Førdehuset

03/06/2026

Programleiar i Opptur på NRKP1, Ingrid Sæthre Stabrun, har lært seg å spele piano på radioen i løpet av våren. Med legenda Ingrid Bjørnov som lærar er ho no klar for å ta revansje på pianolæraren som sa til Ingrid 10 år, at ho ikkje såg poenget med at ho kom tilbake etter sommarferien. 👀

Kollega Stian Sjursen Takle overraska Ingrid på lufta med at ho skal få bli ein del av showet Høyt & Lavt // Førdehuset med BAdesKen og Rune Nilson i Førdehuset fredag 12. juni.

Korleis det går? Høyr Opptur laurdag 13. juni eller bli med i Førdehuset og opplev ein eksklusiv opptreden av pianoeleven Ingrid som skal spele Ida's sommarvise.

02/06/2026

Onsdag 3. juni får vi besøk av Maja Lunde til føredraget Skjerm barna på Førdehuset. Her set ho søkjelyset på korleis smarttelefonar og skjermbruk påverkar barna våre – og kva vi som vaksne kan gjere.

Har du Firda+? Då kan du lese intervjuet med initiativtakarane Lene Sørøy Neverdal frå FAU på Flatene og Cathrine Ekehaug frå FAU på Slåtten skule, som fortel kvifor dei meiner dette er eit viktig og aktuelt tema 👇

Skjerm, smarttelefonar og ein fri barndom. Det skal det handle om i Førdehuset onsdag.

29/05/2026

Jubileumsprogrammet Førdehuset 50 år er klart! "Kort" forklart av Inge Larsen. Vil du lese heile sjå på nettsida vår eller i Innbyggerappen. Velkommen til feiring 6 - 14 juni ❤️

28/05/2026

Er du lærar for 10. trinn eller vidaregåande skule?

No kan du søkje om gratisbillettar til Riksteatret si framsyning Ubesvart anrop i Førdehuset – gjennom Riksteatret sitt billettfond.

Spelast: onsdag 30. september kl. 19.30
Varigheit: 1 time og 30 minutt (utan pause)
Skulen dekkjer kun transport

Det er eit avgrensa tal plassar tilgjengeleg, og innsending av søknad er difor ikkje ein garanti for billettar. Alle søkjarar vil få svar på e-post.

Lærarar kan søkje på vegner av klassa si via søknadsskjemaet under.
Søknadsskjema: https://forms.gle/DXSy67annM3uCXAy6
Les meir om framsyninga: https://fordehuset.no/ubesvart-anrop-riksteatret-qj97yp/

27/05/2026

Dyrene i Hakkebakkeskogen kjem til Førdehuset 13. november 🐭🐰🐯

26/05/2026

Få med deg foredraget "Skjerm barna" med Maja Lunde i Førdehuset onsdag 3. juni.

Eit foredrag for deg som meiner ungane er for mykje på skjerm, og som vil bidra til å ta barndommen tilbake.👩‍👧‍👦

18/05/2026

Eit foredrag for deg som meiner ungane er for mykje på skjerm, og som vil bidra til å ta barndommen tilbake.
Maja Lunde - Skjerm Barna - Storsalen, onsdag 3. juni 👨‍👩‍👧👨‍👧📲

Eit barn som brukar mobilen éin time om dagen, vil med ei gjennomsnittleg levealder på 82 år bruke om lag 30 000 timar på mobilen. Det tilsvarer tre og eit halvt år – eller 15 årsverk. Mange barn og unge brukar mobilen fire timar eller meir kvar dag. Det blir 60 årsverk.

Mobilen og algoritmane eig tida til barna. Bruken går utover det dei treng for å ha det bra: å leike, sove, røre seg, lese, dagdrøyme og vere saman med andre.

Samtidig aukar tala på psykisk uhelse blant barn og unge, og skuleresultata går ned.

Vi har gitt barna fri tilgang til appar og dingsar som vi vaksne knapt klarer å handtere sjølve. Til sosiale medium som krev ei mental modning barn og unge rett og slett ikkje har, fordi hjernen deira framleis er under utvikling.

Vi har gjort det fordi vi tenkjer at det digitale har kome for å bli. Dei einaste som tener på det, er teknologigigantane. Men det som ikkje gjer liva våre og samfunnet betre, har ikkje kome for å bli. Det kan vi fjerne eller endre.

Dette foredraget viser deg korleis.