¿Qué es el sitio web?

https://www.facebook.com/105217594420382/

Chelsea Link HK

Casa
Mexico
Naucalpan
Chelsea Link HK

🇭🇰屬於香港人嘅「車」站 | 🔵車路士資訊懶人包
🇭🇰 𝐇𝐊 𝐁𝐚𝐬𝐞𝐝
🚙 每日更新，緊貼所有車聞
🔷 球隊、轉會、傷患、比賽消息、球員/教練賽前/後訪問
🗣️ 粵語/廣東話報導，簡單易明
🗓️ Est: 29 Feb 2020
🫵🏼 記得Follow我哋

20/08/2026

😉𝐀 𝐍𝐄𝐖 𝐍𝐎. 𝐟𝐨𝐫 𝐉𝐏~

之前先出完個post：嚟得車路士，好人好姐唔好再著9號波衫，點知……🫠
呢個魔咒已經捱咗好多年，希望呢次由20號轉做9號會係例外……

另一方面，本來9號嘅主人戴納仔，今季會轉著12號波衫。
唔通，呢個係佢大爆發嘅轉捩點？🤣

（下面留言版仲有其他球員今季嘅球衣號碼，留意巴迪亞舒尼同基奧仲未有冧巴~）
____________________
🏷️

17/08/2026

😅𝐓𝐡𝐞 𝐒𝐓𝐄𝐑𝐋𝐈𝐍𝐆 𝐢𝐧🇭🇰...

Sterling唔一定係指史達寧／史端寧／250嘅，仲可以有呢三個意思：

1.　名詞：英國貨幣「英鎊」嘅正名或代稱（例：Pound Sterling）

2.　名詞：珠寶同金屬工藝中，含銀量達到92.5% 嘅「標準純銀」（Sterling Silver）

3.　形容詞：人或事物品質「極佳、優秀」（sterling qualities．高尚的品質）
____________________
🏷️

11/08/2026

🏆𝐀𝐍𝐎𝐓𝐇𝐄𝐑 𝐭𝐫𝐨𝐩𝐡𝐲 𝐢𝐧 𝟐𝟎𝟐𝟏...

當年今日，歐聯過後，再奪歐洲超級盃，達成同一年歐洲賽雙冠。

當年今日，「耶子」薛耶治點樣為我哋先開紀錄，之後點樣畀人破門追和，再苦戰加時，最後由領隊再一次憑住一雙手拯救我哋。

領隊撲出皮球嘅一瞬間，令車路士「死過翻生」。嗰一刻，全隊衝去同領隊相擁，之後互相舉起獎盃，大聲咆哮同歡呼。

雖則5年經已過去，但望返呢啲場面，仍然令人印象深刻。

雖然往事只能回味，但同時係美好嘅紀錄。讚嘆輝煌嘅歷史後，都係時候向前看。

過多差唔多一星期，新一個英超球季將會開始。車路士嚟緊仲有一場對皇家蘇斯達嘅熱身賽。

眼見JP狀態愈嚟愈好，拉維亞可以踢足90分鐘，新兵柏拉斯達同隊友嘅配合愈嚟愈好，甚至久休復出嘅梅仔同樣愈踢愈弗，作為車迷表示很開心。

我哋短期內未必去得返5年前嘅超高水平，只求沙比sir教得順順利利，球員們健健康康，亦希望命運女神能夠多啲向我哋微笑。

𝐋𝐎𝐍𝐃𝐎𝐍 𝐈𝐒 𝐁𝐋𝐔𝐄~各位車迷，今季繼續加油努力畀心機！共勉之！💙
____________________
🏷️

10/08/2026

🥹𝐓𝐇𝐀𝐍𝐊 𝐘𝐎𝐔 𝐒𝐎 𝐌𝐔𝐂𝐇, 𝐓𝐑𝐄𝐕!

正當車路士喺熱身賽如火如荼，有一個人就唔喺沙比阿朗素嘅大軍名單入面。

正當車路士喺轉會窗大手買入，有一個人就靜雞雞咁離開呢間效力多年嘅球會。

佢，就係「細查」—查禾查洛巴。

9歲開始，細查同車路士結緣。由梯隊培訓，再外借到葉士域治、哈德斯菲爾德、羅連安特等球會，到成為一隊中堅，整個過程並唔係一步登天，細查係逐格逐格咁行上嚟。

本來以為喺一隊可以企穩陣腳，但面對外來者嘅挑戰，細查都難逃被棄用嘅時刻，曾經被外借到水晶宮。呢種被「發配邊疆」嘅感覺，相信對細查嚟講，絕對唔好受。

天意可以弄人，同時又可救人。呢位一度不受重用嘅借將，因應藍軍「中堅荒」，由南倫敦重新召回返嚟西倫敦。呢次回歸，對細查嚟講，係一個千載難逢嘅機會。

機會除咗留畀有準備嘅人，亦留畀識得把握嘅人。細查都不負隊友同「前任教練」嘅信任同支持，先後為球隊奪得歐協聯同世冠盃冠軍。

數下數下，原來細查已經為車路士拎咗5座主要錦標賽嘅冠軍，成績不比同為車訓嘅阿巴咸、蒙特，甚至現役嘅列斯占士失色。

喺車迷眼中，細查喺呢段時間表現絕對唔係最亮眼，亦唔係最突出嘅一個。「轉身慢」、「位置感差」、「派膠自爆」更加成為佢嘅形容詞。

但，又咁講，呢位英格蘭中堅都有神來之筆嘅時候。

地標戰對水晶宮嘅遠射入波，成為佢車路士一隊生涯嘅起點。呢球勁射破網，你，仲記得嗎？

作客曼聯打少一個之下，接應角球頭鎚應聲鑿入。追返成1比2嘅呢一球，你，仲記得嗎？

主場對阿仙奴同樣打少一個，同樣接受角球，將個波冼後入網。領先1比0嘅呢一球，你，仲記得嗎？

喺車路士嘅一隊生涯，由2018年開始，2026年結束。

嚟到「沙比」時代，細查喺不被選擇嘅情況下，決定毅然轉會，加盟由「前車傳奇」法比加斯執教嘅科木，據報簽約5年。

無錯，細查喺車路士嘅整體表現，唔係極具說服力。只係球隊需要佢嘅需要，正選抑或後備，佢都會瞓身演出，將自己所能、自己所有，為呢個徽章默默付出。

你可能心諗：講細查都講到咁多嘢？無法喇，佢係𝐌𝐀𝐃𝐄 𝐈𝐍 𝐂𝐎𝐁𝐇𝐀𝐌，或多或少都有啲情感……😢

而令小編開心但慨嘆嘅係：細查離開埋，又一個車仔青訓「落車」，轉搭去其他地方。較為有資歷嘅車仔青訓，應該得返列斯占士一個……

點都好，連埋喺青年軍嘅時間，查洛巴為車路士付出咗19年嘅青春。雖然未必得到每一位車迷嘅認同，但絕唔會忘記佢為藍軍帶嚟嘅美好時光。

由英格蘭飄遊到意大利，希望細查能夠順順利利，嚟緊繼續喺足球場上發光發亮，達到自己嘅目標同理想。

𝐓𝐑𝐄𝐕, 𝐖𝐄, 𝐖𝐈𝐒𝐇 𝐘𝐎𝐔 𝐓𝐇𝐄 𝐕𝐄𝐑𝐘 𝐁𝐄𝐒𝐓 𝐎𝐅 𝐋𝐔𝐂𝐊! 💙
____________________
🏷️

05/08/2026

👀𝐃𝐨 𝐲𝐨𝐮 𝐫𝐞𝐦𝐞𝐦𝐛𝐞𝐫 𝐓𝐇𝐄𝐌?

呢10幾位球員入面，有邊一個令你特別印象深刻呢？對於近代啲嘅車迷嚟講，摩拉達+希古恩應該會零舍記得~你懂的~😉

今晚7點半，啟德體育園將會上演車路士對祖雲達斯嘅「健絡通盃」，到底沙比sir上任後可唔可以捧走第一個盃呢？

兩位小編星期二晚去咗睇公開訓練，氣氛一流，亦有好多戰術嘅訓練可以見到。到底彭馬同高維爾係咪齊齊唔出得？「我韋碧克」會唔會即刻「降臨」？梅仔又可唔可以久違嘅登場呢？講真，都幾期待今晚場波！

我哋會齊齊人場觀賞呢場賽事，並且會喺IG更新動態。各位車迷，今晚見！💙
____________________
🏷️

03/08/2026

😙𝐆𝐎..𝐎𝐀𝐋..𝐎𝐀𝐋..𝐆𝐎𝐀𝐋𝐋𝐋...

「銀河唯一」用晒行動同表現，證明自己喺車路士嘅價值。唔知「神碧」可唔可以複製基奧特嘅傳說，「叫車狗都嚇暈」？😵‍💫

（真係估唔到，作為車迷可能唱呢首歌「歌頌」佢……😅）

另外，「神碧」喺宣布加盟車路士無耐，同結束「禁賽令」嘅梅仔好快就嚟到香港，未知會唔會喺8月4日星期二舉行嘅公開操練，以及8月5日星期三對祖雲達斯嘅賽事列陣／坐喺後備席／喺現場睇波喇~

但，有樣嘢可以肯定，就係………

兩位小編都會去現場睇公開操練同「 #健絡通盃」，詳情可以留意我哋喺Story嘅公佈~咁多位車迷，到時再見！😁
____________________
🏷️

31/07/2026

🥹𝐌𝐈𝐒𝐇𝐀 𝐈𝐒 𝐅𝐈𝐍𝐀𝐋𝐋𝐘 𝐁𝐀𝐀𝐀𝐂𝐂𝐊𝐊𝐊!

一日，又一日，再一日……咁，就四年喇。

對於梅迪歷嚟講，呢四年嘅禁賽期，係自己足球生涯最低谷嘅時期。同時，係畀佢放鬆自己、認識自己嘅寶貴時間。

呢四年，梅迪歷捱過嘅有悲傷、有不滿、有憤怒、有無奈。但，佢仍然無因為咁，離開熟悉嘅訓練場，放棄兒時嘅夢想：足球。

無錯，有普巴車前可鑑，被罰停賽一大段時間，唔止保持唔到以前嘅水準，「傷多過踢」更加可能變做家常便飯。

小編亦覺得以而家嘅梅仔，要同一眾當弗兼有晒出賽經驗嘅車路士隊友競爭，係有非常大嘅難度。唔止戰術體系要重新適應，體能要求、個人技術等，都好難咁快返到去昔日水準。

只不過，波係圓嘅。足球世界之所以咁引人入勝，就係無！絕！對！一個球員要突然間爆發，可能只係時間問題。

更何況，梅仔喺呢四年期間，不斷努力裝備自己，要訓練射門、要操弗體格，佢仍然做到足，全無放pea。

當然，值得慶賀嘅係呢段「空窗期」入面，梅仔喺情場方面好得意，認識到一位靚靚嘅美國KOL，喺呢啲咁苦淡嘅日子當中，總算搵到一點甜。

各位車迷對於梅仔有唔同嘅印象，小編喺到唔個別評論喇。點都好，能夠捱過咁痛苦嘅四年，梅迪歷相信已經再唔係嗰個稚嫩嘅梅仔，希望呢段時間佢能夠喺心智方面好好學習、好好成長。

縱使未必見得返「地標戰」對利物浦「一扭三」嘅驚人演出，梅迪歷可以重新出發，經歷佢第二個「足球人生」，對自己、對家人、對朋友，以至支持佢嘅車迷，一定好開心，一定好安慰。

據報梅仔有機會隨隊嚟香港，到時希望入場嘅車迷（包括兩位小編）有無緣見到佢一面喇~一面之緣，足矣~

𝐖𝐄𝐋𝐂𝐎𝐌𝐄 𝐁𝐀𝐂𝐊, 𝐎𝐔𝐑 𝐌𝐈𝐒𝐇𝐀!!💙
____________________
🏷️

28/07/2026

🤯𝟏𝟎-𝐆𝐎𝐀𝐋 𝐓𝐇𝐑𝐈𝐋𝐋𝐄𝐑!!!

今屆世界盃季軍戰「法國以4比6輸畀英格蘭」／「英格蘭贏法國6比4」。當你以為呢個比數已經唔可能再出現到嘅時候，2026年7月28日又嚟過……

遠飛澳洲，車路士迎嚟新球季第一場非閉門嘅熱身賽，亦係沙比sir第一場帶領球隊嘅正式賽事，結果「藍軍」全場以6比4贏西悉尼流浪者。

雖然唔係跟足世界盃季軍戰法國同英格蘭嘅入球過程，但場面基本上係一模一樣：防線性感、放開嚟打、瘋狂入球。

小編當呢場熱身賽係表演賽咁，實際參考到嘅嘢唔多，旨在睇下球員狀態如何，最搶鏡嘅一定係祖奧柏度喇。

63分鐘後備落場，半個鐘時間已經入三球兼交出一助攻，而完成帽子戲法嘅過程只需要8分鐘，同落樓下買個大家樂再返到屋企食嘅時間差唔多。

縱使今場對手水平唔可以有好大參考價值，但至少見到呢位巴西前鋒keep到步頭爽、過人妙、腳法靚。呢轉世界盃「空窗期」，小編覺得對JP幫助非常之大。

（真係唔怪得有網民叫佢唔好著9號波衫，你望下而家9號嗰位人兄就知咩事……）

至於其他落選世界盃嘅隊友，彭馬都係普普通通，雖然有一個助攻畀JP入波，但其餘時間唔覺有咩好進步嘅地方，同傷癒嘅艾斯迪華奧一樣，狀態有待提升。「雞蛋絲」杰廷斯出到嚟幾sharp，有一個入波之餘，整體表現比預期還好。

後防方面，回歸嘅安素文奴今場客串右閘，速度上都跟得到，除咗有一球喺邊路掛住「得人身位」而差啲失波之外，邊路包抄同攔截表現都唔錯，係小編今季嘅「期待之子」。

小朋友方面，大部分仲係稚嫩啲，輸3比2嗰球正係左閘Emenalo解圍當助攻畀對手破門。當然，哈薩克小將沙柏耶夫入到波，小編非常高興，但畢竟只係小將，要求唔能夠擺得太高，今次熱身賽當交下學費喇。

過多幾日就會上演真正嘅「戲肉」，對手係同樣大肆擴軍、銳意重上前列嘅熱刺。

小編希望今次熱身賽，真係畀到班球員「熱好身」嘅效果，去到下一場比賽可以見到一啲戰術同組織配合上嘅嘢。8月1日香港時間下午5點45分，大家記得捧場喇！
____________________
🏷️

25/07/2026

🥹𝐖𝐢𝐥𝐥 𝐇𝐄 𝐠𝐢𝐯𝐞 𝐮𝐬 𝐇𝐎𝐏𝐄?

列布夫、迪西里、加拿斯……相信對唔少上一代嘅車迷嚟講，佢哋係經典兼傳奇級嘅名字。唔止因為曾經為車路士立下唔少汗馬功勞，呢幾位出自法國嘅中堅，係令到防線固若金湯、穩如泰山嘅重要基石。

科芬拿、巴迪亞舒尼、迪薩斯……相信對唔少近代嘅車迷嚟講，佢哋係唔想再記起嘅名字。唔止因為車路士近年成績急速下滑，呢幾位同樣出自法國嘅中堅，係令到防線錯漏百出、派膠當日常嘅重大黑洞。

26/27球季即將展開，車路士再買多一位法國中堅：拿確斯，目前已經去到HERE WE GO階段。

呢位喺「後古希」時代嘅中堅，瞬即成為球隊防線嘅領軍人物，佢亦用行動證明即使無前「前大佬」，自己都可以做得到。

上季水晶宮多線作戰，縱使聯賽表現反覆，但最後都成功袋走社區盾同歐協聯兩項錦標，拿確斯嘅高速回防同攔截，可以話係球隊能夠奪冠嘅重要功臣。

若然成功官宣嘅話，拿確斯會係車路士歷史上第9位法國中堅（有錯請更正）。

近年車迷已經對「法國中堅」產生PTSD，拿確斯嘅出現，可唔可以承襲到1990至2000年代大前輩嘅神級表現，定係延續近三位傷多過踢、瘋狂派膠嘅同鄉嘅頹勢，令車迷繼續「發惡夢」呢？
____________________
🏷️

25/07/2026

官方: 加拿祖正式外借至阿士東維拉

於2025年8月加盟嘅加拿祖，效力僅僅一季後外借至維拉，為期一季直至2027年6月。如果於租借期間滿足某啲條件，就會觸發強制買斷條款，明年夏天呢筆租借交易將自動轉為永久轉會。

《鏡報》及football.london記者Bobby Vincent，強制買斷條款嘅費用為4250萬英鎊。

著名轉會記者Fabrizio Romano則形容，滿足觸發強制買斷條款條件為「容易達成，幾乎保證」。

Dirección

Av Los Arcos S/N Col. La Rivera
Naucalpan
53460

Página web

facebook.com

Notificaciones

Sé el primero en enterarse y déjanos enviarle un correo electrónico cuando Chelsea Link HK publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.