Finnås Sportsklubb

24/08/2026

Mandag 31. august startar Zumbagruppa opp haustsesongen. Du er sjølvsagt velkommen!

22/08/2026

12/08/2026

23/06/2026

BRONSEN SKAL HEIM TIL BØMLO! 🥉🏆🎉

For ei fantastisk avslutning på Sør Cup! Jenter 13 i A-sluttspelet krona i kveld ei utruleg fotballveke med å dra i land bronsemedaljen!

Det vart ein uhyre jamn og spennande bronsefinale mot Solnut, der nervane verkeleg sat utanpå drakta hos både spelarar og supporterar heilt til dommaren bles i fløyta for siste gong. Jentene gjekk ut i hundre, og midtvegs i første omgang sørga Mathilda for ellevill jubel då ho sette inn 1–0! ⚽️💥

Me var omtrent midtvegs i 2. omgang då Haley dobla leiinga til 2–0. Men sjølv med tomålsleiing vart det aldri noka komfortabel reise inn. Solnut kjempa iherdig og pressa voldsomt på til siste slutt, men jentene våre reid stormen av med heroisk laginnsats og ein vilje av stål! 💪

🔥Ein enorm takk til støtteapparatet! ❤️Cupopplevingar som dette kjem ikkje av seg sjølv. Me vil retta ein heilt enorm og velfortent takk til dei fantastiske trenarane og det utrøyttelege støtteapparatet vårt! De brukar utruleg mykje av fritida dykkar, held orden på alt frå taktikk til soveposar, og legg til rette for minne som desse ungdomane vil bera med seg resten av livet. Dåke er gull verd!

🌟Gratulerer så mykje til J13 med bronsepallen, og takk til alle gutar, jenter, trenarar og den fantastiske heiaflokken som har gjort Sør Cup til ein ugløymeleg fest! 💙🤍❤️⚽️

Heilt til slutt. Tusen takk til sponsorane som saman med dugnadsinnsats og bevillgning frå klubbane har gjort det mulig for laga våre å reise på Sør Cup.

23/06/2026

Referatet talar for seg sjølv 🫢

Referat etter gårsdagen.

Kort oppsumert var det dårlig.

Ein litt lengre oppsumering, det var drit dårlig.

Me kjem sterkare tilbake! Det er eit løfte👊

23/06/2026

Ein tung start på dagen – men cupeventyret og medaljejakta held fram! ⚽️🌅💤

Det vart diverre ein tung tysdag morgon på Sør Cup for dei flinke ungdomane våre, og det spørs om ikkje augneloka var litt ekstra tunge hjå nokre og ein kvar i dag? Kanskje var det uvanleg god stemning (og kanskje litt lite søvn) i soveposane i natt, og fleire lurte seg til å følgja med på nattens spennande VM-kamp? 🤫📺

✨Trøtte til trass – begge laga kjempa som heltar i morgontimane: Gutar 13 møtte Hægebostad i kvartfinalen i B-sluttspelet. Gutane la ned ein kjempeinnsats og kjempa hardt heile vegen, men det enda diverre med eit 0–3 tap. Med det er det herlege cupeventyret over for gutane for denne gong. Dåke har vore superflinke, og me er kjempefornøgde med cupinnsatsen! 👏

Jenter 13 spelte semifinale i det gjeve A-sluttspelet mot Staal Jørpeland. Motstanden vart diverre litt for sterk denne morgonen, og det enda med eit 0–4 tap mot eit godt lag. Sjølv om finaledraumen brast, har jentene framleis alt å spela for! 🌟

BRONSEFINALE I KVELD! 🥉🔥Jentene har rista av seg skuffelsen og gjer seg no klare til å kjempa om edelt metall! Me treng alt som kan krypa og gå av supporterar på sidelinja for å løfta jentene fram til pallen.

🏆 J13 A-sluttspel – Bronsefinale
🆚 Solnut
⏰ I kveld (tysdag) kl. 17:30
📍Sparebanken Norge banen K A

No lader me opp batteria (og tek kanskje ein liten høneblund?), før me stiller mannsterke opp for å heia jentene fram til bronse!

📣🥁Heia Finnås/Bømlo! 💙🤍❤️

22/06/2026

KVARTFINALE NESTE! For ein herleg siger i 8-delsfinalen!

Måndag kl. 16:00 var det duka for vinn-eller-forsvinn i Sør Cup B-sluttspelet på Hommeren, då Finnås/Bømlo G13 møtte Flekkerøy til ein uhyre jamn 8-delsfinale.

Det starta tøft, og Flekkerøy tok tidleg leiinga i første omgang. Men gutane våre lét seg ikkje vippa av pinnen og hang absolutt med, sjølv om det var Flekkerøy sjølv som sikra oss balanse i rekneskapen og 1-1 før pausesignalet gjekk.

Kampen svinga voldsomt fram og tilbake på begge banehalvdelar, og gutane var absolutt med på alt som skjedde. Sjølv om Sørlandsvarmen verkeleg steikte og tærte på kreftene, heldt gutane hovudet kaldt og hjarta varmt. I andre omgang kjempa dei som nokre løver! Med herleg innsatsvilje klarte me å lura ballen bak Flekkerøy sin keeper to gonger til før dommaren bles i fløyta for siste gong.

Sluttresultat: 3–1 siger til Finnås/Bømlo! 🥳🎉⚽️

Dette betyr at cup-eventyret held fram i høgt tempo, og gutane er no klare for KVARTFINALE!

🏆 G13 Slutspel B – 1/4-finale
⏰ Tysdag 23. juni kl. 10:50
📍 Bane: Hommeren F9

Me gratulerer gutane med ein fantastisk laginnsats og ein herleg siger! No gjer me oss klare for ny kamp i morgon tidleg – me håpar heiaflokken stiller opp med fulle batteri og masse lyd! 🎶📣

☀️Heia Finnås/Bømlo!

22/06/2026

Flott innsats av Finnås/Bømlo G13 i Sør Cup! ⚽️☀️

Samarbeidslaget vårt har lagt bak seg ei intens og spennande opningshelg på Sør Cup. Gutane har kjempa hardt, vist kjempeflott lagånd, og supporterane har laga ein fantastisk ramme rundt kampane! Her er eit attsyn på dei tre første oppgjerda:

1. kamp: Randesund – Finnås/Bømlo (6–3) 😅Første kampen ut var mot Randesund, og dette vart eit jamt og nervepirrande oppgjer i det strålande sommarvêret. Lenge såg det ut til at kampen skulle enda uavgjort, men dei siste ti minutta måtte gutane ta litt ekstra risiko for å jakta vinnarmålet. Det gjekk diverre ikkje heilt vår veg denne gongen, og motstandarane fekk lura inn nokre mål på slutten slik at det enda med 3–6 tap. Men gutane spelte tidvis kjempebra, og målskorarane våre var Mats, Emil og Noah! Ekstra stas var det med den blide og høglydde heiaflokken på sidelinja, og etterpå reiste heile gjengen vidare for å heia jentene fram til siger!

2. kamp: Finnås/Bømlo – Larvik Turn Fotball 2 (1–1) ⚽️ Andre kampen gjekk mot Larvik Turn, og her bølga spelet fram og tilbake med store sjansar til begge lag. Sola steikte og vêret var framleis heilt på topp. Sjølv om me sjølvsagt gjerne skulle hatt med oss alle tre poenga, var uavgjort 1–1 eit heilt rettferdig resultat etter spelet. Emil stod for det flotte målet vårt i denne kampen! Supportergjengen var sjølvsagt på plass igjen og løfta gutane fram gjennom samfulle minutt. ☀️🙌

3. kamp: Finnås/Bømlo – Bryne FK (2–1) 🎶💪Søndag kveld var det duka for den siste innleiande kampen mot Bryne FK. Om det var musikken og trykket frå den fantastiske supportergjengen som gjorde utslaget er uvisst, men gutane fann i alle fall fram eit ekstra gir! Dei kjempa som tapre soldatar på bana, la ned ein enorm innsats, og drog til slutt i land ein fullt fortent 2–1 siger!

🥳Klar for sluttspelet! 🔥Med fire poeng i sekken og ein herleg lagmoral er Finnås/Bømlo G13 no klare for 8-delsfinale i B-sluttspelet! Kampen vert spelt allereie måndag kl. 16:00.

Me gratulerer gutane og trenarane med super innsats så langt, og ynskjer lukke til i sluttspelet! Heia Finnås/Bømlo! 💙🤍⚽️

21/06/2026

⚽🔥 FOR EIN MAGISK START PÅ SØR CUP FOR FINNÅS/BØMLO J13! 🔥⚽

For nokre jenter og for eit eventyr samarbeidslaget vårt held på å skriva nede på Sørlandet! Etter ein tøff vårsesong har jentene verkeleg funne vinnarresepten, og dei innleiande rundane har vore ein einaste stor maktdemonstrasjon i lagmoral, innsats og viljestyrke. Her er eit samandrag av dei nervepirrande kampane deira så langt:

Hægebostad IL – Finnås/Bømlo 0–1: Jentene opna turneringa med ein herleg laginnsats. Etter hardt arbeid gjennom heile kampen fekk dei løn for strevet og sikra tre velfortente poeng!

Finnås/Bømlo – Staal Jørpeland 1–0: Mathilda vart den store helten med ei fantastisk scoring i første omgang. Jentene viste enorm krigarmentalitet og forsvarte leiinga heilt inn i det som var ein jamn og spennande kamp.

Finnås/Bømlo – Odda 1–0: Ein skikkeleg nervekrig av ein fotballkamp! Supportarane på sidelinja hadde høg puls då Sofie dukka opp på rett plass og sette inn vinnarmålet til enorm jubel. Jentene kjempa som løvinner i duellane til siste slutt.

Finnås/Bømlo – Randesund IL 2–2: I den siste og avgjerande kampen spelte jentene ein skikkeleg tøff kamp i brennande sørlandsvarme. Dei kjempa alt dei hadde og sikra eit sterkt uavgjortresultat. Haley kriga seg til ei velfortjent scoring som gav 1-0, og ikkje overraskande er det Mari som knuser av fra 20 meter og set ballen i vinkelen, 2-0. Varmen tek på kreftene og før kampen er over klarar også Randesund å få ballen forbi Ella som har vokta målet fjellstøtt gjennom alle 4 kampane.

PULJEVINNARAR OG DIREKTE TIL A-SLUTTSPEL! 🏆🔝Med tre seirar, éin uavgjort og utrulege 10 poeng på kontoen, endar Finnås/Bømlo J13 som stolte puljevinnarar!

Heile klubben og alle supportarane heime på Langevåg og Finnås er utruleg stolte av dykk. No er jentene direkte kvalifiserte til Sluttspel A, og neste kamp vert spela tysdag kl. 09.50.

No ladar me opp og gjer oss klare til å heia jentene vidare! Me trur på dykk, jenter! 💪