For leige av møterom/klubbhus eller kjøp av abonnement (Basseng/trening), ta kontakt med driftstelefon på 905 34 307. Bulandet og Værlandet Fleirbrukshall vart offisielt opna 22. Sidan 1967 har det vore jobba for å få på plass eit adekvat symjetilbud i bygda. På 1990-talet vart det danna ei bassengnemnd som hadde som mål å realisere "draumen om eit symjebasseng". Sidan 2012 har det vore jobba med det som i dag er "Hallen" i bygda. Frå 2022 til 2024 vart det lagt ned ca. 10.000 praktiske dugnadstimar i prosjektet. Totalt med administrasjon, så har det nok vore brukt nermare det dobbelte antal timar for å få prosjektet realisert. Hallen har fasilitetar som symjebasseng med dusj og garderobar, Tropicana/avslappingsrom, treningsrom på 150m2, aktivitetssal med buldrevegg, klubbhus, møterom og eit servicebygget for bubilturistar. Vi har tru på at dette vil vere tilbod som vil bli sett stor pris på og som kan gje positive ringverknadar for øyane våre. Som hovudpunkt i ferdigstillinga har Bulandet Idrettslag sett opp fire punkt som hallen skal levere på:
1. Levere eit adekvat symjetilbod til innbyggjarane og tilreisande.
2. Levere gode treningsfasilitetar for variert aktivitet.
3. Levere eit attraktivt forsamlingslokale.
4. Bidra til eit betre bumiljø på Bulandet og Værlandet. Krabbeskjeret Bobil og Camping er tilbodet for tilreisande bubilar og campingturistar. Dei kan nytte fasilitetane i servicebygget som dusj, toalett, vaskerom med vaskemaskin, tilgang til straum, vatn og tømming av septiktank. Vår visjon er at "Hallen" skal vere ei sosial kontaktflate og vere eit hus som ungdommen skal kunne bruke på fritida. Vi håper at dette med åra skal påvirke Bu-Lyst og bidra til at ungdommen vil flytte tilbake og bidra til liv i bygdene våre. Bulandet Skule har no sin timeplan 3 dagar kvar veke i symjehallen, og har prioritet. Vi ber alle besökande ha respekt for skulen sine aktivitetar i bygget. Vi vil ynskje dykk alle velkomen i "Hallen" og “Bygda sitt hus" på Bulandet og Værlandet.
