियाका लागि ठुलो रकम आवश्यक छ। विडम्बना! देशको शान मानिने खेलाडीलाई गाह्रो पर्दा अभिभावक भनिएको एन्फा र सरकारले केवल आश्वासन र न्यून सहयोगमा सीमित गरिदिएका छन्। विदेशी लिगमा चोट लागेको भन्दै जिम्मेवारीबाट पन्छिने प्रवृत्तिले आज प्रत्येक खेलाडीको मनोबल गिरेको छ।
आज साम्बालाई परेको यो संकट केवल एउटा खेलाडीको व्यक्तिगत दुःख होइन, यो नेपाली खेलकुद क्षेत्रकै ऐना हो। यदि हामीले आज हाम्रा चेलीहरूलाई यसरी नै बेवारिसे छाड्ने हो भने, भोलि कुन आमाबाबुले आफ्ना छोराछोरीलाई खेलाडी बनाउने सपना देख्लान?
साम्बालाई पुन: मैदानमा गर्जिरहेको हेर्न चाहनुहुन्छ भने, आउनुहोस् हामी समर्थकहरू नै उहाँको अभिभावक बनौँ। सानो भन्दा सानो सहयोगले पनि उहाँलाई फेरि राष्ट्रिय जर्सीमा फर्काउन मद्दत गर्नेछ।
सहयोगका लागि
खेलाडी देशका गहना हुन् भनेर भाषणमा मात्र सिमित राख्ने तर उनीहरूलाई संकट पर्दा 'गहना' सरह जतन नगर्ने हो भने, भोलिको मैदान खाली हुनेछ। राज्यको मौनताले केवल एउटा खेलाडीको खुट्टा मात्र भाँचिँदैन, हजारौँ युवाहरूको सपना र देशप्रतिको भरोसा पनि भाँचिन्छ। Sabitra Bhandari
"
