Ålgård turstilag

Hjem
Norge
Ålgård
Ålgård turstilag

Målet for Ålgård turstilag er å tilretteleggja for betre turmulegheiter og turopplevingar i nær

Prosjekta for 2020/2021 er:

•Edlandsfjellet
•Limaheia
•Skotjødnå
•Hålandsskogen
•Raudviga
•Fjermestad
•Ålgård sentrum
•Flassavatnet

24/08/2026

Vardafjell - to nyleg ombygde gjerdeklyvarar

For litt sidan vart to gamle gjerdeklyvarar på Vardafjell, like aust for Solås, bygde om. No er det både betre, enklare og sikrare for folk, og også mulege å bruka av hundar. Eit slott og storslått nærområde har med det blitt endå enklare å ferdast i.

Tusen takk til ombyggingsspesialistane Finn Helge Lima og Erling Gundersen for endå eit vel gjennomført oppdrag.

Ålgård turstilag - lett på tur

21/08/2026

Tørrskodd kryssing av Trodalen

Medan sommar og VM-feber har herja kongeriket, har også andre med gravemaskin stått på i sommar. Til lokalt VM-gull !

Tusen takk til grunneigar for positivt samarbeid om betre tursti kombinert med redusert risiko for konflikt og uhell i møte med storfe på beite.

Takk til Eirik P. Håland for stadig nye gravemaskinkunstar under laging av ny steinbru, eller klopp, over Kvernhusbe**en langt der vest i Trodalen, i grenseland mot Riset.

Tusen takk også til Årstein Lima i Gjesdal Bygdeservice for rundt 120 meter med stibygging, inkludert tre grøftekryssingar. Stein for stein. Dette vart flott!

Tusen takk også til Sparebankstiftelsen SR-Bank for økonomisk støtte til dette prosjektet. Gleda og nytteverdi for folk og fe er stor!

Frå området med ny natursteinsti går det no raudmerka heilårs turstiar i fleire retningar: Nordvestover rundt Høga Håland til Hålandsskogen, sørvestover til Riset og Eikeland skule, der det er god parkeringsplass, sørover retning Gunnhildtjørna, Heiå, Bukkatonå og Bursfjellet, og austover opp mot Litle Bursfjellet og vidare til Bursfjellet.

Ålgård turstilag - lett på tur

26/07/2026

Den bortkomne kvilebenken

Det er sundag. Det er kviledag. Ofte kan akkurat det vera ei store utfordring å få til. Men var det ikkje for litt sidan snakk om at Ålgård turstilag hadde sett opp ein ny kvilebenk i Hålandsskogen? Stemmer. Han står framleis på same stad, men for mange er han nok litt bortkomen. Kor er han? Me kan truleg heller ikkje rekna med at benken skal koma til seg sjølv å koma "heim" att. Me må nok til å leita sjølv om me skal finna han.

Benk-finning er best i dagslys. Tek du likevel turen ein sein sommarkveld, kan det vera svært lurt å ta med ei lykt for å fota seg betre, og eit lys på stien din. Uansett, vedlagt her er nokre kart som kan vera nyttige å ha med seg. Det er mange stiar i Hålandsskogen, berre 3 km sørvest for Ålgård. Den korte runden på ca. 500 meter (raud strek) har nokre brattare parti enn den lengre runden på om lag 1,2 km (blå strek).

Turen byr på flott natur med overveldane detaljar, og eit kvilemål i det høge, med utsikt langt og vidt, der nokon og ein kvar kan få hjelp til å kvila, henta seg inn att, og "koma til seg sjølv".

Ålgård turstilag - lett på tur

23/07/2026

Trilletrening på Refnes

No er det klart! Gratis trilletrening på Refnes, Fjermestad, midt i den flottaste naturen, med utsikt heim for nokon, og med fuglesong fluesumming for alle. Har du lyst, har du lov, til å vera med å trilla ut steinstøv på stien. Dette kan leggjast inn som eit trengjande avbrekk på den vanlege runden rundt Øygardsvatnet, eller som eigen familieaktivitet, med t.d. parkering på den nye parkeringsplassen på Fjermestad.

Spade, trillebåre og rive ligg klar. Like nedføre haugen med steinstøv ligg stien også klar. Om lag 200 meter med sti (blå strek på kartet) skal no få eit lag med steinstøv på seg. Det skal betra kvaliteten på stien, og turopplevinga. Særleg når regntunge haustdagar fyller både veker og kanskje månader.

Tusen takk til Bjelland AS for steinstøv. Og takk til alle de som kjenner at dette har eg lyst til å vera med på. Og hugs; Ei trillebåre med 10 minutt styrketrening attåt er mykje meir og betre enn ingenting.

Ålgård turstilag - lett på tur

20/07/2026

Ny stiforbetring på Refnes

Snautt 50 meter med sti på Refnes, Fjermestad, vart nyleg gjort endå betre. Både drensrøyr, steinsett ytterkant av stien, oppbygging med steinstøv, og meir treflis nokre stader, har gjort susen. Forbetringa finn du like vest for den store steinen med skiltet "Yggaren" på. Dette er framleis snarvegen rundt Øygardsvatnet.

Kan henda det er no du skal prøva å setja ny pers rundt vatnet? Sjølv om heile arbeidet tok fleire timar og mange kaffikoppar, kan du nok ikkje rekna med at tida di vert meir enn 1-2 sekund raskare rundt vatnet. I tillegg er det truleg kun ved normalt blaut og delvis sorpete sti at det vert betre no. På den nyfiksa stien unngår du i alle fall sikksakk-hopping for å halda skoa reine.

Takk til Bjelland for steinstøv, og Sigmundsen Transport for treflis til stiane våre.

Ålgård turstilag - lett på tur

16/07/2026

Er det parkeringsplass på Auestad?

Jess. Har du tenkt å samla høgdemeter på kort tid, kan Fitjanuten vera eit godt mål med sine 476 moh. Dersom du vil starta turen på Auestad, er det viktig at du brukar den "nye" parkeringsplassen som vart laga til for godt 1,5 år sidan. Dvs. det er ikkje lov til å parkera ved grustaket, forbi kyllinghuset, slik som var vanleg for fleire år sidan.

Det har vore fleire døme på bilistar som ikkje har fått meg seg skiltinga i området. No skal ein vera seriøst svaksynt dersom ein ikkje ser det nye skiltet som har kome på plass. Tusen takk til Paul Moi for skiltmontering.

Og hugs: Hundar, sjølvsagt alltid i band, kan også gå i turstitrapper, så det er ingen grunn til å riva opp nettingen på sida.

Ålgård turstilag - lett på tur

13/07/2026

Ny tilrettelegging i Fiskebekkdalen

Høgt og langt oppi Fiskebekkdalen har det no blitt tilrettelagt for ferdsel for dei som treng hjulgåande hjelpemiddel på tur. Tusen takk til grunneigarane som opnar opp for dette, i eit aktivt beiteområdet. Dette vart bra!

Tusen takk også til Paul Moi og Kåre Taksdal, og Erling Gundersen, som har vore primus motorar på denne tilrettelegginga. Her er det både snekra ny port, lagt ned røyr i be**en, og bygd opp ny turveg oppå med stein, singel og steinstøv.

Tusen takk til Obs Bygg Ålgård for støtte til material, og til Bjelland AS for singel og steinstøv, og til Årstein Lima i Gjesdal Bygdeservice for god gravemaskinhjelp.

Liknande tilrettelegging vart gjort i Kodlidalen i vinter, så no er det muleg å ta heile runden rundt Vardafjell.

Merk: Området er ikkje eigna for syklar, og portane er låst for folk med virksame føter.

Ålgård turstilag - lett på tur

09/07/2026

Parkeringsplass på Fjermestad

Tusen takk til grunneigar og forpaktar for at Ålgård turstilag har fått laga til ein heilt ny parkeringsplass på Fjermestad. Og takk til Time kommune for økonomisk bidrag til dette prosjektet.

Mange som har gått rundt Øygardsvatnet har truleg lagt merke til at plassen som før vart brukt til rundballar, no er klar til bruk for turfolk som ønskjer å starta turen der. Staden er ypperleg dersom ein ønskjer ein kort tur rundt Refnes, på jamt over godt tilrettelagde stiar, med lite stigning.

Det er også laga fleire stiar som bind dette området saman med Røyseland og Ålgård. Ver i så fall spesielt merksam på at ein då må passera eit beiteområde for storfe. Vis hensyn til dyra, ta ein god omveg, eller velg ein av fleire alternative stiar mellom Refnes og Røyseland.

Parkeringsplassen er open i tidsrommet 08 til 22. Dvs. at dette er ikkje nokon overnattingsplass. Alle som brukar P-plassen skal også få lov til å vippsa 50 kr, med stor glede. Bautasteinen er levert av Skurve Maskin AS.

Ålgård turstilag - lett på tur

07/07/2026

Betre P-plass på veg til Sikvalandskula

I sist veke vart parkeringsplassen på veg til Sikvalandskula oppgradert. Eit par tonn med steinstøv var det som skulle til for å reparera overgangen mellom asfaltvegen og sjølve parkeringsplassen.

Tusen takk til Kåre Taksdal for arbeid med spade og rive, og tusen takk til Bjelland AS for gode massar til vedlikehald.

Parkeringsplassen finn du sør for Ålgård, ved Sikvalandsvegen, ca. 7 km frå E39. Og frå toppen av Sikvalandskula på 424 moh. har du utsikt til alle kantar.

Ålgård turstilag - lett på tur

01/07/2026

Tveit Tveit

Medan dei fleste seier tvi tvi, går det no mest på Tveit Tveit i Ålgård turstilag. Me har nyleg fått montert to heilt nye turstitrapper på stader som det ikkje har vore gjerdeklyvar før; Både på Grønsje, i svingen nedføre Nesebakken, og ved Hølgjaberget (Hulken), mellom Solbakkane og E39.

Tusen takk til Leif Tveit for arbeid på vestsida av åna (Figgjoelva), og til Sveinung Tveit og Sigmund Madland for arbeidet på austsida av åna.

Viktig: Ved Hølgjaberget er det sau, og på Grønsje kan det vera både sau og storfe. Har du med hund, skal han vera i band, heile tida.

Ålgård turstilag - lett på tur

Adresse

Per Spelemannsvei 3
Ålgård
4330

Telefon

+4748101430

Nettsted

http://www.atursti.no/

Varslinger

Vær den første som vet og la oss sende deg en e-post når Ålgård turstilag legger inn nyheter og kampanjer. Din e-postadresse vil ikke bli brukt til noe annet formål, og du kan når som helst melde deg av.

Kontakt Bedriften

Send en melding til Ålgård turstilag:

Vil du plassere din bedrift på toppen av Gym-listen i Ålgård?

Del

Type

Sport og fritid