Boekoel 3

03/05/2026

03/05/2026

Wedsjriedversjlaag
Sint Joost 2 - Boekoel 3
26 april 2026

D-DAY!
De daag det ut kin gebeuren, winst veur Boekoel beteikend KAMPIOEN! Det zou un topprestatie zin veur die aaj kneuk 9 jaor noa ut veurige kampioensjap!

Mit un stralende zon aan de hemel en un good gevulde bank, wearde aafgereisd richting Sint Joost. Dao hadde veur ut in de thoeswedsjtried oug al lestig teage (3-2 winst), al woor det toen ongeveer ut ganse 1e elftal det opgesteld stong.
Noa beraad van de technische sjtaf, is d’r un opstelling op papier gezat. Heel tactisch plan oetgedokterd.
Gezonde sjpanning bie de men en langs ut veld. Supporters vanoet Boekoel en omstjtreeke zin in grote getale aafgereisd om de men te komme aanmoedigen, woveur ozze grote dank!

De eerste aanvallen zin van Boekoel, mit un sjot van Eavers det ruum langs geit. Den sjot van Joepie geblokt. Sjot van Drieko euver ut vangnet. Hele goeie actie van Thomas, mer sjot Jay weard geblokt.
Bal bie George, dea trekt noa binnen vanoet links en sjuut; 0-1!!! Euver de keeper hean in de lange hook!! Noa net 5 minuten spelen! Beauty!!
Bal zomaar bie Strijbos, dea zuut de keeper oet de goal en sjuut, net euver! Det haaje we 3 jaor motte heure, sjot van 40 meater.. jaomer!
Wissel Kaizer en Skippy veur Drieko en Joepie.
Den de bal bie de aanvaller van St Joost, dea maak zich vriej en sjuut, mer Deckers mit goeie redding!!
Jay mit actie speelt alles oet, mer de keeper mit un ultieme redding.. boh kans!
Den weard George volle bak ongeroet gekickt, mer gein keartje.
Jay weard nao un actie veur de 16 meater neergehoald, vrieje trap Boekoel. Thomas geit doaveur aanligge; 0-2!!! net veur rust de bal in de kruutsing!!
Aanval van Sint Joost, Mitch mit handsbal, vrieje trap net boete de 16 meatee. Kaizer hands op de lien; Geal en pingel. Dea geit dr in; 1-2 net veur rust. Alsnog spannend, want inkel winst is genog veur kampioensjap vandaag (als EVV oug zou winnen, en det gebeurde (4-0)).

Rust. Wissel. Marco voor Jay, Bakkie voor Palf, Abel veur Eavers, Luuk veur Strijbos.
Eerste actie van Marco, dea guf un rollertje langs de goal.
Skippy mit un actie en flying kick en geblesseerd.. Joepie weer dr in. Skippy de knie op sjlot, gelukkig haaj Cindy de juuste sleutel!
Pollie weggestuurd mer speelt de bal oet. Kopbal van Sint Joost geit langs.
Joepie blessure, Strijbos dr in. Goeie kans veur Marco, mer dea sjuut wild langs helaas. Sjot van Luuk geit net langs. Marco weer weggestuurd, veurzit, mer Strijbos mist net mit de kop.
Den marco neergehaold, pingel!! Mer Drieko kinneet mit de druk omgoan en mist. Ongeluifelijk! Redding keeper.
Pollie wisselt nog veur George. George mit sjot in ut ziejnet. Jay nog dr in veur Strijbos. Marco sjot mer net veurlangs.

Den fluit de sjeids veur de letste keer! KAMPIOEEENUHHH!!!

27/04/2026

Daag 2! Kampioooooenuhhhh 🥳🥳🥳🍻🍻🍻

26/04/2026

KAMPIOEEENUHHHH!!

26/04/2026

0-2!!!! Net veur rust!!

24/04/2026

De wedsjtried van kommende zonjig is qua tiedsjtip aangepast en weard gespeeld om 10:00 oer (woor 11:30u) in St. Joost. Doe k**s toch oug Boekoel 3 aanmoedigen? Bie winst van Boekoel is ut kampioensjap un feit.. Veur kinne dus alle support gebroeke!!

20/04/2026

Wedsjtriedversjlaag
Boekoel 3 - Rios 2
19 april 2026

Nummer 2 Rios vandaag op bezeuk oppe Hoenderberg. Uiterst belangrieke pot en mit winst is ut kampioensjap binnen handbereik.
Unne houp aanwezigen vandaag, dus un fors benkske. Joepie en Bakkie vriejwillig aafwezig, chapeau! Oug Rios mit 6 wissel aan de aaftrap. Die wille heur allerletste kans benutten en Boekoel van de 3 punten aafhaaje.

Aaja tieje herleave, witte DES shirts aan veur Boekoel vandaag. Nao heel get gepuzzel van de technische sjtaf, wearde un sterke basiselftal op papier gezat. Mit Strijbos aan de ziekantj en Leon mit de fluit (dea had zich in de kantine al 2 frikandellen veur de rust besteld, aardig katertje), begos deze strijd der titanen. Oh joa, de ruiverse delegatie woor nog zaat.

Achterin geit ut den bie Palf neet gans good en dea guf ut eerste foute paasje, Rios geveerlijk, mer Deckers mit un goeie redding. Corner is oug un prooi veur Deckers.
Kaizer is noa un minuut of 10 al 3x neergehoald, det vingt d’r zeker leuk. Eine keer is net boete de 16. Vlieg fluit veur pingel, mer lik um doanoa toch dr boete. De vrieje trap weard echter niex. Veurzit van George, Pollie mit de kop mer dea geit net mis.
Goeie aanval van Jay, bal bie Pollie, mer dea mist um nogmaals helaas. Weer Jay mit un hele goeie actie, mer oug zien sjot geit net langs.
Timmie stuurt George weg mit unne hele sjerpe paas, mer de keeper van Rios kump 30 meater oet de goa en trapt George neer. Rood veur Rios, good besloet van Lei. Wat un domme domme euvertreajing, erpelezak.. speler in de goal en Rios mit 10 man verder noa nog gein 20 minuten spelen..
Luuk mit un sjot op de lat en Pollie mit de rebound maar dea geit recht op de keeper en Kaizer mit kopballetje langs. Dieke kans veur Boekoel. Weer Jay mit un hele goeie actie, noa verbereidend werk van Kaizer, mer oug dea is un prooi veur de keeper, net als de corner dea doanoa kump.
Wissel Drieko en Levi veur Luuk en Pollie. Den vrieje trap Rios richting 2e paol en zomaar binnengekupt, 0-1 veur Rios noa un klein half uurke. Teage de verhouding in en redelijk onverwacht..
Wissel Mitch veur Abel.
Sjot van Bear mit stuiter, lestig veur de keeper, mer weard neet ingeloupe, dus de bal is un prooi veur de keeper. Sjot van Jay wederom gekeerd door de keeper. Bear den un paar keer sterk achterin. Veurzit George, noa goeie paas van Timmie, mer oug dea weard weggewerkt. Corner belandj baovenop de goal, des un gelukje veur Rios. Counter onsjadelijk gemaakt door Bear en Timmie. Corner Rios, weggekupt door Drieko. Volgende corner weggewerkt en un kans veur Boekoel weard neet benut. Toch weer de bal sjnel bie Levi, dea perfect veurzit en Jay rond beheerst aaf! 1-1 noa 35 minuten spelen. Ut is weer geliek!
Goeie actie van Jay, paar man veurbiej, mer zien sjot get net langs. Corner Rios, weard niex. Den actie via links, George en Mitch, veurzit George en sjot op Jay, maar zoals de meiste wederom gered door de keeper.

Rust. Wissels Skippy veur George, Marco veur Jay.
Boekoel ruukt blood en wilt die 2-1 doordrukken.
Sjot van Drieko geit net langs. Weer goeie aanval Boekoel, mer Marco krieg um dr neet in. Kaizer strakke paas op Marco, mer net te sjerp en Marco zien sjot geit veurlangs. Actie en sjot van Levi, mer det weard geblokt.
Wissels Strijbos en Thomas veur Palf en Levi.
Veurzit van Drieko is good, Kaizer bie 2e paol mit de kop, mer dea en weard gemist! Dieke kans! Den weer un kans veur Boekoel, det sjot get net langs. Strijbos neergehoald, spartelt wie unne karper op ut dreuge.. heat d’r zien bein aaf? Ut velt gelukkig mit, Feas zien wonderwater (heat d’r in gepist) duit weer wonjere. De vrieje trap geit achter.
Diels kump d’r den nog in veur Kaizer.
Thomas, dea nog sjteeds zaat liek, geit weer dr oet veur Luuk. Toch proberen om iets te forceren..
Leon fluit veur un euvertreajing. Vrieje trap op de randj van de 16; GOALLLLLL!!!! Drieko krult um achter de keeper en maakt de 2-1! 5 minuten veur tied kump Boekoel alnog op veursprong!
Wissel nog biej Boekoel, Robbie veur Abdel, enige tiedrekkings..

Den is ut gedoan en fluit Leon aaf! Weer 3 punten veur Boekoel en Rios oetgesjakeld! Oug EVV verluus van SNA en Linne speelt geliek teage Herten. Super goeie oetsjlaage veur Boekoel dus!!

Volgende weak noa Sint Joost, wo om 10 oer gespeeld weard. Omdet EVV verloare heat en Linne geliek heat gespeeld vandaa, is winst in Sint Joost voldoende om kampioen te weare! Zelfs bie un geliekspel en puntverlees van EVV is un kampioensjap meugelijk..
Dus oproop aan al os trouwe supporters; kom volgende weak Boekoel aanmoedigen en laote we ut kampioensjap pakken!!!

12/04/2026

Helaas de wedsjtried van vandaag, oet teage Sint Joost, is aafgelas op verzoek van de teagesjtenger vanweage un sjterfgeval. Vandaag dus gein voetbal veur Boekoel 3..

08/04/2026

Wedsjtriedversjlaag
Boekoel 3 - Oranje-Blauw 2
6 april 2026

Vandaag is Oranje-Blauw te gast oppe Hoenderberg. Un team det noa de winterstop hele goeie resultaten heat geboekt, mit veurige weak zelfs un euverwinning op concurrent Linne. Mer tevens diek gewonnen van EMS en Conventus en mer nipt verloare van EVV en SNA. Zeker un team om neet te ongersjatte. Sowieso omdet ze eigenlijk de men neet biejein kreege vandaag en ze euveral gesprokkeld hubbe, witse nooit watse aantrefs.
Biej Boekoel un top opkomst en det maakt oug det dr un sterke opstelling gemaak is door de technische staf.
Sjuul weer mit de fluit vandaag en Joepie de eerste helft aan de vlag.

De eerste grote kans is veur Boekoel. Marco krieg un goeie kans, mer dea geit dr helaas neet in.
Bietje euver en weer aanvallen, mer neet echt gevaor vanoet beide teams ut eerste kwarteer.
Marco weer weggestuurd, de keeper oet de goal, mer net veurlangs gesjoate. De keeper kump sowieso heel veul en ver oet en maakt zo veul aanvallen onsjadelijk.
Volgende kans via George bie Marco, mer dea sjuut euver.
Den George weer weggestuurd, dea geit ziene man good veurbiej, mer zien sjot weard geblokt. Rebound get dr helaas oug neet in.
Bal vanoet achteroet door de hele verdediging hean en kump zomaar bie Levi, mer dea krieg um oug neet veurbiej de keeper.
Veurzit van Boekoel en de verdediger van Oranje Blauw sjtampt zichzelf teage de kop aan mit de bal (oug zeer knap), leidt toet unne corner. Helaas weard det niex.
Kans via George, mer weer redding van de keeper en rebound van de lien gered door unne verdediger. Man wat un kansen veur Boekoel, mer hea wilt dr neet in..
Den weard Levi in de 16 meater in de ruk geduujd door de keeper, pingel! Zjwaor protest van de teagesjtenger, mer Sjuul is standvastig. 1-0 via Drieko!
Den verkiekt Deckers zich volledig op de eerste aanval en sjuut de bal oet zien henj, mer hea hersteld op ut allerletste moment, mit un katachtige reflex.
Weer un kans veur Boekoel, mer sjot van Thomas vluugt hoog euver.
Nogmaals un good sjot van Thomas, mer weer un goeie redding van de keeper. Dea hilt Oranje Blauw echt waal euvereind. Corner weard niex.

Rust en un deil wissels bie Boekoel.
Noa de rust is Oranje-Blauw un stuk sterker den Boekoel en krieg get kenskes op de geliekmaker.
Den Oranje-Blauw mit unne vrieje trap, redding Deckers, mer neet weggewerkt, via verdediger van Boekoel geit d’r alsnog in de goal 1-1.
Wederom un kans van Oranje-Blauw, mer deze keer un goeie redding van Deckers.
Boekoel krieg den un goeie kans via Pollie, noa heel get tikkie takka, mer dea geit oug mis.
Nog inkele wissels bie Boekoel. Kin dr get geforceerd weare?
Den un actie via Kaizer, dea bedeend Joepie aan de ziekantj, Joepie zit perfect veur op Strijbos en dea maakt 2-1!! Mit nog un kwarteer te goan Boekoel weer aan de leiding!

Oranje-Blauw probeert den nog de geliekmaker te forceren, mer slaagt doa neet in. Mede door good verdedigen en fel blieve door ut gans team.
De 2-1 veursprong weard mit man en macht verdedigd en mit succes! Winst!!

D’r is nao de wedsjtried beheurlijk get vitamine D getankt op ut terras, mer des neet ut enige wat getankt wearde!
Volgende weak oet noa Sint Joost. Oug dao motte weer 3 punten gehoald weare!!

05/04/2026

De wedsjtried van morgen (2e paosdaag) geit door! Morgevreug weard d’r dus gespeeld oppe Hoenderberg! Bun d’r biej! 💪🏻⚽️☀️🍻

03/04/2026

Fertig für Après-ski?

Doot uch de Lederhosen, Dirndl of (Après)skipak aan en kom preuve aan òs shotjesbar!

Der zin nog mer 11 kaarten besjikbaar, doe geis t toch neet misse?

https://shop.weeztix.com/afe5f1c2-4473-4b2e-965a-cf5d76cdffe1