IVO 5

26/05/2026

Dit niejs (en un exorbitante hoevuulheid aan geconsumeerde alcohol) meus ff unne daag bezinke, vandaor det we dit now pas wereldkundig maken.

In ozze zoektocht nao unne nieje trainer zien weej oetgekomme beej neemus minder Jos Vermeulen. Weej zooge de wonderen die Frank beej .velden verricht en dachtte: zoe iets wille weej ok. En ierlijk: wae kinse now beter veur de groep zette dan de persoen dae 't groetse gros van dees jong jongens 't g̶e̶s̶c̶h̶r̶a̶v̶e̶l̶ voetballe haet aangelierd. Jos geit 't tot de winterstop aankieke, waarschienlijk is hae dan zoewiezoe nimmer nuudig aangezeejn 't dan slecht weer wuurd, weej mietjes zien en dan nimmer wille traine. Dit beteikent auk det de 3 J's wer compleet zien: Jip Lommen, Jos Vermeulen en Jiel Boonen vormen volgend seizoen de staf. Verder zou 't fijn zien als Velde geit Vinyl neejt op unne woensdaag wuurd ingepland.

'T aspect van coachen in 't veld zal Jos euverigens neejt op zich nemen, dit geit Sem doon aangezeejn dae altied zaet "trek de bek maar aope".

Um dit niejs te viere haet Yannick Aerdts och allemaol oetgenuudigd um aankommende zaoterdaag op zien kosten unne bittergarnituur (p.p.) te komme aete beej de sport.

Owja, mochte speulers zich door de 5 jonge klaore taegegehalde veule um beej os te komme voetballe, dao kin euver onderhandeld weere

25/05/2026

23/05/2026

17/05/2026

Vanmorge de letste wedstrijd, taege Resia, auk wal bekind als FC Basic-Fit. Weej dachte det de Loi un dörp van niks waas, maar schienbaar hebbe ze dao toch un fitness, tattooshop, zonnestudio en Turkse kapper.

Dit waas auk de letste wedstrijd in IVO5 veur un aantal jonges, heej komme we later nog ff op truuk. Turbo kon in idder geval neejt wachte op Sem ziene last dance en stond dan auk un aor te vruug beej um veur de deur. Ondanks det neemus dr zin in had begos IVO beter, of eigenlijk minder slecht, dan verwach. Misschien had det auk te make met 't feit det dr op 't andere veld unne kampioenswedstrijd werd gespeuld en ozze taegestander dao mier aandacht veur had. Toch scoorde Resia de 1-0 en efkes later goof de scheids un goodkaupe pingel. Funs waas 't dr neejt mei ens en meus det bekaupe met un gele kaart. Deze kier keek Danny um neejt in de goal maar op de paol, ruststand 1-0 achter.

2e helft; Cobra Koen waas dr vandaag neejt beej maar Cobra 6 wal. Dae werd vlak achter de dug-out van Wellerloei aafgestaoke, 't waas un behuurlijke beuker. In alle chaos dae volgde en wissels die doorgevoerd werden, stond IVO inens efkes met 12 man op 't veld. Auk met unne man mier gaon weej gen potte braeke dus dan kinse maar beter de ier aan digzelf halde en wer met 11 gaon voetballe. Noadet Joey de 2-1 scoorde werd dr beslaote um os geheime wapen in te zetten um zoe nog un resultaat te behaole. Echter mocht de invalbeurt van vlaager Daan nimmer baten, eindstand 2-1. En nae, die 2 vingers staon neejt veur 2 goals maar veur 2 balcontacten.

Veur Sem, Stijn, Mauro en Bunayan waas 't eure letste wedstrijd. Laot in de comments ff weite wat og favoriete herinnering(en) aan eur is. Maar elk eind is un nieuw begin, dees jonges zullen in FC27 te packen zien als Icons. Auk de 3 J's (Jeroen, Jens, Jason) zullen volgend seizoen nimmer aan os verbonden zien. Manne bedankt! 🫡 Weej zien druk bezig met de vervanging van de palingsound en invulling van de staf veur volgend seizoen, unne nieuwe J dr beej zou natuurlijk moei zien, maar daoreuver binnenkort mier 👀

Volgend weekend ierst maar ens Maastricht onveilig make, toch...?

19/04/2026

IVO5 wast varkantje en wint slijtageslaag van

Vanmorge de wedstrijd taege Wittenhorst, die onterecht baove os stonde. Maar good, we speulde dus op echt graas. Det zien weej neejt gewend. Roy goof nog un pleidooi euver det weej op echt graas nog gen resultaat hebbe geboekt. Ach vandaag taege Wittenhorst wiste we al det dao verandering in zou komme.

18 man op aanwezig, dan veule weej ruumte um geblesseerd te rake, en zoe ging 't. Ajay, dae de assist veur de 1-0 op Sven goof, meus dr nao 20 minuten geblesseerd aaf. Efkes later ging auk Turbo nao de kant, gelukkig stond Jip M langs de kant al klaor um ziene basisplaats als controlerende middenvelder definitief op te eisen, en det is 'm gelukt met zien solide performance. Jip gefeliciteerd van Turbo. Oeteindelijk werd de ierste helft aafgesloate met un 2-1 veursprong door un goal van Joey. Euverigens gebeurde dit nao 54 minuten en neejt nao 45, gen idee of de scheids weit det de 5 nao de 4 mot komme en neejt andersum. Wat de ierste helft veural good ging waas 't coache/praote op 't veld. Veural door Roy, dae had zien taegestander namelijk aardig oet de wedstrijd (en op de kast) gepraot.

In taegestelling tot wat Wittenhorst beweert hebbe weej in de rust gen onderonsje met de scheidsrechter gehad . Waas det wal zoe gewaes dan waas Wittenhorst vast jaloers gewaes aangezeejn det mier actie gewaes zou zien dan det zeej oeit zulle meimake.

Twiede helft, Wittenhorst beweerde det ze un sterker veur de daag kwame, maar dao hebbe weej weinig van gemerkt. Euver dae penalty dae geej nog wilt hebben, kom ma nao 't Oeteindelijk scoorde Wittenhorst nog twie goals, ein eige goal dae keurig werd opgeëist door Joey en ein goal achter Danny. Kinse telle? Zoe jao dan hadse now geconcludeerd det 't 3-2 veur os is gewaore.

Bericht aan de grensrechter van Wittenhorst: 't waas zichtbaar desse 't moeilijk hads met de eindoetslaag, haopelijk kumpse nao un nieuw dansje met Judy Hopps wer wat tot rust.

Verder is Kylian getransferreerd nao de selectie als mascotte. En 't gerucht geit det Kielejong-Un best unne dictator is in de organisatie van 't teamweekend

15/03/2026

Tegenwoordig zien weej nimmer zoe van de wedstrijdverslage, maar nao alles wat euver os haet geschreve op eur socials, veule weej os toch genoodzaakt um te reageren.

Wedstrijd taege de nummer letste dus, det vraogt um unne goije veurbereiding en daorum wou vervangend trainer Louis van Giel aka De Schandelse Tulp idderein um 09:20 in 't lokaal hebben. Volgesmig is det neemus gelukt. Via via vernome weej det de taegestander auk un bijzondere veurbereiding had, die zoote um 09:15 namelijk al aan 't beer. Begriepelijk, alse in Tegelen woens dan hesse 's morges wal wat sterkers nuudig as koffie.

In de ierste helft kwaam IVO ierst met 1-0 achter. Gen paniek, sinds de remontada taege Blierick (2-0 achter, 2-6 winst) is IVO unne echte comeback-ploog. Jip M schoot met zien sjoklaade-bein de 1-1 binnen. Veur rust werden dr nog un aantal kanse door IVO gemist en de ruststand waas dan auk 1-1. Nao wat tactische umzettingen van Giel en assistent Jip Junior, dae volges Giel vleisgewaore beer waas, begos IVO aan de 2e helft. Gelukkig kon Junior lachen um Giel zien grapje, maar eigenlijk kinne dit soort oetspraoke neejt door de beugel, snapse 'm Junior? In de 2e scoorde IVO door goals van Vitalii (gen familie van Bruce-Lee) en Bunayan (gen familie van Kiele-Jan). Leuk waas nog det de keeper van Irene un koprol euver de bal maakte. Tenslotte kreeg Yannick Haps in de letste 8 minuten nog un gele kaart, dit beteikent det hae de ierste 2 minuten van de intercontinentale playoff met Suriname taege Bolivia mot missen.

Efkes truuk nao de oetsprake van Irene, die beweren namelijk det weej un boere zien en det Velde un boeregaat is. Wae haet dr un vastelaovesvereiniging genaamd De Boereraod? Um op utzelfde niveau as Irene te komme hebbe weej ok ff motte opzeuke wat Tegelen now precies is. Google gaof ut volgende aan: Over tegelen: Het is mogelijk om direct over oude tegels heen te tegelen, wat een snelle renovatie mogelijk maakt. Fijn det we det dan ok gedaon hebbe vanmorgen. Weej as boere zien dan ok gaod in ut umplooge van alde grond.

Maar good, 3 punte in de tes, of zoeals zou zegge "Easy, in 't broekzakje" Groetjes van de 'boere' 🚜🚜🚜

14/12/2025

Un wedstrijdverslaag? Hadden die jongen nog gen winterstop? Nope, en auk volgende waek steit dr nog unne wedstrijd op 't programma. Beej deze wille we os dan auk verontschuldigen tegeneuver Café de Sport aangezeejn weej veurige waek dus eigenlijk illegaal aanwezig waare op de winterstop party. Volgend jaor misschien toch maar unne bouncer beej de deur neerzette.

Vandaag dus de wedstrijd taege de nummer 2 Venray. Basisspeuler Lars Willemsen waas vertraagd umdet beej um in de straot eemus alle ventieldopjes van de fietsen had gedreijd, "wat unne kwibus", aldus Lars Willemsen. Dit beteikende det Sem als spits de ierste 10 minuten oorlog mocht maken in de Venrayse zestien. Gen idee of we in de ierste 10 min daadwerkelijk in eur zestien zien gewaes. Unne andere verrassing in de opstelling waas det Jip M, vanwaege zien snelheid, op rechtsboete begos. Desse un groete kop hes beteikent neejt direct desse snel bis zulle we maar zegge.

Halverwaege de ierste helft scoorde Venray de 1-0. Iets later maakte IVO geliek door un Temu Olimpico (de keeper bokste de bal in zien eige goal) van Turbo. 1-1 waas dan auk de ruststand. In 't lokaal zei Noel det hae trots op os waas, toen wilde dr al un paar jongen gaon douchen aangezeejn det veur os wal 't maximaal haalbare is.

In de ierste helft kwaam IVO dr nog wal un paar kier oet via de counter, dit zoot dr de twiede helft nimmer in. Venray had veur 't euvergroete deil de bal en IVO waas allein maar aan 't verdeidigen en oettrappen aan 't nemen. Oeteindelijk kwaam Venray op 2-1 en, door unne geweldige steekpass van Yannick Haps, auk nog op 3-1, det waas auk de eindstand. Leuk um nao de wedstrijd nog van de taegestander te huure det weej vuul te lieg staon, mjaaa geej hebt os neejt zeejm schravele taege Wittenhorst en VVV'03...

Einde wedstrijdverslaag, fijne winterstop gewinst! Ohnee toch niet...

07/12/2025

Gen wedstrijdverslaag, wal ozze Spotify Wrapped van 2025 🕺🕺🕺

23/11/2025

Steisse dan...

Nog noeit zoe zenuwachtig gewaes veur de wedstrijd, geit 't door of kumpt 't verlossende appje toch nog? Det letste waas 't geval, al waas det veur sommige wal wat te laat... Auk willen weej via deze waeg communiceren det 't 21 km renne en daornao 6 shoarmarollen aete neejt door geit...