Hardanger Trening

29/08/2026

Me har mista ein på laget ❤️

Det er nesten ikkje til å forstå

Olav er borte

Han vart ein del av Hardanger Trening i 2007, og i snart 20 år har han vore kollega, tilsett og ven. Men eigentleg blir alle dei orda litt for små. For oss har Olav vore som familie. Ikkje den familien ein tilfeldigvis blir fødd inn i, men av den sorten ein vel – fordi ein har lyst til å ha kvarandre i livet sitt ❤️

Og for ein mann me har fått ha med oss

Olav var ryddig, direkte, omsorgsfull og utruleg omgjengeleg. Han var morosam og hadde alltid ei god historie på lur. Han kunne prata med alle, og han var like dyktig med folk som han var med maskiner.

Me har hatt så gysla mykje kjekt i lag med Olav. Det har vore mykje skratting, mykje tull og gode historiar – både på jobb og ikkje minst når me har vore samla sosialt. Olav var rett og slett himla kjekk å ha med på laget ❤️

Olav var kanskje ikkje den alle medlemmane våre såg så ofte. Mykje av arbeidet hans skjedde i det stille og i bakgrunnen. Han hadde ansvar for service, vedlikehald og reparasjonar, og var det noko som ikkje fungerte, var Olav mannen me ringde. Han passa på at utstyret var i orden, at ting fungerte som dei skulle – og ikkje minst at det var trygt for alle som trente og jobba hos oss.

Men Olav var så mykje meir enn han som passa på utstyret. Han var engasjert i kollegaene sine, i treninga og i drifta av HT. Han brydde seg om HT og om oss. Han hadde meiningar, kom med innspel og var ein god og viktig støttespelar gjennom alle desse åra.

Og så var han ein petimeter av dimensjonar. 😅 Det har me nok til tider kunna smile av – men akkurat når ein har ansvar for maskiner og utstyr som hundrevis av menneske brukar, kunne me vel knapt vore heldigare. Ting skulle vere i orden. Skikkeleg i orden.

Slik var Olav ❤️

Midt i vår eiga sorg går tankane aller mest til Gunnvor, Kyrre og resten av familien hans. Dei har mista mannen sin, pappaen sin og ein av sine aller næraste. Me er så ufatteleg triste på deira vegne❤️

Olav sette avtrykk. Eit stort og godt avtrykk på arbeidsplassen vår og i alle oss som fekk ha han med på laget.

No blir det eit tomrom etter denne flotte mannen

Me kjem til å sakne historiene. Humoren. Den direkte talen. Omsorga. Engasjementet. Alt som skulle vere på stell. Og sjølvsagt mannen sjølv.

Me kjem til å sakne deg noko så innmari, Olav 💔

Takk for nesten 20 år
Takk for alt du var for HT

Og aller mest – takk for at du var ein av oss ❤️

19/08/2026

👏 Først ein stor applaus til alle dykk som trenar jamt og trutt!
De møter opp, gjer jobben og investerer i eiga helse – veke etter veke ❤️

Og snart kjem litt NY MOTIVASJON! 🙌

🔥 Måndag 31. august startar hausttimeplanen!
Mange og varierte timar, dyktige instruktørar, god rettleiing og masse treningsglede i lag.

Du bestemmer intensiteten – me hjelper deg med resten! 💪

Og til deg som har tenkt at no skal eg byrje:
VELKOMMEN! ❤️ Dette er ein perfekt anledning.

Me gler oss til ein ny treningshaust saman! 🙌 www.hardangertrening.no

15/08/2026

08/07/2026

Velkomen på trening 😄

25/06/2026

FØRPREMIERE! 💪🔥

Tysdag 30. juni inviterer me til førpremiere på eitt av våre heilt nye HT-konsept – HT STERK! Denne timen er utvikla spesielt for deg som ønskjer å bli sterkare, få meir kraft i kvardagen og trene effektiv styrke i gruppe.

Kva er HT STERK?
På HT Sterk trenar me med litt tyngre vekter og færre repetisjonar enn på HT POMP. Målet er å utfordre musklane til å bli sterkare, samstundes som du får ei effektiv styrkeøkt på berre 30 minutt.
KVIFOR?
Denne typen styrketrening er noko av det mest effektive du kan gjere for kroppen. Ho kan bidra til:
💪 Meir styrke og muskelkraft
💪 Ein sterkare kropp som fungerer betre i kvardagen
💪 Betre balanse og stabilitet
💪 Sterkare skjelett
💪 Lettare å meistre tunge løft og fysiske oppgåver
💪 Meir overskot i kvardagen

Kort sagt – du trenar ikkje berre for å bli sterkare på trening, men for å bli sterkare i livet.

Kva er forskjellen på HT POMP og HT Sterk?
Begge timane er gode styrketimar – dei har berre litt ulikt fokus.

HT POMP
• lettare vekter
• fleire repetisjonar
• meir uthaldande styrketrening
• musklane jobbar lenge om gongen

HT Sterk
• litt tyngre vekter
• færre repetisjonar
• større fokus på styrke og muskelkraft
• effektiv trening på kortare tid

Dette er ikkje ei erstatning for HT POMP – det er eit nytt alternativ for deg som ønskjer å utfordre styrken din på ein annan måte.

Dobbel moro – to instruktørar!

Førpremiere med PT Elena og gruppetime-instruktør Lene.

Lene har mange års erfaring som HT POMP-instruktør, medan Elena er personleg trenar og har lang erfaring med styrketrening. Saman vil dei hjelpe deg med god teknikk, motivasjon og ei trygg og effektiv treningsøkt.

To instruktørar betyr:
✔ Tettare oppfølging
✔ Hjelp til god teknikk
✔ Trygg rettleiing
✔ Hjelp til å finne riktige vekter
✔ Høve til å utfordre deg litt ekstra – om du vil
✔ Meir motivasjon og treningsglede

Målet er at du skal få trene på best mogleg måte og oppleve meistring – uansett nivå.

Kven passar timen for?

HT Sterk passar både menn og damer.

Har du trena litt med stang og vekter før, vil du kjenne deg godt att. Har du ikkje det, er du likevel hjarteleg velkomen! Gje gjerne instruktørane eit lite hint før timen, så hjelper me deg trygt i gang. Endå betre er om du melder deg på gratis minikurs før timen: BLI TRYGG MED VEKTER OG STANG kl 18.30.

Timen er merka raud, fordi han er utvikla slik at du kan utfordre deg med litt tyngre vekter dersom du ønskjer det. Kor tungt du trenar, bestemmer du sjølv. Hos oss handlar det ikkje om å imponere andre – men om å utvikle seg i sitt eige tempo.

❤️ På Hardanger Trening er terskelen låg. Kanskje kjem du berre for å prøve timen, eller for å øve på teknikken? Det er faktisk både lov – og veldig lurt!

Me har utvikla HT Sterk fordi me veit at mange ønskjer å trene litt tyngre styrke, men synest det er tryggare og meir motiverande å gjere det saman med andre og med god rettleiing frå instruktørar. Her får du det beste frå begge delar – kvalitet, treningsglede og eit sosialt fellesskap.

Som alltid er treningsglede, meistring og eit inkluderande miljø det viktigaste for oss.

Meld deg på førpremieren tysdag 30. juni – me gler oss til å motivere deg til ein sterkare kvardag! 💪❤️

20/06/2026

Nytt namn – same gode økta! HT Kraft og Puls er den nye Progressiv Sirkel 💪❤️

Nokre av dykk har kanskje lagt merke til at Progressiv Sirkel no heiter HT Kraft og Puls. 😊

Sjølve treninga du kjenner og likar er i stor grad den same, men me ønskjer at namnet skal fortelje tydelegare kva du faktisk får på timen.

💪 Kraft fordi du trenar styrke med funksjonelle øvingar som gjer deg sterkare i kvardagen.

❤️ Puls fordi du også får kondisjonstrening som utfordrar hjartet og lungene, og gir god treningseffekt på relativt kort tid.

Det gamle namnet beskreiv mest korleis timen var bygd opp. Det nye namnet fortel betre kva timen gir deg som deltakar.

HT Kraft og Puls er framleis:
✔️ Ei variert økt med både styrke og kondisjon
✔️ Tilpassa ulike nivå
✔️ Instruktør tett på som rettleier og motiverer
✔️ Effektiv trening der du får mykje igjen for tida du legg ned

Målet vårt med å endre navn er at det skal vere lettare å forstå kva timane våre inneheld, slik at du enklare finn treninga som passar for deg.

Velkomen til HT Kraft og Puls – ei økt som gjer deg både sterkare, sprekare og full av godkjensle! 💪❤️🔥

18/06/2026

🚴‍♀️ SYKKEL BAKKE 30 med PT Elena
Alle har vore nye ein gong ❤️
Elena er i gang med instruktørutdanning hos oss og skal no få erfaring frå instruktørsykkelen. Ho har solid fagleg kompetanse som PT – og no tek ho neste steg som gruppetreningsinstruktør.
På Hardanger Trening er det lov å vere ny – både som medlem og instruktør.
Bli med på ei god bakkeøkt med fokus på styrke, uthald og meistring!

📅 Fredag
🕘 Kl. 09.55

Meld deg på og bli med! 🚴‍♀️🔥

17/06/2026

Kvifor utviklar me gruppetimane våre? ❤️

Nyleg var instruktørane våre samla til fagdagar og workshopar i Italia 🇮🇹. No er me tilbake på Hardanger Trening, og me er allereie i gang med å ta med oss ideane, erfaringane og inspirasjonen inn i timane våre.

Men kvifor brukar me så mykje tid på dette?

Fordi me meiner at eit godt treningstilbod aldri blir ferdig utvikla. 💡

Treningskunnskap endrar seg. Nye erfaringar kjem til. Medlemmene sine behov utviklar seg. Då må også me utvikle oss.

Det som gjer Hardanger Trening spesielt, er at me har eit instruktørlag med svært ulik bakgrunn og kompetanse. Hos oss finn du mellom anna personlege trenarar, fysioterapeut, yogainstruktørar, danseinstruktør, sykkelinstruktørar, erfarne gruppeinstruktørar og medarbeidarar med mange års erfaring frå både helse, trening og folkehelse.

Når desse menneska samlast rundt same bord, oppstår det noko verdifullt. 🤝

Me utfordrar kvarandre, deler erfaringar, diskuterer løysingar og lærer av kvarandre. Ingen sit med alle svara åleine – men saman byggjer me eit treningstilbod som blir betre enn det kvar enkelt av oss kunne skapt på eiga hand.

Like viktig er det at me står samla om det me tilbyr.

På Hardanger Trening skal ikkje kvaliteten vere avhengig av éin person. Konsepta våre er noko me eig saman. Dei er utvikla gjennom diskusjonar, prøving og feiling, faglege innspel og erfaringar frå mange ulike instruktørar.

Målet er ikkje at alle skal vere like.

Målet er at me skal dra i same retning.

Kvar instruktør skal framleis få vere seg sjølv og bruke sin personlegdom og styrke, men med ei felles forståing av kva Hardanger Trening står for, kva oppleving me ønskjer å gi medlemmene våre, og kva kvalitet me ønskjer at timane våre skal ha.

Eit anna viktig fokus for oss er at konsepta våre skal passe menneska som bur her. ❤️

Me utviklar ikkje timar berre for å følgje trendar. Men me let oss gjerne inspirere av nye idéar, metodar og utvikling i treningsbransjen som kan gi betre treningseffekt, meir treningsglede, auka meistring eller tryggare trening. Det viktigaste for oss er likevel at det fungerer for medlemmene våre, sambygdingane våre og kvardagen dei lever i.

Me ønskjer trening som er:

✔️ trygg og gjennomførbar
✔️ motiverande og inkluderande
✔️ effektiv utan å vere komplisert
✔️ tilpassa ulike nivå og mål
✔️ noko du har lyst til å kome tilbake til veke etter veke

Kva betyr dette for deg som medlem? 💪

Det betyr at du får timar som er godt gjennomtenkte, fagleg forankra og utvikla av eit heilt lag med ulik kompetanse og erfaring.

Det betyr at du får instruktørar som samarbeider, lærer av kvarandre og heile tida leitar etter små forbetringar som kan gi deg ei betre oppleving.

For oss handlar dette om mykje meir enn nye namn og nye øvingar.

Det handlar om å skape eit treningstilbod me kan vere stolte av. Eit treningstilbod som passar menneska som bur her. Og eit treningstilbod som gjer at du kjenner deg velkomen, sett og ivareteken når du kjem på trening.

Me gjer dette fordi me bryr oss om faget vårt. Om kvarandre. Og om deg som vel å bruke fritida di saman med oss. ❤️

Takk for tilliten. Me gler oss til å dele resultata med DEG – ein gruppetime om gongen. 💪😄👏

17/06/2026

Ein fantastisk tur til Italia er over. I løpet av desse seks dagane har me fått masse faglig påfyll, laga spennande timar som kjem på timeplanen etterkvart, fått eit endå meir samansveisa lag og kost oss med sol, varme og god mat. No er me klare for mykje Treningsglede i lag med medlemmane våre og har fullada batterier. Piemonte er noko eget og ein heilt spesiell plass som me gler oss til me kan reisa tilbake til.

09/06/2026

Instruktørane våre reiser snart til Italia for ei langhelg med fagleg påfyll, internopplæring, inspirasjon og fellesskap på Villa Madonna i Piemonte.

Dette er dei fantastiske instruktørane som kvar veke skaper treningsglede, motivasjon og fellesskap på Hardanger Trening. Det er dei som møter medlemmene våre med smil, energi, kunnskap og omsorg – og som i stor grad er grunnen til at HT har blitt det det er i dag. ❤️

For oss handlar slike samlingar om mykje meir enn trening. Det handlar om å lære av kvarandre, dele erfaringar, utvikle nye idéar og styrkje laget vårt. Når me investerer i instruktørane våre, investerer me samtidig i opplevinga til medlemmene våre.

Og sjølvsagt blir også servicemannen vår, Olav, med på tur! 🔧💪
Gode instruktørar er viktige, men det er også utstyret, apparata og alt det tekniske som skal fungere kvar einaste dag. Olav er ein viktig del av laget som sørgjer for at HT fungerer slik det skal.

Sjølv om mange av oss er på tur, går drifta på Hardanger Trening som vanleg.

🌟 Dyktige Gunnvor held fortet og køyrer timar medan me er vekke👏
🌟 Fantastisk hjelpsomme Bjørg sørgjer for at klutane er reine og på plass👏
🌟 Senter, drift og trening går som normalt – akkurat slik de er vane med. 😊

Me er utruleg takksame for alle dei gode folka som Gunnvor og Bjørg, som stiller opp og gjer dette mogleg, og me gler oss til å kome heim att med ny kunnskap, nye idéar og endå meir inspirasjon til å gi dykk det beste treningstilbodet me kan. ❤️

Onsdag 17. juni er heile gjengen tilbake att – klare for ein innhaldsrik treningssommar saman med dykk! ☀️💪😄