Skodje idrettslag

26/06/2026

Grei 7.divisjon menn til haustsesongen med mange lokaloppgjer.
Her er oppsettet i 7.div. avd. 1:
Aksla 2 – Brattvåg 3 – Godøy – Guard – Harøy/Lepsøy/HaNo 2 – Ravn 2 – Skodje – Stranda 2 – Sykkylven 2 – Valldal – Ørskog/Stordal 2.
Enkel serie med heile ti kampar.
Vinnar av avdelinga skal spele sluttspel mot vinnar av avd. 2 om KM-tittelen.

Vi ser frem til mange jevne, lokale og engasjerende oppgjør også denne høsten!

24/06/2026

Fire dugandes karar i aksjon med riving av forskaling på det nye lager-/garasjebygget ved stadion.
Såg ut som alt var fagmessig utført.

24/06/2026

Divisjons- og avdelingsoppsett i ungdomsklassane 13-19 år til hausten er klart.
Litt rart at 3. div. i klasse J15 har fleire kampar en 1. og 2. divisjon.

Til høsten er det nye avdelinger i klassene 13 til 19 år og her er oversikten.

20/06/2026

Skodje gutelag 15-16 år spela laurdag vårsesongens siste kamp borte mot Herd 2.
Det vart litt «feige lag" sidan Herd hadde «toppa» 2-arlaget med 6 spelarar frå siste kamp for G16-laget i 1. divisjon, samt to frå juniorlaget i 1. div. i siste juniorkamp.
Det starta som venta svakt for Skøytegutane med 0-3 i sekken allereie etter knappe kvarteret, men fram mot pause sto dei imot med dette resultatet.
Andre omgong starta og svakt og Herd 2 auka til 6-0 i løpet av vel eit kvarter.
Men like før slutt reduserte John Balajadia til 1-6, og Skodje forlet bana under mottoet, «siste målet vinn».

No blir det 3. divisjonsspel for gutane på hausten, og med god øving og trening gjenom sommaren vil nok resultata betre seg etter kvart.

17/06/2026

Gratulerer til Skøyejenter 15 år med 1.divisjon til hausten!

I ein jamn og spennande kamp på Skodje stadion onsdag kveld klarte Skøyejentene 15 år den bragden å skaffe opprykk frå 2. divisjon avd. 2 til 1. divisjon i haustsesongen.
Motstandar sar det samansette laget Ellingsøy/Vigra/Valder 2, som viste seg å vere eit velspelande og robust lag.

Kampen var jamn, og bølga fram og tilbake. Men Skøyejentene viste seg skarpare framfor mål og vann til slutt 3-1 etter, å ha leda 2-1 ved pause.
Dermed vann Skøye avdelinga si, eit poeng framfor SIF/Hessa og er klar for 1.divisjon til hausten.
To mål av Kornelia Idec og eit av Elle Ytredal.

Dommar i kampen var Hjalmar Holvik får arrangørklubben. Han klarte som vanleg oppgåva godt.

17/06/2026

I kveld, onsdag, skal jentelaget 15 år prøve å kvalifisere seg for 1.divisjon til hausten.
Laget ligg på andreplass på tabellen i 2.div. avd. 2, to poeng bak SIF/Hessa som jentene tapte 1-6 mot for ei veke sidan.

Motstandar i dag er Ellingsøy/Vigra/Valder 2 som ligg på femteplass på tabellen med 7 poeng etter 5 kampar.

SIF/Hessa er ferdigspela med 6 kampar og kan ikkje ta fleire poeng.
Kampstart kl. 18.30 og dommar er Martinus Holvik, Skodje IL.

16/06/2026

Skodje gutelag 14 år avslutta vårsesongen med ein flott 5-0 seier borte mot Spjelkavik 2 tirsdag kveld.
Måla kom ved Edvard F. Maridal 2, Simon U. Langdal 2 og David L. Bozkurt.
Vika 2 stilte med fleire spelarar frå 1.laget i 1. div. og frå G16 laget, so det var eit bra mannskap skøyegutane møtte.

G14 har hatt ein flott vårsesong med 7 sigrar og 2 tap. Målskor 40-18.
Det gir ein trulig 3.plass på tabellen når Ravn/Norborg/Brattvåg blir ferdigspela mot Aafk J19 i morgon, onsdag.

Blir spennande å sjå om Skodje får plass i 2.divisjon i haust som skal bestå av tilsaman 10 lag. Om ikkje blir det 3.divisjon.
Dette blir avklara når alle kampane i klasse G14 blir ferdigspela i løpet av denne veka.

15/06/2026

Mandag kveld skulle Skøyejuniorane G19 spele vårsesongens siste seriekamp heime på Skodje stadion mot SIF/Hessa.
Det skulle bli ein rein toppkamp mellom dei to beste laga i 2. div. avdeling 2.
Slik gikk det slett ikkje!

I 12-time kom melding om at SIF/Hessa ikkje kunne stille lag. Kampen vart avlyst. SIF/Hessa var opprinneleg påmeldt i 1. divisjon, men trakk seg frå den divisjonen i slutten av februar og vart flytta ned i 2.divisjon. No, midt i juni, klarar klubben ikkje å stille 11 juniorspelarar til kamp.

Det har dessverre blitt ei trist utvikling i juniorfotballen dei siste åra, med stadig færre lag og fleire lag som trekk seg i løpet av kampsesongen, eller unnlet å møte til oppsett kamp.

Skøyejuniorane har og ein annan kamp som ikkje har blitt spela.
24. mai skulle laget ha møtt nabo Ravn på Skodje stadion for seriekamp. Ravn kunne ikkje stille lag. Fotballkretsen har i løpet av vel tre veker enno ikkje klart å få avklara kva som skal skje med kampen.
Heile juniorseria virkar for tida rimeleg useriøs, etter mi meining.

14/06/2026

Kampar på stadion i veke 25 (15.06. – 21.06.):
Mandag 15.06. kl. 18.30. Skodje gul – Aksla. J10.07
Mandag 15.06. kl. 18.30. Skodje – SIF/Hessa. G19.11. 2.div. (AVLYST)
Onsdag 17.06. kl. 18.30. Skodje – Ellingsøy/Vigra/Valder 2. J15.11. 2.div.
Torsdag 18.06. kl. 18.30. Skodje gul – Giske/Godøy. J12.07
Torsdag 18.06. kl. 18.30. Skodje gul – Aksla. G09.05.

Siste veke med kampar før fotballferia.
God sommar!

12/06/2026

Skodje gutelag 15-16 år vart, bokstavelegt tala, eit par nr. for små i fredagens kamp mot Hødd 2.
Høddarane stilte med berre 2010 modellar. Skodje med flest 2011 og 2012.
Gjestane vart då haude høgare og om lag 10 kg. tyngre i snitt enn Skøyegutane.
Men teknisk, innsatsmessig og spelemessig var Skøye heilt på høgde.

Skodje låg under 0-4 til pause, men i andre omgong heldt dei Hødd til 1-1, slik at sluttresultatet vart 5-1 til Hødd 2.
Skodje si skoring kom ved Odin Kleiva Sørdal fem minutt ut i andreomgongen.

Dommar i kampen var Hjalmar Holvik, Skodje IL. Han fikk ein litt tøff kamp å dømme utover i andreongongen og måtte opp med fire gule kort for å roe gemyttane. To til kvart av laga. Ellers klarte han oppgåva på ein roleg og fin måte.

Skodje har no att ein kamp før fotballferia. Det er borte mot Herd 2 laurdag 20. juni.