05/06/2024
Seizoen 2023-2024 zit d'r op veur 't 8ste. Nao unne gooje start kôs 't druime van un kampioenschap beginne. Jaomergenôg kwaam daor nao unne slechte start in 2024 verandering in. De titel waas in maart dan auk volledig oet 't zich: nao 1 wins, 1 geliëkspel en 3 verleespartieje achterein waas de druim veurbeej. Tot paosmaondaag 1 april (genne grap) Meterik oet op 't programma stond. Op un niej sportpark met kunsgraasveld koste we ondanks de slechte weersumstandighede gewoën voetballe. Dit resulteerde in un 2-1 euverwinning en de start van un ongeslagen reeks van maar leefs 8 wedstrijden opriej, waormei we zelfs weer truuk kwaame in de titelstrijd door euverwinning taege konkurrente Venraoy, Blierick en Kroenenberg. Doordet GFC 't zellefde deej en auk bleef winne is 't noow wachte op 16 juni as GFC 't opneemt taege Kroenenberg. Natuurlijk zulle weej daor massaal beej zien en aansloetend 't seizoen gaon aafsloete met Nederland-Polen, Bbq en misschien waal un kampioenschap! 'T einde van 't seizoen beteikend auk det we ozze rechtsboete Wesley in 't zonnetje gaon zette. Met maar leefs 15 gaols en 12 assist waas Wesley dit seizoen un belangrijk waope veurin veur os. Weej zien dan ouk bliej det hae der volgend jaor weer beej is! De kommende tied zulle weej ouk ôzze nieje aanwinste aan och gaon veurstelle!
