23/07/2026
FC Røyset gratulerer Ørjan Solheim med dei første 50! 🍻⚽
Det sit langt inne å gratulere ein Prestemarking, men når alderen byrjar med talet fem, fortener sjølv fienden litt medkjensle.
Ørjan omtalar seg sjølv som tidlegare midtbanegeneral. Vi andre hugsar det meir som ein spelar med ekstrem arbeidskapasitet… når det gjaldt å diskutere med dommaren. Løpskapasiteten var strategisk disponert, slik at det alltid var krefter att til tredjetid.
Fotballen var eigentleg berre noko som måtte gjennomførast før den viktigaste delen av dagen. På spelarmøta våre var Ørjan ein institusjon. Dalsørbakken var ikkje ei adresse – det var ein kulturinstitusjon der ingen visste kven som arrangerte festen, berre at han aldri tok slutt.
Som alle avdanka grendacupheltar lever vi no på gamle bragder. Ingen av oss var særleg gode då heller, men det har heldigvis ingen betydning 25 år seinare. No var visst alle raske, alle hadde silkefot, og alle kunne ha spelt mykje høgare… om det ikkje var for kneet, ryggen, hamstringen, arbeidstid, vêret eller at Askeladden pub opna.
Det einaste som faktisk har blitt betre med alderen, er historiene. Gjennombruddspasninga frå 1998 har no blitt til tre målgivande, eitt brassespark og ståande applaus frå publikum. Dei få som faktisk var til stades, hugsar at det enda med innkast.
Gratulerer med dagen, Ørjan! Når du kjem heim, tek vi det på skikkeleg vis – med altfor mykje øl, W.A.S.P. på full guffe og ein gjeng gamle grendacupheltar som framleis meiner dei kunne vunne turneringa… berre dei hadde fått spele i si beste form 🍺🤘⚽🥳
