Seimsåsen Aktivitetsenter

15/08/2026

Fantastisk kjekt å sjå så mange spele frisbeegolf, men ei viktig påminning: ta med deg boset ditt!! Vi har observert boksar og anna rusk langs bana, det er ikkje greitt. Det er bosdunk ved Aosahytta. Orkar du ta det med ut kan du ta det med tilbake!

24/07/2026

Gladmelding! I dag, fredag 24. juli, flytta den siste korga seg på plass til ny og utvida frisbeegolfbane på Seimsåsen, og den er klar for spel! Eit utal dugnadstimar er lagt ned for å få dette til - ei stor takk til dugnadsgjengen og særleg primus motor Sindre for design og framdrift.

Ny bane har fått tre ulike variantar: Blå (18 hol, mest krevande), raud (18 hol, medium) og gul (10 hol, nybyrjar/familievennleg)

‼ OBS: Det manglar ein del merking - anbefalar å bruke Udisc-appen for å finne fram no i starten. Mellombelse utkast-skilt kjem, saman med stimerking mellom korgene. Utkasta på blå har ikkje fått dekke og kan vere glatte, og dei andre utkasta er ikkje merka skikkeleg enno. Det kjem! Bruk og gode sko - det er blautt enkelte stader.‼

Vipps gjerne nokre kroner til drift av bana, hald orden i naturen og tusen takk til sponsorar for svært verdifulle bidrag. Offisiell opning kjem, men no er det spelbart!

https://udisc.com/courses/seimsasen-frisbee-TUas

21/06/2026

Ny dag, ny dugnad! Fellesdugnad på frisbeegolfbana i dag frå kl 12. 😎

15/06/2026

Ny veke, ny vekesgolf! Berre å bli med om du har lyst å prøve deg på lågterskel konkurranse!

Mange spørsmål knytt til om dagens bane kan brukast medan vi bygger ut - det kan den, arbeidet skjer ikkje i dagens frisbeegolf-trase.

Vekesgolf 16.juni is a disc golf league event held in Seimsdalen, Norway on June 16, 2026 at Seimsåsen frisbee course.

09/06/2026

Fabelaktig oppmøte på dugnad i går - knall innsats av 13 stk! 🤩 Dugnaden held fram: Onsdag 10.6 og fredag 12.6 frå kl 17:00. Me fortset der me slapp i dag, og har som mål å bli ferdige med hol 10–15.Oppmøte ved Aosahytta begge dagane. Håpar flest mogleg kan bidra! 💪🏻😊

07/06/2026

Dugnad banebygging frisbeegolf! Mandag 8.juni frå 15:00 og utover blir det dugnad! Oppmøte ved Aosahytta kl 15 om du kan, kjem du seinare må du rusle ut - første nye hol finn ein på høgre sida av lysløypa like forbi dagens hol 5. Traseen går vidare mot kollen som er mellom lysløypa og Aosatjørni. Ta på gode sko og gode klede, gjerne hanskar.

02/06/2026

Det er sommar, og frisbeeforholda er gode! Vi byrjar med vekesgolf og helgeflex - vekesgolf alt i kveld for dei som er raske til å kaste seg rundt. Vel møtt!

Seimsåsen vekesgolf - Vekesgolf 2.juni 26 is a disc golf league event held in Seimsdalen, Norway on June 2, 2026 at Seimsåsen frisbee course.

22/05/2026

Gladmelding! Vi har fått godkjend søknad om utviding av frisbeegolfbana frå 9 til 18 korger. Planlegging er i gang, og så skal vi dele dugnader når det er klart for slikt.

28/04/2026

Onsdag 29.4 kl 19:30 blir det møte ang frisbeegolfbana på Aosahytta. Agenda er mellom anna sesong 2026, utviding av bana mm. Alle som er interessert i å bidra i frisbeegolf-miljøet på Seimsåsen er velkomne.

12/04/2026

Da er (trekantpunktet) trigpunktet med postkassen teken heim for (reparasjon) vøling 👌👍