08/04/2024
खेल क्षेत्रको विकासका लागि सरकार गफमात्रमा नै सिमित रहने हो की विश्वकप तयारीको लागि बजेटको कमि हुन नदिन र खेलाडीबाट उत्कृष्ट प्रदर्शनको आशा राख्ने हो भने तयारीको लागि उचित ब्यबस्थापन गर्न सक्छ कि सक्दैन हेर्न बाँकी नै छ ।
जेहोस आज नेपाल क्रिकेट संघले आईसीसी टी–२० विश्वकपका लागि राष्ट्रिय टोलीको नयाँ जर्सी सार्वजनिक गरेको छ । खेलकुदमन्त्री विराजभक्त श्रेष्ठ, राखेप सदस्य सचिव टंकलाल घिसिङ, क्यानका उपाध्यक्ष रोशन कुमार सिँह र सचिब पारस खडकाको उपस्थितिमा केल्मीले निर्माण गरेको नयाँ जर्सी सार्वजनिक भएको छ।
आगामी जुनमा अमेरिका र वेस्ट इन्डिजमा हुने टी–२० विश्वकप नेपाली टोलीले सन् २०१४ पछि दोस्रोपटक विश्वकपमा सहभागिता जनाउन लागेको हो । विश्वकपमा नेपालसहित २० टोलीले सहभागिता जनाउँदै छन् । नेपाल रहेको समूह डीमा दक्षिण अफ्रीका, श्रीलंका, बंगलादेश र नेदरल्यान्ड्स रहेका छन् । शीर्ष दुईमा रहने हरेक समूहका दुई दुई टोली सुपर आठ मा पुग्नेछन् ।
