29/08/2026
Hei igjen godtfolk. Lenge sidan eg har vore her med referat etter kamp for herrelaget no. Skal ikkje legge skulda på anna enn meg sjøl på ditta.
Vi har starta høstsesongen etter ein lang sommarferie (frå fotballen vel og merke).
Den 15 august tok vi turen til Naustdal for å spele den utsette kampen frå vårsesongen mot Tambarskjelvar. Holdt på å ende som i vårsesongen at vi måtte utsette den igjen men vi klarte å stable på beina 13 mann, inkludert meg sjøl(49 år). 2 av spelarane hadde med seg større kvantum legemiddel for å holde feber i sjakk og luftvegar opne. Tilbake på laget var ein kar som har vore vekke ei tid frå oss, Tage Gallefoss. Han var full av overskudd og i scoringsform. Resultatet frå denne kampen blei 1-0 til Hyllestad , scoring av Tage⚽
Tirsdagen etter gjekk turen til storbyen Førde og vi skulle møte Førde4. Her var det 4 mann frå forrige kamp som ikkje kunne vere med og på nytt vart det ein kamp å stille nok spelara. Keeper fekk vi på plass nokre tima for dommaren bles igang kampen. 13 mann denne kampen og inkl meg sjøl og. Medisinmengda på nokre av spelarane hadde auka betraktelig frå forrige kamp, kred skal dei ha for å stille iallefall. Resultatmessig vart det eit knepent 5-4 tap mot ein gjeng med snittalder på 17,7 år. Måla våre var det Jardar Kjos, Thomas Svartefossx2 og Jonas Ness som scora. Verdt og nevne er det kanskje at stillinga 10 min før slutt var 5-2 til Førde4 før Øyvind sette innpå den eldste i troppen🤩
So kjem vi til den siste spelte kampen no. Denne tirsdagen gjekk turen til Våge og Fure si heimebane.
Denne tirsdagen reiste vi ut i ytre strok med 11 mann og uten keeper. Rudi (sånn ca 45 år pluss minus) stilte sporty opp som keeper og referenten(49 år gammal morfar) måtte starte på topp. Fure starta best og leda fortjent 1-0 til pause, sjøl om spissen til Hyllestad hadde sine sjansar han og😃 Heldigvis var det ein kar frå Hyllestad som kunne avslutte sveisejobben sin litt tidlegare enn planlagt slik at han rakk 2 omg og gamlingen fekk styre laget frå benken(trenaren var heller ikkje med på dinna kampen då han priorterte flatfyll på fjellheimen litt lenger nord i landet, reinsdyrjakt kallast visst da). Hofsviken kom innpå til 2 omg og satte standaren etter 3 min på bana med gult kort for ei litt overivrig tackling. Etter dette tok vi over momente i kampen og skapte fleire gode sjansar som resulterte i 2 mål av Jonas Ness(ikkje tungt medisinert i denne kampen). Vi fekk og 1 mål annulert i denne omgangen. Seier 2-1 over Fure. Takk til Fure for ei strålande ramme rundt kampen. Alt frå velkomst ,frukt, kaffi og masse liv og røre under kampen. Her har mange klubbar noko å lære.
Vi takkar for kampane til dei respektive klubbane og dommarane vi har hatt.
Neste kamp er heime på Hyllestad stadion den 1 sept kl 1900.
Slik at ingen misforstår bilde, so er da barnebarnet mitt eg held på armen. So 3 generasjonar på ditta bilde.
Heia Hyllestad
