Dingemoen idrettspark - idrett for alle

11/12/2021

Finn .fram dei beste kustgrasskoa og puss dei for no er det klart for avspark på Dingemoen Arena ⚽️⚽️⚽️

Eivind Antonisen, dagleg leiar i HAFS Betongbygg as, signerer her beviset på at Dale IL har fått seg ny storstove for fotball.

Som hovudentreprenør har HAFS Betongbygg as, verkeleg jobba godt med dette prosjektet og fortener stor ros. Dei har vore punktlige og samarbeidsvillige heile vegen, og har levert eit solid stykke arbeid.

Med seg har dei hatt eit godt lag med lokale entrepenørar og det er verkeleg grunn til å takke alle for ein formidabel innsats.

Vi rettar ein stor takk til:
MK Myklebust Entreprenør
Jarstad Rør As
Blikås Elektro
Vestbygg A/S

Sjølve hallen er levert av Besthall.

Inititativet til å få på plass denne hallen kom for 8 år sida og det er Dale IL Fotball som heile vegen har løfta prosjektet og haldt framdrifta oppe. Det er spesielt ein person som har vore ein sentral motivator og det er Vegard Strand. Tusen takk for ditt engasjement og enorme innsats for å realisere hallen. Så er det mange fleire som entusiastisk har vore med desse åra og vi rettar ein stor takk til alle dykk.

Det er Dale IL og Fjaler kommune som eig hallen og vi vil takke alle bidragsytarar som har vore med å finansiert prosjektet.

Spesielt rettar vi ein stor takk til Sparebankstiftinga Fjaler/ Sparebanken Sogn og Fjordane som ser verdien av aktive lokalsamfunn og har bidratt med 6 millionar.

Både privatpersonar og lokalt næringsliv i Fjaler og Sunnfjord har vore med å fullfinansiere dette.

DETTE ER EIN STOR LAGSEIER.
GRATULERER DALE, FJALER OG HAFS! ⚽️⚽️⚽️

01/11/2021

VIKTIG!

Ferdigstilling av fotballhallen er no i sluttspurten, og vi har siste vekene opplevd stor interesse frå mange som ønskjer inn å sjå. Vi skjønar interessa, men må be om at ein ikkje verken går inn i bygget eller oppheld seg på byggeplassen fram til opning. Dette med bakgrunn i sikkerheit/ HMS. Fint om foreldre og trenarar kan ta ein prat med ungane om dette.

Kunstgraset er lagt og det går daglege skift med dugnadsarbeid på golvlegging, sparkling, maling osv. Over 50 personar har meldt seg til dugnadsinnsats- formidabel respons! Takk til alle som har bidratt så langt og ein spesiell takk og til Tarald som sto på heile helga med legging av kunstgras- kven er vel betre til slodding av bane enn ein junior-norgesmeister i ATV 😊

Entreprenøren er i rute, og går alt etter planen håpar vi å kunne ta hallen i bruk i starten av desember. Vi gledar oss og skal komme tilbake med hyppige oppdateringar!

30/10/2021

Vi er på oppløpssida. 👏👏👏

Ikkje ein gong Saltkjelen kan stoppe oss. Traileren som sto fast der fredag hadde med bana vår og i dag rullast det ut ⚽️⚽️

21/09/2021

Vi nærmar oss tida der fotballhallen skal fyllast av store og små fotballsko og hurrarop frå heiagjengen. ⚽️🥳

HAFS Betongbygg as har stødig kurs i lag med underleverandørene.

Akkurat no gjer MK Myklebust klar for asfaltering og legging av kunstgras. Blikås Elektro er ferdig med montering av lys.

Tilbygget har fått golv og skal vere tett i løpet av neste veke.

Heia Dale gul og blå, fleire mål vi ventar på… 👏👏👏

14/08/2021

I dag deler vi flinke HAFS Betongbygg as sin status for fotballhallen. Eit imponerande bygg står no i Trolleskaret og innreiinga pågår for fullt.

Så Fotball hallen vi bygger for Dingemoen Arena as, her er sjølve hallen no ferdig og innvendig arbeid har startet. I nær framtid vil vi starte med servicebygget og inngangspartiet til hallen. Går alt etter planen fotball aktiviteter starte her på sein høsten...

13/06/2021

Sidan Firda var på besøk har hallen fått veggar og arbeidet pågår for fullt 🔧🔨🔩⚙️

No har kaldhallen i Dale fått tak.

25/05/2021

Drypp, drypp, øs, pøs og søkk våte små og store ballkunstnarar har vore normalen.

Til hausten blir det andre tonar og takter når vi skal springe, drible, sentre og lage mål under dette kvite fine taket.

Vi gler oss 😍

21/05/2021

Dagens bilde frå Dingemoen😀 Her går det unna!

20/05/2021

Ein stor dag for oss også. Vi deler gleda med entreprenøren over å vere i gang med å røyse kaldhallen. Alt går etter plan 👏👏👏

14/05/2021

Det er på tide med ei ny oppdatering på framdrifta med kaldhallen. Arbeidet med å reise hallen er i gong for alvor og bygget vil dermed dag for dag bli meir synleg i terrenget.
Hovudentreprenør HAFS Betongbygg melder om at framdrifta på prosjektet er god og at ein reknar med ferdigstilling løpet av oktober/november.

Alle brukarane av Dingemoen idrettspark kan no dag for dag følgje framdrifta og gle seg til dette fantastiske anlegget står klart. For dei som ikkje er innom Dingemoen jamnleg vil vi sjølvsagt komme med regelmessige oppdateringar her på facebooksida.

Styreleiar i Dingemoen Arena, Terje Solheim, er godt nøgd med framdrifta og vil gje ros til HAFS Betongbygg for godt samarbeid og god styring med prosjektet.

Vi minner også om at Dingemoen Idrettspark no er eit anleggsområde og ber om at alle respekterer skilt og sperringer.

26/03/2021

Alt er no klappa og klart for montering av fotballhallen vår. Vi ser fram til at montørene får tillatelse til å komme. 🤞👌

I mens så seier vi god påske til alle som føl med i byggeprosessen 🐣

17/12/2020

Det er god driv i anleggsarbeidet med bygging av kaldhall på Dingemoen. Her er det klargjering for strekkstag til innvendig kaldhall og støyp av fundament for servicebygg som pågår 👏

Nicolai Hatlebrekke, Adrian Myklebust i MK Myklebust Entreprenør og Sindre Halsnes og Jan Kjetil Herland hos HAFS Betongbygg står på for kaldhallen. Dei er glad for milde desemberdagar når dette arbeidet pågår.