02/10/2026
🇳🇵 नेपाली करातेको गौरव : हिमालयन वारियर एरिका गुरुङ!
असाधारण प्रतिभा, ऐतिहासिक कीर्तिमान र अझै लामो यात्राको प्रतिबद्धता!!
हिमालयन वारियर एरिका गुरुङ र राष्ट्रिय कराते प्रशिक्षक कुशल श्रेष्ठजस्ता खेलाडी र प्रशिक्षक नेपालले पाउन धेरै समय लाग्छ!!
एरिका गुरुङले हासिल गरेका ऐतिहासिक उपलब्धिहरू :
१. १९औँ एसियन गेम्स, हाङझाउमा रजत पदक तथा AKF च्याम्पियनसिपमा रजत र कांस्य पदक।
२. विश्व शितोरियो च्याम्पियनसिपमा २ स्वर्ण पदक।
३. WKF च्याम्पियनसिप प्रिमियर लिगमा २ रजत र १ कांस्य पदक।
४. WKF कराते–१ सिरिजमा १ स्वर्ण र १ रजत पदक।
५. थाइल्यान्ड तथा अस्ट्रेलियन कराते च्याम्पियनसिपमा स्वर्ण पदक र अमेरिकन ओपन च्याम्पियनसिपमा १ स्वर्ण तथा १ रजत पदक।
६. एसियन शितोरियो च्याम्पियनसिपमा १ स्वर्ण पदक।
७. दक्षिण एसियाली च्याम्पियनसिपमा २ स्वर्ण पदक तथा टिम कुमितेमा थप २ स्वर्ण पदक।
यी सबै उपलब्धि हासिल गरेर एरिकाले नेपाली करातेको इतिहासमा नयाँ कीर्तिमान कायम गरेकी छन्। यसअघि नेपाली करातेमा यति धेरै अन्तर्राष्ट्रिय कीर्तिमान कायम गर्ने खेलाडी कोही थिएनन्।
नेपाल कराते महासंघ एरिका गुरुङ र राष्ट्रिय प्रशिक्षक कुशल श्रेष्ठप्रति गर्व गर्दछ।
नेपाल फर्कने क्रममा ओसाका विमानस्थलमा एरिकालाई मैले, “अब २१औँ एसियन गेम्सको तयारी सुरु गरौँ” भन्दा एरिकाले भनिन्, “होइन गुरु, अरू दुईवटा एसियन गेम्स पनि खेल्छु।”
एरिकाको यो आत्मविश्वास, समर्पण र खेलप्रतिको प्रतिबद्धता सुनेर मलाई अत्यन्त गर्व महसुस भयो। नेपाल र नेपाली करातेको भविष्यप्रति अझ ठूलो आशा जागेको छ।
हार्दिक शुभकामना एरिका! तिम्रो यात्रा अझै लामो छ। नेपाली करातेको गौरव अझ उचाइमा पुर्याउँदै जाऊ।
युवराज लामा
अध्यक्ष
नेपाल कराते महासंघ
