21/09/2017
अशेष लामिछाने । बागिश्वरी, नागथली फुटसल टुर्नामेन्टको आयोजक वीपीएसका तीनै टिम क्वाटरफाईनलमा प्रवेश गरेका छन् । नागथलीमा जारी फुटसलको आज भएको पहिलो खेलमा वीपीएस सी ले हेल ब्वईजलाई १२ गोल हनेको छ । खेलमा वीपीएस सीका लागि सन्जोक गिरीले ५ गोल , प्रभाकर गिरी र सलोन खत्रीले ह्याट्रक गरेका थिए भने प्रज्वल भारतीले एक गोल गरेका थिए ।
यस्तै आज नै भएको दोस्रो खेलमा भने वीपीएस सीले कालिकालाई ३ –१ गोल अन्तरले हराएर क्वाटरफाईनलमा प्रवेश गरेको छ । खेलमा वीपीएसका लागी सलोन खत्रीले २ गोल र विश्वराम भारतीले एक गोल गरेका थिए भने कालिकाले भने एक गोल मात्र गर्न सकेको थियो ।
यस्तै तेस्रो खेलमा भने बल्याक स्प्यारोले वीपीएसलाई ३ शुन्यले पराजीत गरेको थियो ।
आज नै भएको चाँथो खेलमा भने वीपीएस वी र पीवाईसी वी एक एक गोलका साथ वरावरीमा रोकिएका छन् । वीपीएस वीको लागि अभय लामिछानेले गोल गरेका थिए भने पीवाईसी वीका लागि सुरज खत्रीले सुसाईड गोल गरेका थिए उनको गोलका कारण खेल वरावरीमा सकिएको थियो । यस्तै खेलका दौरान वीपीएस वीका सुरज खत्रीले रातो कार्ड पाएपछि ४ जना खेलाडीमा सिमित भएको वीपीएसले खेल वरावरीमा रोक्न सफल भएको हो , खेल संगै वीपीएस वी पनि क्वाटरफाईनलमा प्रवेश गर्न सफल भएको छ ।
हाल सम्म क्वाटरफाईनलमा समूह ए वाट लामास्टार समूह विजेता र उपविजेता भई वीपीएस वी उक्लेका छन् भने समूह वी वाट ब्ल्याक स्प्यारो विजेता यस्तै वीपीएस ए उपविजेता भएको छ ।
समूह सी वाट वीपीएस सी क्वाटरफाईनलमा प्रवेश गरि सकेको छ भने अर्को टिम भने भोली हुने पीवाईसी ए र हेल ब्वाईजको खेलले निधारण गर्ने छ ।
यस्तै समूह डी वाट थम्स अप क्वाटरफाईनलमा प्रवेश गरि सकेको छ भने अर्को टिमका लागि भोली लास्ट स्टायाण्ड ख्वप र कफीस्क्वायर विचको खेलले लगाउने छ ।
क्वाटरफाईनलका खेलहरु भने शनिवार देखी खेलिने छन् ।
