Sc Veenwouden 4

04/05/2026

it Fjirde pakt fertsjinstlik punt in 'lyts mokum'.
Wedstriidferslach fan oanfierder Peewee Walsweer:

VV Anjum 2 - SC Veenwouden 4 1-1

Afgelopen zaterdag speelden onze helden van weleer in Anjum tegen het tweede elftal van deze vierde klasser.

De tegenstander is ons goed bekend, het gezin van de zus van SCV4 reporter Pip is er al jarenlang woonachtig en daarom had Pip zelfs plannen om eventjes mee te doen. Helaas werkte de trainer van Anjum 1 niet mee. Pip wou graag even voetballen tegen zijn oomzegger uit Anjum maar de trainer van hun eerste elftal heeft dat verboden. Ook maar goed, want er was ook wat te weinig tijd om een medisch team op de been te brengen om Pip weer op te lappen, nadat hij een minuut of 15 achter de jonge neef had aangehold. Zo bleef hij de hele middag op de bank zitten.

Dan de wedstrijd… Anjum begon goed en SCV had zichtbaar moeite met de soms wel erg beweeglijke en jonge spelertjes van Anjum. In kilo’s wisten we de strijd gemakkelijk te winnen, volgens mij wisten de spelers van SCV de plaatselijke slager Menno Hoekstra dan ook beter te vinden dan de tegenstander. In het eerste kwartier was het wanorde op het hele veld en wist Anjum op voorsprong te komen toen een hoekschop pardoes achter de uitstekend keepende Riemer in het net viel. Hierna rechtte SCV de rug en werden de achterhoede en het middenveld op ervaring perfect op hun plaats gezet. Anjum probeerde van alles, SCV gaf geen krimp meer en wist langzaam maar zeker soms even uit hun schulp te kruipen. Na wat speldenprikjes wist SCV zelfs na een half uurtje op gelijke hoogte te komen. Door middel van een prachtige aanval met mooie combinaties wist het de in Hilversum woonachtige dikke Murd vrij te spelen, die dankbaar de bal in het net deponeerde. Anjum was zichtbaar aangeslagen en SCV wist zodoende met deze stand de rust te bereiken.

Na de thee kwamen er een aantal wissels in het veld en wou SCV hiermee de slag in hun voordeel beslechten. In de eerste minuut wist het ook een prachtige aanval op de mat te leggen en kreeg Erwin een niet te missen kans. Hij had echter geen rekening gehouden met de onkunde van een Anjummer verdediger, die struikelde over zijn eigen benen en pardoes hard ten val kwam in de baan van het schot van Erwin. Via de verdediger kwam de bal omhoog en viel over het doel waardoor SCV niet op voorsprong kwam. Er ontspon een felle strijd en door de hitte was het een ware veldslag. Over en weer werd geprobeerd een doelpunt te maken, maar aan de ene kant wist Anjum het doel schoon te houden en aan de andere kant wisten de SCV mannen ook van geen opgeven. Daarom eindigde deze sportieve strijd in een 1-1 gelijkspel en daarmee waren beide teams dan ook tevreden.

SCV nam daarna samen met enkele Anjummers beslag op het terras van klein Mokum en werd het nog laat en gezellig alvorens we richting Feanwâlden vertrokken. Weer een mooie middag gehad, op naar de volgende!

02/05/2026

Der is dit wykejn net soad baljen yn Fryslân, mar de stikkene stuollen fan 't Fjirde komme wol yn aksje!

Sûnt novimber wisten we giin wedstriid mear te winnen, de tsjinstanner wie doe ... Anjum 2.
Wy kenne jim stipe goed brûke!

06/04/2026

It sin wie aardich fleurich by de âld núten fan it fjirde. Foar it earst dit jier waard der wer in punt pakt. Hoe dat ta stân kaam, lêse jo wer ynt geweldige ferhaal fan Jehannes Reitsma, ferline wike de absolute útblinker tydens de Bingojûn, no skittert hy wer mei dit bjusterbaarlik lêzenswurdige wedstriidferslach!

SCV 4 - Blue Boys 3

Hy koe de lêste tiid mar min yn ‘e sliep komme, Geart S. Hoef***e sûkerbôlen at er nachts ek
besocht te tellen, Klaas Faak liet hieltyd langer op him wachtsje. Sûnt novimber noch gjin punt
helle, en een seleksje dy't op sneontemiddei leaver mei de frou te winkeljen giet as op in
fuotbalfjild omhobbelet. Ja, soks giet men net yn ‘e kâlde klean sitten, al is it jo miskien net oan
te sjen.

De nacht fan freed op sneon hie Geert - sa waard sein - hielendal net sliept; it duorre
oant de iere moarn foardat er de popkes yn syn holle einlings op it goeie plak hie.
Lokkigernôch hiene de measte froulju alles yn hûs en wjirre it waar ek wat mei ôfrûne sneon,
dat Geert koe foar it earst dit jier oer in 'foltallige’ seleksje beskikke. Fjouwer wiksels mar leafst!
Tsjinstanner Blue Boys hie mar ien, dat dy slach wie al foar ús.
Wy begonnen yn de sterkste opstelling, mar spitigernôch diene de Blauwe Jonkjes dat ek.

Wy wiene aardich oan inoar weage. Nei in ôftaastend skaakspultsje yn it begjin krigen wy de earste
om ‘e earen. Balferlies, in foarset en it skot wie Jacob te machtich, 0-1. Geert flokte in kear (net
ien dy't it hearde), mar it die al fertuten: yniens begon de Feanwâldster oanfalsmasine te
draaien en dat smiet trije goals op. Wytze lei keurich ôf op Eddie, dy't 'm deryn tikke, 1-1.
Dêrnei gie Eddie oer de knibbel by de keeper (‘Hy socht my op’ wie it ferwear fan dy lêste) en
prima skiedsrjochter Johannes wiisde nei de stip. Leo de J. koe wol om ‘e keeper hinne: 2-1.
Justjes letter knikte Wytze in knappe foarset fan Eddie tsjin de touwen.
3-1! Wat in rykdom! Der begonnen fersichtich wêr wat ljochtsjes te baarnen yn de troch grutte
wallen omkringe eagen fan de Grutte Lieder. Soe it dan hjoed?

Eefkes letter wie it sin alwer aardich minder. In Blue Boy skeat in bal fan in meter as 25 fia de
latte - hiel aardich, dat moat sein - achter ús Jacob. En in skoftsje letter kaam de bal yn ús
sechstien foar de fuotten fan de ferkearde: 3-3. En doe wie it tiid foar it skoft.
Gelokkich mar, want Geert hie in aardige tongerpreek yn gedachten. (Dy hie der nachts fan
tefoaren wol in stik as tsien kear yn syn holle ôfspile). Mar, krekt op it stuit dat er syn kiel
skrabbe om syn mannen mei in adembenimmend motivaasjepraatje op it goeie paad te krijen,
die Nollie wat oars adembenimmends. Hy liet in warskôgingsinjaal ôfgean, en fuort dêrnei
stowde it grutste part fan it team nei bûten, yn in flaach fan oerlibbingsdrang. In pear mannen
bleanen sitten - dy wiene fêst ferkâlden - mar ek dy hiene gjin oandacht mear foar Geert syn
wize wurden.

Sadwaande waarden wy der net better op yn de twadde helte. De farsk ynfallen Feike Anne
(PW jr.) die wat er koe, en dat die er prima, mar ek hy koe net foarkomme dat wy achterút
moasten. Wy gokten wat op in lange bal, en sa no en dan kamen wy der gefaarlik út, mar dêr
waard neat mei dien. It wie te tankjen oan keeper Jacob, ferskate spilers fan ús dy't hjir en dêr
in skonk foar stutsen en it noadige gelok dat wy ‘t op 3-3 holden.

Twa punten ferlern, of ien won? Wa sil it sizze? Yn elts gefal it earste punt sûnt novimber. Mar
dochs bleaun Geert wat achter mei in in dûbeld gefoel. Wat at Nollie no net…? Mar goed,
fierders wie de stimming tige bêst nei ôfrin. En Nollie? Dy hie yn elts gefal gjin pinebúk mear!

30/03/2026

It wie wer âlderwetsk fol yn us kantine saterdei. Mei twa mooie derby's en in bjusterbaarlike Bingojûn waarden it wer trije gesellige helten op Sportpark de Kemphaan.
Ferslach dit kear fan KSdV:

SCV 4- VV Noardburgum 2 0-1

Ôfrûne saterdei spilen de feteranen fan it Fjirde de streekderby tsjin VV Noordbergum 2 foar in nije edysje fan 'de Slach om de Swette'.
Foar kloften folk lâns de line, wer wis de helte fanút de súdkant fan dizze Swette kaam, waard it bal snel iepene. Nei ien minuut wie in skot fanôf 'râne 16' keeper Jacob te machtich.

Wa tocht dat dit it startschot wêze soe foar in doelpuntenfeest, dy hie it mis;
De mannen fan Burgerheide, noch folop mei draaiend om it kampioenskip, kenne f***e better en wy wienen simpelwei net by machte om better te kennen. Derfoar ûntbruts it ús dizze saterdei oan daadkracht, kwaliteit en tûkens op de júste momenten, gearfetsjend neame wy dat yne volksmond onkunde. Dochs mochten wy oan it ein ta hoopje op in resultaat. Freon en fijân wie it der oer iens dat dat mar oan ien man te tankjen wie en dat wie fansels keeper Jacob. Wat de mannen fan de Ulkelannen ek besochten, Jacob pakte alles. Fan ús kant wie oan ynset gjin gebrek, elts fuotballe nei syn eigen kinnen en eints te let hienen wy yn de gaten dat troch Jacob syn keunst- en fleanwurk wy yn'e wedstriid bleaunen. Doe de ûnopfallend en dus prima leidende Johannes Iedema foar it ein floot, wie der sawier opluchting te hearren oan de kant fan Noardburgum. Min spielje en dochs winne, sa wurde je kampioen. Dér witte wy sûnt foarich jier alles fan. Oan beide kanten bliide kopkes nei ôfrin, want de oerwinning foar VV Noordbergum wie ferstjinne en dat besef wie der by ús ek wol. Us flaggeskip wûn op it oare fjild fan VVT en dat makke ús ek wol wer bliid.

It hichtepunt fan de dei moest doe noch losbarstte, want ús teammaat Honke, ek wol bekend as Jehannes Reitsma, fersoarge mei syn band Fegebart in fantastyske tredde helte. Yn (eindelyk wer ris) in tsjokfol keakelgat spile Fegebart de pannen fan it dak, waard mei harren Fryske top-100 hit 'Bingojûn' it startsein foar in prachtig alternatieve Bingo. Der waard noch hiel wat yne baltsjes graait, en de jûn duorre noch hiel lang yn in âlderwetsk gesellig Keakelgat!

Wy sizze wer tige tank tsjin ús gastspilers dy wer trije helten hun stjonkende best dien ha! Kommende saterdei spielje we wer thús, tsjin VV Blue Boys 3, út it doarp fan Teun Bok & Femke Kok, Nij Beets!

Wy hawwe ynt jier 2026 noch altyd net wûn, dus kenne wy jo oantreastings ferrekte goed brûke!
Oanfang 14.30 oere! Jo komme dochs ek?!

08/03/2026

Efkes tochten wy saterdei dat der resultaat te heljen wie, mar úteinlik kamen wy tekoart, mei 6-1 in terjochte útslach. Hoe dat ta stân kaam kenne jo lêse ynt wedstriidferslach fan KSdV:

V en V '68 2 - SC Veenwouden 4 6-1 (2-1)

Yn Garyp spielen de feteranen tsjin it twadde fan Vlug en Vaardig 68. Wedstriiden tsjin de sânmigers binne faak boeiend en der is altyd wol gremytigens tusken beide teams.
It waard suver in invaazje út Feanwalden op it Sportpark oan de Greate Buorren, want ek SCV 1 moast oantrede tsjin harren flaggenskip.

De foar de feroaring mar wer ris bleassearre leider Leo Nijboer naam de honneurs waar, haadcoach Geert Slot soe letter oanwaaien komme.
Leo beskikke leafst oer 16 man en foar him der swiere taak de dikke popkes op it júste plak te setten. As in wier tacticus, mei de hân wriuwend oant kin kaam der de box binnen, en smyte der de doar achter him ticht. Net dat it no saf***e yndruk makke, mar it like wol hiel wat. En by soks moat jo ek jo eigen koers sketse. Bygelyks sterkhâlder Klaas Pim; hy is op elke posysje ynsetbaar waard sein. 'Moai' tocht Leo, dan ken ik Klaas ek op de bank ynsette. En sa barde.

Op it swiere B fjild, wer wy ynt recent ferline al ferskate heroyske fjildslagen oerlibbe hienen.
Al snel dúdlik waard dat it in drege middei wurde soe. De jongerein fan Garyp tikten mei fleur en faasje mar fjirder as de 16 kamen se net. Wy hoopten op in yngeving fan ús spitsen Eddie en Melvin en ferdomd, healwei eerste helte wie de eerste beste kâns metien raak. Johannes leppele de bal nei foaren, Eddie rommele wat tusken harren keeper en ferdedigers om, kaam as winner út de striid en makke de 0-1. Swier tsjin de ferhâldingen yn, mar it masterplan fan Leo like te wurkjen. Bus parkeare en salang mooglik besykje fêst te hâlden. De frachtwein dy achter it fjild lâns ride nei de 0-1, ropten we noch ta om in oerke te linen, mar om'e nocht.
Ûndanks dat ús keeper Riemer in pear kear bjusterbaarlik de ballen út de goal ranselde, koe der de 1-1 ek net keare.
Dochs liken wy frij rap wer op foarsprong te kommen. Ús letste man Pieter Gerrit gie him mei de oanfal bemoeien. As in swiere stoomtrein dendere hy troch it fjild hinne en skrik net minsken, hy helle selfs de efterline, wer der ek noch ris de bal perfect werom lúts, it makke syn zegetocht hast hielendal ôf. Melvin hie de 1-2 foar it ynpisjen, mar hie syn remblokje noch op de skoech sitten. De keeper koe dus keare. Wat restte wy in útbranerke mei in knipeach fan Peewee dy der wol efkes fan bekomme moast. Oare keer better Peewee.
Krekt doe it like dat we sawier mei 1-1 oan de thee koenen, woe de skeids fan tsjinst noch efkes ûnderwerp fan petear wurde ynt skoft. En sa waard in strûkelpartij tusken de sterk spieljende Theo Kuipers en in handich oerhinne fallend sânmigerke beleane mei in penalty. Mar goed, jo binne yn Garyp en dan witte jo dat soks barre ken. Riemer koe der noch in hân tsjin oankrije mar de bal waard hurd genoch ynskeaten, mei 2-1 efterstân gienen we oan de thee.

Theo en Leo Lapke waarden betanke foar bewezen diensten en Jelke Jaap moest spitigernôch ek yn'e klaaikeamer efter bliuwe, hy hie syn eerste aai fûn mar dat wie wol syn knibbel.
Ûndertusken waard Geart Slot ek signaleert yn Garyp. Hy besocht incognito te bliuwen mei in jas fan Peewee oan, mar dat slagge net hielendal. Ûndertusken hienen de Garypers in hiel blik frisse jonge knapen iepenlutsen ynt fjild, wat wy âlde fette kiloknallers net mear berinne koenen. Binnen in ketier lei de bal al fjouwer kear ynt netsje achter Riemer en it wie oan deselde Riemer te tankjen dat it lêtste heal oere dér by bleaun.

Ûndanks de dikke útslach gienen we mei in laits fant gesicht fant fjild om noch efkes om ús earste oan te moedigjen, mar dér lúts de thúsploech ek oant langste ein. De pilskes smakken der net minder om yn harren kantine, de gehaktballen moasten we der self mar by betinke.

Takom wykein spielje wy thús tsjin titelkandidaat Harkemase Boys 5, wer wy as ynige team yne kompetysje fan wisten te winnen.
Oanfang 14.30 op ús eigen Sportpark de Kemphaan. Jo oantreastings binne fansels tige wolkom!

27/02/2026

Helaas, morgen verplicht met de vrouw te winkelen.

22/02/2026

It Fjirde dy ôfrûne saterdei harren self tekoart tsjin in effektiver Broek. It wer lêzenswurdige wedstriidferslach fan de man dy wer 'back yn Town' is... Roel Wytse Boelie!

Broekster Boys 4 - SCV 4 2-1 (1-0)

It fjirde fan Feanwâlden hat saterdei út by de Broek wat op in keunstfjild omknoffele. Foar de measte dikke jonkjes net de favorite ûndergrûn. Der wienen dan ek spilers by de rûs dy’t in helte spyljen wol genôch like. Tjalling die op de hinnereis in moedige poging om op wiksel te kommen. Syn smoarge plofkes brochten lieder Geart lykwols net fan it stik. De rollade op skonken die noch ien uterste ynspanning. Der kin net útsletten wurde dat er him yn dat proses bedien hat. De lucht fan kleare stront gie troch de wein. Geart liet op rûtine de automatyske rúten delgean en bleau stoisynsk foar him útstoarjen. Doe’t der op it smoardrokke parkearplak fan sportpark Damwâld noch ien gaadlik plakje like, kaam Geart der by it ynriden efter dat dit plak foar lju mei in beheining ornearre wie. Boelie, dy’t in rol as reserve ek net slim fine soe, frege oft er net in ynfalidekaart by de tosken krige hie. It holp neat en ek hy ‘mocht’ fan Geart ek yn de basis begjinne.

It bliuwt spitigernôch in dreech ferhaal om 11 eigen spilers yn it fjild te krijen. It wie dan ek in opstekker dat Geart wer beskikke koe oer Klaas, Eddie en Melvin Remblokje. Lêstneamde hie der sels sa lang mei in blessuere útlein dat er him op ‘e nij foarstelle mocht. Gastspilers Johnny, Erwin, Patrick en Riemer makken de seleksje kompleet. Sa kaam it dat der sawier wat te wikseljen foel.

Yn it earste part fan de wedstryd hie de Broek it oerwicht. Hja wienen handiger op it keunstfjild en skerper yn ‘e duels. Riemer ferdigene syn doel meunstereftich en soarge der lang foar dat it 0-0 bleau. Krekt doe’t Feanwâlden de ûnwennigens wat fan har ôfspile hie, kaam de Broek op foarsprong. It fjirde wie it doe efkes kwyt en like fuortletter ek de 2-0 tsjin te krijen. Grinsrjochter Henk hie foarôfgeand oan de goal lykwols in oertrêding merkbiten. Hy hie sjoen dat Leo ûnrjochtmjittich fuorttreaun waard. De spits koe sadwaande frij ynkoppe. De skiedsrjochter naam sawier it oardiel oer en karde de goal ôf. Gjin grifformearde naaistreken. Dat wy soks nochris meimeitsje mochten út by de Broek. Der wie sawysa neat oan te merken op de lieding en de tsjinstanner. As it goed is moat it ek sein wurde. Feanwâlden gie noch foar it skoft op syk nei de lykmakker. Der sieten knappe oanfallen tusken, mar de lêste bal wie faak krekt net goed genôch. It joech wol moed foar it twadde bedriuw.

Nei de tee wie Feanwâlden de boppelizzende partij. Erwin foel tige knap yn en hie kear op kear knappe foarsetten yn hûs. De bal woe der allinnich net yn. Ek net doe’t Eddie mei de sûkelarjeskonk in Van Basten-eftige ynjouwing hie. Syn folly belanne krekt njonken de peal. De lykmakker koe net útbliuwe en foel doe’t Erwin de bal skerp foar de goal brocht. Wytze hagele de bal stienhurd yn de hoeke. Net f***e letter koe Wytze ek de 1-2 meitsje. In ôfmetten foarset fan Erwin foel op de plasse fan de lange spits. Mei in stienhurde kopbal socht er de hoeke. De taskôgers hienen him al teld, mar de kiper fan de Broek wist mei in tige knappe redding in wis lykjende goal te foarkommen.

Tsjin de ferhâlding yn kaam de Broek wer op foarsprong. In spits meande nuver oer de bal hinne. Us ferdigeners besochten har foar it folslein mislearre skot te smiten en leinen noch te spinfuotsjen op de grûn doe’t de spits de bal wer foar de skonken fûn. De bal waard der yn rommele en Feanwâlden koe wer yn de efterfolging. Jan tocht te skoaren, mar syn kopbal waard krekt foar de line weihelle. Ek Melvin slagge it net. Doe’t de kiper in foarset fan rjochting feroare wie er der yn in wâld fan skonken as earste by. Syn ynset belanne spitigernôch krekt njonken de peal. Jan hie de finger al hast tsjin de lippen om kritikaster Keimpe de bek te snoeren. Ut in korner foel de ôffalende bal foar syn favorite skonk. Syn ynset belanne ek wer krekt oan de ferkearde kant fan de peal en sa bleau it 2-1. Om’t der weinich tiid mear wie waard der efteryn ien-op-ien spile. Dat soarge dat de Broekster tsjinoanfallen tige gefaarlik wiene. Mei troch Riemer bleau Feanwâlden yn de wedstryd. De lykmakker hinge yn de loft. Mei lange ballen waard Wytze socht. Dat wie net sûnder gefaar, mar de bal woe der úteinlik gjin twadde kear yn.

Sa bleau it fjirde puntleas yn 2026. Dat foarkaam net dat der noch efkes in pear kocht waarden fansels. It bestellen wie wol efkes in dinkje. De koade fan it barpesoniel waard kreake. Nei in lûd ‘De hear is myn herder’ koe der mar omraak besteld wurde. De reedriders soargen noch foar wat ekstra fleur en sa wie it sawier noch gesellich by de Broek ek. Takom wike stiet om healwei trijen de thúswedstryd tsjin Blue Boys 3 op it program. Op jacht nei de earste punten fan it nije jier kinne wy jo oantreastings tige brûke.

17/02/2026

Yn'e earste wedstriid nei de lange wintersliep kaam it Fjirde der thús net oan te pas tsjin VV Oostergo 2. Dochs wie der genoch fleurigens by it elftal. In wer grandioos ferslach fan Jehannes 'Honke' Reitsma, gruttendiels in hommage oer in echte SCV klupman, dy't ús ôfrûne saterdei út de brân holp ynt fjild:

SCV 4 - VV Oostergo 2 1-4 (0-2)

It wie al wer in moai skoft lyn dat de mannen fan it fjirde har it blau-wite polyester oer de bealch spanden. Sa lang dat der guon wiene dy't suver fergetten wiene hoe't dat ek al wer moast, fuotbalje. Oaren makken it noch bûnter: dy wiene fergetten dat se überhaupt op fuotbaljen sieten.

Goach Geert Slot hie it der mar drok mei. Hy siet mei de hannen yn it hier. ‘Wêr toverje ik de
minsken no wer wei?’ Ta einbeslút weage er it derop en sa kaam it dat good old Keimpe
‘Bossie’ op freedtejûne - krekt mei de fuotsjes omheech foar it curljen op tillevyzje - in appke
krige fan dy oare baas. ‘Kinst moarn ek even mei?'. ‘No, ik wit net oft ik dat dwaan moat’, sei Bossie tsjin de frou. ‘Ach jong, gewoan dwaan, do sitst dochs 90 minuten op ‘e bank’, sei de
frou (dy't Keimpe wol even kwyt woe).

Dat sadwaande siet Keimpe de oare deis om 14 oere yn ‘e box, hielendal yn syn elemint, te
gnizen om Nollie, dy't oppere dat er ek wol meidwaan koe oan de Olympische Spelen, oan it
ûnderdiel ‘100 meter lopend buffet’. Mar: it gnizen fergie him al gau, doe’t Geart de opstelling
fan hjoed opleppele. Bossie yn ‘e basis! Bliksem, dat foel wol efkes ôf. Mar hoe't er ek op Geart ynprate, it joech neat, Geert joech gjin krimp, Bossie moast derfoar!

Der waard in stevich blok om Bossie hinne boud: 5-4-1 wie it plan. Dat gie in goeie minuut aardich knap. Doe foel in foarset foar ús ferkeard en foar Oostergo krekt better: 0-1. Dêrnei hie skiedsrjochter Johannes Idema it wol besjoen. Hy draafde werom nei de kantine. Hy sei sels dat er in oar shirt oan moast omdat Oostergo ek yn it swart wie, mar wie tinke dat er efkes om in slokje west hat. Hy wie yn elts gefal aardich fleuriger doe't er weromkaam.

It waard al rap 0-2, en dêrnei hold it moedige fjirde, ûnder lieding fan boss Bossie achteryn,
aardich stân. Nei it skoft kaam Albertjan der noch yn. Dy hie der noch wol nocht oan en skopte
in frije traap tsjin har keeper oan foar de fuotten fan Jan Thomas (tige tank foar de help wer, JT) en dy rêde ús ear. Dat de mannen fan Oostergo dêrnei noch ien as twa achter oare útblinker Jacob (ek wer tige tank!) frommelen, makke ús net saf***e mear út. 4-1, koe minder.

Nei ôfrin siet der ien mei in ‘big smile’ yn de klaaikeamer. It bierke smakke Bossie bêst. In hiele
wedstryd, wa hie dat no tocht? Wy hearden dat er moandeis de steiger ek noch prima opkomme
koe (mar oft er der ek wer ôfkommen is?). Dat wa wit? Nije wike wer? Wy sille it sjen. Broekster Boys út stiet dan op it program. Hooplik sitte wy dan wer wat rommer yn ‘e minsken, mar at it noadich blykt, dan witte wy: Bossie stiet paraat

16/02/2026

Technim, haadsponsor fan it Fjirde yn de spotlights.
Dér binne wy tige grutsk op. En fansels ek mei ús gearwurking mei dit moaie bedriuw!👌

📸 Sponsor in beeld | Technim

Deze keer zetten we graag onze sponsor .nl in het zonnetje!

Eigenaar Jilt Bruning staat aan het roer van dit mooie familiebedrijf. Samen met een hecht team van inmiddels 19 medewerkers bouwt hij dagelijks aan de groei van Technim. In 2023 verhuisde het bedrijf naar Quatrebras. Vanaf dat moment zijn niet alleen de activiteiten, maar ook de voorraad flink uitgebreid. 📦🚛

Naast de balieverkoop aan installatiebedrijven, bouwbedrijven en consumenten in de regio, wordt de online verkoop steeds belangrijker. De webshop wordt continu verbeterd en ook het logistieke proces is volledig ingericht om bestellingen snel en betrouwbaar te leveren.

De afgelopen jaren is Technim sterk gegroeid. Om verder op te kunnen schalen, is de bedrijfslocatie in Quatrebras, naast De Centrale As, aangekocht. Een prachtige stap richting de toekomst!

Technim levert kwaliteitsproducten van A-merken voor de bouw- en installatiesector. Van installatiemateriaal en gereedschap tot elektra, cv-ketels en warmtepompen: je vindt het allemaal op 👉 www.technim.nl

Persoonlijk contact staat centraal bij het team. Bereikbaarheid, service en snelle levering maken écht het verschil.

Veel medewerkers van Technim zijn betrokken bij SC Veenwouden, wat de band met de club extra bijzonder maakt. Het roemruchte vierde elftal speelt in wedstrijdshirts van Technim 👕 en ook op de hoofdtribune is Technim zichtbaar aanwezig.

Namens Technim: veel succes op het veld én met de komst van het nieuwe MFC! 💙⚽

04/01/2026

Us Hindrik!
In klupman dy dizze eretitel 'Lid van Verdienste' hielendal fertsjinnet!
Wy as Fjirde binne tige grutsk op dizze man!

25/12/2025

Veel dank aan Maaike Walsweer, Honnes Bosma, Durk de Vries, Stephan Huiberts, Klaas de Vries, Melvin Flonk, Sietze Mulder, Jilt Bruning, Jetze Dijk, Geert Sijtsma

voor al jullie steun! Gefeliciteerd dat jullie topfans zijn met een ononderbroken periode 🔥!