26/07/2026
ईज्रायल केवल आकर्षक रोजगारीको गन्तव्य मात्र होईन। खेलाडी, कलाकार एवम् सिर्जनशिल युवाहरूको उर्वर गन्तव्य पनि हो! यो उर्वर कर्मभूमिमा परिश्रमको सम्मान त छँदैनै छ, साथ-साथै हरेक क्षेत्रका युवा प्रतिभालाई पनि उत्तिकै प्राथमिकता साथ सम्मान गरिन्छ!
त्यसैले विभिन्न प्रतिभाहरूलाई स्थान र सम्मानका निमित्त, यस कर्मभूमिमा कार्यरत दिग्गज व्यक्तित्व र विभिन्न सामाजिक संघ-संस्थाहरू बाट समय सापेक्ष विभिन्न खेलकूद तथा सांस्कृतिक कार्यक्रमहरू आयोजना हुँदै आईरहेको छ।
यसरी समय सापेक्ष आयोजना हुने हरेक कार्यक्रमहरूको उद्देश्य, एउटै कर्मभूमिमा कार्यरत सम्पूर्ण नेपाली भाषी, सामाजिक अगुवा, अग्रज साथै बृहद युवा वर्गलाई एउटै मञ्चमा उपस्थिति गराएर आपसी सद्भाव कायम राख्नु मुख्य उद्देश्य हो!
यहीं उद्देश्यका साथ आगामी Aug 14, 2026 मा 7 star haifa द्वारा बृहत् युवा, खेलाडी, एवम् खेल प्रेमीहरूलाई एउटै मैदानमा उपस्थित गराउँने हेतुले “1st - 80th Independence Day Cup 2026” आयोजना हुँदैछ! यस सुखद अवसरमा हाम्रो गौरवमयी क्लब लायन तेलअविव पनि आफ्नो टोली सहित सगौरब उपस्थित हुने जानकारी गराउँदै आयोजक कमिटीलाई हार्दिक वधाई एवम् कार्यक्रम सफलताको अग्रिम शुभकामना व्यक्त गर्दछौं!
