21/04/2023
Møt Lea! 😀🏃♀️💪
I hjartet av Onarheim ligg senteret OnarTun, og her er det driftige Lea Rehling Qvistgaard som sørgjer for at alt er på stell. Offisielt er ho dagleg leiar på Joker Onarheim, men stillinga inneber også ansvar for treningssenteret (OnarTrim), utleige av motellrom m.m.
- Kva likar du best med jobben din?
- At det er høgt tempo, og ingen like dagar. Det finst dessutan ikkje eit betre arbeidsmiljø enn på Joker Onarheim, her har me det gøy! Eg er også veldig glad i kundane mine. ❤️
- Kva tilbod har OnarTun som kanskje ikkje alle veit om?
- Treningssenteret og squashbanen. 🏋️♀️ Og så har me badstove i kvar garderobe. Eg vil også få trekkja fram kafe-området, som har gratis kaffi og sal av soft-is. 🍦
OnarTun er ein viktig treffstad for både fastbuande og ferierande. Her får du kjøpt daglegvarer, blomar, fiskeutstyr, leiker og diverse interiørartiklar, og du kan ta ei treningsøkt medan borna kosar seg på leikerommet.
Og vil du ha deg eit friskt sjøbad, er det kort veg ned til , som me vil påstå har eit av dei flottaste hoppetårna i distriktet. 😎🩱
- Me høyrer rykte om ei ny lokal badeklubb? 🏊
- Ja, den blei til i vinter, med formål om å utnytta hamna meir. Responsen har vore god, og det er alltid nokon som stiller. Me satsar ikkje på faste treff, men annonserer i forkant på OnarHamn si Facebook-side. Alle er velkomne til å hiva seg med. 😄
Tre faste spørsmål:
1️⃣ Kva er det med Tysnes som gjev meirsmak for deg?
- Å, det er mykje … Folka som bur her. Naturen. Fjella. Tysnes er ei perle som mange framleis har til gode å utforska.
2️⃣ Dine favoritt tur-mål? 🥾
- Sidan eg bur her går eg mykje til Blåbærhaugen. Men eg er elles glad i alt frå Salsborg til Hovlandsnuten og Såto. Det er også fint å vandra innover langs Onarheimsvatnet.
3️⃣ Kva vil du tilrå andre å oppleva her?
- Det kjem an på kva ein ønsker seg, men det er blant anna å besøka dei ulike hamnene, serveringsstadene og å gå i naturen. Her er det noko for alle, anten det er storfamiliar med små barn eller turentusiastar. Berre fantasien set grenser for kva ein kan finna på. 😊
