Fureparken, Byrkjelo. Gloppen kommune, Nordfjord

07/03/2025

Fureparken har vore ein nyttig, trygg, stabil, opplevingsrik, og kjærkomen arena for svært mange ungdomar.

23/11/2024

Tida går...
10 års jubileum nærmar seg, og vert markert både i romjula og over nyttår.

10 år går fort.

Etter ei budrunde og litt styr, fekk vi tilslag på kjøp av Byrkjelo barnehage rett før jul i 2014. Vi tok den i bruk på nyåret 2015. Då var 2.etasje renovert, og ungdomane «våre» trivdest svært godt.
Sindre Willumsen kjøpte 1. etasje, og laga ei luksusleilighet der, som vi etterkvart tok over.
Vi har endra namn på eigedomen til «Fureparken», ettersom adressa er Furehaugane 1. Namnet forpliktar, så nokre furuer lever i beste velgåande framleis. «Fureparken» har eiga side på FB.

Det har vore ei stor utvikling av anlegget desse åra, med luftslottet «Breim Gu Beire» i Furetrea, med stor aktivitetsgarasje, man-cave, og med «Hawaii under breen». Sistnemde er eit garderobe- og dusjanlegg med whirlpool bath, massasjestolar, badstove, og minibar.

Det har vore eit framifrå forhold til nabolaget, og etter 2 års drift kom nærmaste nabo og spurde; "har de ikkje aktivitet ned med dåkke, eg har ikkje høyrt noko ?».
- Jau, det har vi - med kjekke ungdomar.

10-års-jubileum må vi sjølvsagt markere, og det gjer vi i romjula og på ny-året. Følg med på denne FB-sida, på "Fureparken" si FB-side, eller på Magnus Willumsen si FB-side.

23/11/2024

Skulder-senking før jul - og det er moglegheit for fleire !

Denne veka hadde vi besøk av 6 trivelege damer i Fureparken 1 på Byrkjelo. Dei kosa seg med whirlpool bath, massasjestolar, ein tur i luftslottet, sosialt samvær, og mat frå Breim Bistro og Bakar-Jon.
Kor vidt dei nytta bastskjørt, Hawaii-kransar, og Hawaii-skjorter veit vi ikkje, men moglegheitane var der.
Førjuls-senking av stressa skuldrar var tema for denne personalturen, og nokre yrkesgrupper er spesielt utsett for stress, og har meir utfordrande arbeidsoppgåver enn andre.
Tusen takk for triveleg besøk, og vi vonar de reiste full-lada heim.

Vi gjer merksam på at bileta er illustrasjonsbileter, og damene i whirlpool bathen på biletet er damelandslaget i vektløfting, som var på besøk i fjor.

Dersom andre kunne tenke seg liknande, er det berre å kontakte Roar Willumsen: Tlf: 41207263, eller Magnus Willumsen: tlf: 99715222.

Fureparken 1 på Byrkjelo:

"Hawaii under breen":
- whirlpool bath🛁
- Dusj/garderobe 🚿
- Massasjestolar 💆‍♀️
- Sjølvbetjent minibar🍸
- Hawaiibekledning🌸

- Luftslottet "Breim Gu Beire" er tilgjengeleg
- "Sungam sin Man-cave" er tilgjengeleg
- Overnatting i Fureparken er mogleg (6 dobbeltrom) + luftslott

Vi ynskjer at ein forlet staden innbydande til neste gruppe. Medbragt drikke er lov.

17/12/2023

Innandørs jule-aktivitetar !

Det var lite freistande med uteaktivitetar for ungdomane våre denne stormvershelga.
Då vart det istaden innandørs juleturnering med småkonkurransar som kahoot, musikkquizz, bordtennis, pepperkakehus, gaming, og ein heil serie med småaktivitetar.
Julegraut, brune pinnar, julegløgg, pizzajulebord, taco, og "seiler-patent" var på helgas meny.
Klatrevegg og bading i Trivselshagen, lærekøyring med bil, overraskande mopedkøyring då gamle pucken starta, whirlpool bath, massasjestolar, blindtest av julebrus, og utdeling av julegåver.
Ja, og så var nokre innom mobilen sin også.

Takk for ei flott og aktiv helg ungdomar.
Ønskjer dykk alle ei riktig GOD JUL !

11/12/2023

Aktiv helg for ungdomar på leir i Fureparken !

Kjelkeaking, alpint på Utvikfjellet, bading i Trivselsbadet, whirlpool bath i Hawaii-avdelinga, pepperkakehus, gymsalaktivitetar, gaming-konkurranse, bordtennis, blindtest av julebrus, julegraut med mandel, teoriøkt om "livets veg", "autovern", og hormon i fri flyt, og ikkje minst julekos med gåveutdeling.
Takk for ei flott helg ungdomar, og god jul til dykk alle.

26/11/2023

Triveleg helg i Fureparken med "ungdomslaget" vårt:

- Julegrantenning på Byrkjelo.
- Pop-up sal.
- Julemesse
- Snøholegraving
- Aking
- Ski på Utvikfjellet
- Gymsal-aktivitetar
- Lærekøyring med bil
- whirlpool bath og massasje i Hawaii-avdelinga
- Film
- Heidring av 80 års-jubilant Kåre Løtuft

"Congratulation" var eit passende melodival då vi heidra nabo og trebolledreiar Kåre Løtuft på 80-årsdagen hans. Kåre har teke imot ungdomane våre mange gonger i bua si. Dei har fått innblikk i dreiekunsten av eksperten.
Denne gongen var det vår tur, og det vart ei rørande stund ved nabogjerdet. Til tonane av "tio tusen røda roser", kom ungdomane fram, ein etter ein, og overrekte ei raud rose til Kåre. Respekt og heider. Ungdom og eit levd liv. Ei vakker stund.

Det vart også ei stor gledesstund for dei 2 gutane som fekk seg ski på pop-up-salet. Fullt telemarkutstyr til 150 kr på den eine, og alpinski på den andre, gratis ! Gladare eigarar av sine første ski skal ein leite lenge etter.

20/11/2023

Full rulle i Fureparken, Byrkjelo. Gloppen kommune, Nordfjord .

I vinterbasen vår, Fureparken på Byrkjelo, er det igjen full aktivitet. Etter eit halvt med diverse andre og alternative bruksområder, var det kjekt å starte med primæraktivitetane igjen. Krokpollen får dermed lov å kvile seg gjennom vintermånadane.

"Ungdom i medvind" hadde ei aktiv og god samling denne helga, med både nye og gamle deltakarar.

whirlpool bath, massasje, og film i Hawaiiavdelinga, ei rekke småkonkurransar i aktivitetsgarasja,
musikkverkstad i "man-caven", og sjølvsagt god mat, samtalar, kortspel, og chilling i hovudhuset.

Laurdag prøvde vi skeisene på Myra på Sandane, og grilla pølser i det flotte anlegget dugnadsgjengen til Åsen Vel har laga til.

Taekwondo.
Vi fekk med oss dei første NM-medaljane til Breimningar under NM i kampsporten taekwondo, som vart arrangert i Trivselshagen (sjå bileta). Eit spennande og flott arrangement av Gloppen taekwondo klubb.
Både Elena Dale (gull), og Vanessa S. Hjorteset (bronse), imponerte storleg under NM.
Etter 2 timar i trivselsbadet hadde dei fleste fått brukt mykje av eigen energi denne laurdagen.

Moder jord sine eigne klimautslepp.
Søndag reiste vi på Bergheimsvatnet, for å dokumentere moder jord sin produksjon av gassar. Vi kunne konstantere at det ikkje berre er kyr som prompar i dette landet, men i høgste grad også jorda sjølv. Slik har det alltid vore, og slik vil det alltid vere. Vår rikdom og velstand i Noreg skuldast i hovudsak rotnelsesprosessar (olje og gass). Når isen legg seg på vatna våre, slepp ikkje gassen ut i atmosfæren med det første, men vert mellomlagra som kvite bobler under isen. Då er det kjekt å stikke hol på gassboblene, ligge klar med ein lighter, å sette fyr på gassen. Ei slik boble kan brenne i fleire minutt, om ein er heldig med størrelsen på holet i isen. Underteikna har opplevd slik "boble", som brann i over 2 timar ! (Sandalsvatnet). Vi kunne kokt middag på den.
Dette vart ein lærerik, spennande, og morosam ekskursjon, der stimulering av pyromani ikkje var hovudmålet...
Med magen full av kjøttkaker, tok vi desserten i Breimshallen, der idrettslaget hadde basar, med kaffi og kaker. Med kvar sin 100-lapp i handa, var oppdraget til ungdomane å bruke opp det meste av pengane på noko anna enn seg sjølv. Lodd og årar... og litt spenning på kjøpet. Basar er det ikkje alle som har opplevd. I Breimshallen vart det utdeling av heider og ære, utmerkingar, verdsettingar, og mange basarvinnarar.

Basecampen i Fureparken er eit glimrande utgangspunkt for dei mange ulike aktivitetar kommunen og området kan by på.
Vi vil påstå at deltakarane våre er litt heldige, som får oppleve det beste av alle årstider, gjennom sommarbasen i Krokpollen, ved sjøen, og i vinterbasen Fureparken, blandt fjell, skog, elv, vatn, bre, snø og is, og med høve til ei rekke kulturaktivitetar. Samla vert dette lærerik variasjon !
I tillegg opplevest det stabilt og trygt for ungdomane, når dei har det same personalet på begge stadar. Stabilitet er viktig i einkvar oppvekst, men dessverre er det ikkje alle ungdomar som får oppleve det.

Tusen takk til ungdomane for ei flott helg !

Nyt bileta med kommentarar.

29/06/2023

16/04/2023

Velkommen til Hawaii under breen !

Vi opnar opp for å leige ut «Hawaii under breen» for kosekveld med vennegjengen eller familien i Furehaugane 1 på Byrkjelo.

- whirlpool bath🛁
- Dusj/garderobe 🚿
- Massasjestolar 💆‍♀️
- Sjølvbetjent minibar🍸
- Hawaiibekledning🌸

Vi ynskjer at ein forlet staden innbydande til neste gruppe. Medbragt drikke er lov.

Send melding til Roar Willumsen: Tlf: 41207263 for booking på desse datoane:
17, 18, 19, 20, 24, 25, 26, 27, 28, 29, 30 april.

1000,- pr. kveld (1800-2230). Kos dokke👌