01/10/2017
Ferslach wedstriiden dames 2 op 29 september.
Jimme hawwe it ferslach fan de wedstriiden fan dames2 noch tegoede.
Wy misten in oantal spilers: Aligonda wie raar knoffele en Lize koe net. Geartsje koe mar twa wedstriiden spylje want sy moast noch folleybalje en Anne hie oproptsjint. Toch gongen Geartsje en Anne mei, mar wy hienen al twa fruolju fan dames 1 mei te witten: Sanne Rixt en Janieke.
Opstelling: Anne, Jacomien Heeres (debuut!), Petra, Rajsa, Sietske, Geartsje, Marjo, Anneke en dus Sanne Rixt en Janieke.
Doe’t wy yn Alde Marrum kamen kriigen wy te hearen dat de dames fan Harns en Boalsert ôfsein hienen. Tige spitich, want je komme om 4 wedstriiden te spyljen. Mar oan de oare kant, dizze twa “thús”wedstriiden hienen wy dus al wûn!
Omdat we mar 2 wedstriiden spylen, frege de dames fan NOK as wy dan 30 minuten spylje woenen; koenen we dochs wat langer baljen!
Hawar, we begongen mar rap oan de wedstriiden want it waard gau tsjuster: d’r hong in aardige bui! En ja, wy wienen noch mar krekt dwaande as dêr gong it hinne. It spielde! Mar it reinde noch gjin goals. Wy koenen de nul wol efkes beet hâlde. Dochs kaam NOK nei in skofke op in 2-0 foarsprong. Nei wer in poging fan NOK trape de keepster de bal rap út. Hy kaam moai foaryn by Marjo en die koe doe hiel kreas skore! De oanslúter! Wy kamen efkes yn in flow, want net lang dernei skeat Rajsa fan ôfstân beheerst yn it netsje: 2-2! NOK skoorde doe wer: 3-2. Mar ek dat koenen se net lang folhâlde want Sietske, dy’t wol licht bleseare wie, skeat de bal prachtich efter de keepster fan NOK. 3-3. Tja en doe waard it by ús al wat minder: we wienen dweil troch wiet en die 30 minuten wienen miskien foar ús dochs krekt te lang. Mei in pear útbraken fan de kant fan NOK, dy’t twa kear skoorden tusken de fuoten troch fan de keepster, rûnen se al gau út. De einstân wie dan ek 7-3.
Doe hawwe we efkes in koarte teepauze hân, sadat we in bytsje opdroegje koenen. Doe’t we wer begjinne soenen, wie d’r wat ûnwaar, sadat we noch mar efkes wachten.
Om healwei 9 begongen we de wedstriid tsjin Oldeboorn. It gong earst moai gelyk op, mar wy wienen dochs in fraksje better en skerper as de fruolju fan Oldeboorn. Troch Sanne har rappe rinwurk koe se de bal moai foar krije en koe Jacomien har earste doelpunt meitsje yn har karriere!!! Wat in debuut meitsje je dan! No folhâlde en trochsette! En dat slagge: Janieke prebeare it in kear fan ôfstân en fia de peal en in tsjinstander gong de bal d’r yn! Oan it ein fan de wedstriid kaam Sietske wer fris yn it fjild en koe ek sy noch in moai ôfstânskot pleatse, dy’t prachtich efter de keepster ferdwoun! En dat wie ek de einstân: 0-3. Al mei al hawwe we in moaie jûn hân, wêrby Geartsje beide wedstriiden spylje koe en in pear kear hast skoort hie, Sanne mei har rappe draafwurk sterk wie oan de side en ek in pear kear in goed skot hie, die mar krekt neist gong. Janieke hold de boel efteryn mei of Petra of Anne goed yn de gaten, Jacomien dus har debuut makke mei in goal, Rajsa goed wurk ferjochte foaryn en dus ek skoort hat en Marjo gefaarlik wie oan de linkerkant en inkele tsjinstanders goed bezich holden hat! Sietske hat ûndanks har blessure wer degelik fuotballe en dus skoort en Anneke dy’t wol wat op gang komme moast, mar yn de lêste wedstriid de 0 holden hat!!! Wy steane wer wat steviger op it twadde plak!!
Else woansdei hawwe we trainen fan19:30-20:30 ûnder lieding fan Paul Walstra, ús altiid optimystike coach! Elsenien is wolkom om it in kear te prebearjen!
