10/06/2026
✍🏻 Javi Miguel (Diario AS): Araújo, Kyaftin marar alkibla!
"Bai dace ba kwata-kwata ace ɗan wasa yayi tafiyar kilomita 20,000 (zuwa da dawowa) don kawai a duba lafiyar shi na ƴan awanni, Ana saura kwanaki biyar kacal a fara World Cup. Amma idan ana zancen Ronald Araújo ne, komai zai iya faruwa. Wannan wani zaɓi ne mai ban mamaki kuma marar kan gado."
"Wannan ba shi ne karo na farko da Araújo ya tsinci kansa a irin wannan yanayin ba. Bayan mummunan wasan da ya buga a Gasar Zakarun Turai (Champions League) da Chelsea inda aka ba shi jan kati, Rahotanni sun ce ya kwashe watanni biyu yana jiyyar matsalolin damuwa (mental health) domin ya dawo daidai."
"Yanzu haka ɗan wasan ba ya cikin tsare-tsaren koci Flick, Kuma bai dace da salon wasan Bielsa ba."
"Da za a sami wanda zai gaya masa gaskiya, Da ya nuna masa cewa akwai rayuwa bayan Barça, Kuma zai iya dawo da takunsa idan ya koma wani gurin. Misali, a gasar Serie A ta Italiya, inda ƙungiyoyi s**a fi yin tsaron gida a baya kusa da ragarsu; hakan zai sa ba zai riƙa barin sarari a bayansa da abokan hamayya za su riƙa gudu ba."
"Mutum na farko da ya fara tona masa asiri shi ne Luis Enrique a cikin shirin fim ɗinsa (documentary), lokacin da ya ce: 'Ku ƙyale shi kawai, domin shi ne ɗan wasa mafi rauni wajen sarrafa ƙwallo a Barça.' Kuma hakan ta tabbata a filin wasa daga baya, lokacin da ya yi kuskuren ba da fas aka ƙwace ƙwallon, sannan aka koro shi da jan kati sa'ilin da yake ƙoƙarin gyara kuskurensa."
"Ko ma dai yaya abin yake, ya kamata kyaftin ya riƙa auna shawararsa da kyau. Domin wannan ɗanyen hukunci da ya ɗauka ya ɓata sunan likitocin motsa jiki na tawagar ƙasar Uruguay. Haka take faruwa idan ka kasance kyaftin marar alkibla!"
