07/05/2026
ØYSTEIN BAKKE
- ei eldsjel i lokalsamfunnet.
Vi har i dag gitt Øystein vår siste helsing, i gravferd i Volda kyrkje. Vi i styret takkar for innsatsen han har gjort som parkeringsvakt hos oss på Volda Skisenter. Øystein hadde si første vakt under NM i alpint i februar 1981, og sidan stod han der både på helg- og kveldskøyring, samt i feriar. Når skifolket svinga inn på parkeringsplassen, vart dei alltid tekne i mot med eit smil, og ofte ein lur kommentar. Øystein stilte ingen krav for å gjere jobben. Når han i 2011 fekk Bakkebuda, ei lita hytte som beskytta frå ver og vind på parkeringsplassen, var han glad og sa “Her har eg plass til både meg sjølv og brusflaska!”
Øystein har mange gonger av styret blitt omtalt som ein stor ressurs for skisenteret, han har gjort ein glitrande jobb og har alltid vore på plass. Vêr, føre og snømengde kan variere, men at Øystein har stått klar og smilt til oss på parkeringsplassen i over 40 år, det har vore stabilt, trygt og fint.
Takk for innsatsen, Øystein
📸 Nokre av bileta er lånt frå mre.no
