01/06/2026
For ei fantastisk helg i Haugesund! 🤸♀️💙
21 turnarar frå Bremnes 9–10 år og ein solid gjeng foreldre og vaksne deltok på Barnas Turnfestival 2026, og programmet leverte frå start til slutt.
Laurdagen starta med innsjekk på Gard skole før me gikk samla mot Haraldshallen, der festivalområdet allereie var fullt av liv. Barna fekk prøva seg på fleire av festivalens mest populære aktiviteter – blant anna Rytmisk Gymnastikk, Akro/Aerials, og ulike utepostar med leik, samarbeid og turnglede. Med gode vaksne rundt seg fekk alle deltatt på det dei ønska, sjølv når programmet gekk i fleire hallar samtidig.
Etter ein liten matpause på tribuna fortsatte me vidare i programmet. Uteområdet blei eit naturleg samlingspunkt og Bremnes-gjengen fann raskt nye venner – blant anna ein triveleg gjeng frå Stål Jørpeland som me møtte igjen fleire gongar gjennom helga.
På ettermiddagen venta felles middag i Ishallen, der lasagne sto på menyen. Etterpå fordelte barna seg mellom to populære kveldsaktivitetar: filmvisning av Zootropolis og disco i Ishallen (utan skøyter, men med masse energi!). Kiosken var ein naturleg stoppestad før me runda av dagen og gikk tilbake til Gard skole for ei god natts søvn.
Søndag starta tidleg og Bremnes var faktisk først til frukost. Deretter fulgte festivalens tradisjonelle fellesdans, denne gangen til ein Shakira-låt fra Zootropolis – eit skikkelig energikick før dagens store høgdepunkt: defileringen.
Defileringen er noko turnarane våre har deltatt på før, og dei gikk stolt i rekkene, som første turnforening bak musikkorpset. Det som gjorde årets defilering ekstra fin, var at mange eldre tilskuere – blant anna bebuarar på Haraldsheim – vinka, smila og heia.
Etter defileringen gikk turen rett inn i hallen til stevneoppvisninga, der turnerne våre leverte ein trygg og fin prestasjon foran foreldre og publikum. Sjølv uten særleg spesifikk stevnetrening viste dei både mot, meistring og turnglede.
Då bussen rulla heimover søndags ettermiddag, satt det ein litt trøtt – men veldig fornøgd – gjeng om bord. Helgea gav oss akkurat det Barnas Turnfestival handlar om: fellesskap, aktivitet, nye venner og minner som varer lenge.
Tusen takk til alle barn, foreldre og trenarar som gjorde festivalen til ein så flott opplevelse! 💙🤸♂️✨
