09/09/2026
Ir-realtà tal-Kategorija A—u pedament li fuqu rridu nkomplu nibnu. 🟡🔵🦁
Ir-riżultati tagħna fir-Regatta tal-bieraħ:
🥉 It-3 post – Tal-Pass B, b’erba’ mqadef
4️⃣ Ir-4 post – Kajjikki
4️⃣ Ir-4 post – Fregatini
4️⃣ Ir-4 post – Tal-Midalji
🏁 Ir-4 post – Klassifika Aggregate tal-Kategorija A
L-ambizzjoni tagħna kienet li niksbu riżultati aħjar. Madankollu, ir-ritorn tagħna wriena r-realtà u l-livell għoli tal-Kategorija A. It-tliet klabbs li spiċċaw qabilna kienu aħjar minna dakinhar, b’ekwipaġġi b’esperjenza u strutturi li ilhom stabbiliti.
Nifirħu lis-Senglea Regatta Club għar-rebħ mistħoqq tax-Shield tal-Kategorija A, u flimkien mal Birgu Regatta Club għar-rebħ tax-Shield tal-Kategorija B, u lill-Kalkara Regatta Club għar-rebħ tax-Shield tan-Nisa.
Nifirħu wkoll lill-Kumitat Organizzattiv għat-titjib ċar fl-organizzazzjoni ġenerali tar-Regatta.
Il-Kategorija A mhijiex sfida biss mil-lat sportiv, iżda titlob ukoll struttura interna b’saħħitha. Il-Kumitat tagħna wera reżiljenza, determinazzjoni u għaqda, bl-għajnuna imprezzabbli tal-voluntiera, helpers, membri u benefatturi tagħna. Grazzi lil kull min, meta ħabbatna l-bieb tiegħu, sibnieh hemm għalina.
Pożittiv ieħor kien li rnexxielna nerġgħu npoġġu lill-klabb fuq il-mappa tal-midja nazzjonali u niġbru appoġġ qawwi mingħand il-Beltin—xi ħaġa li hija ħafna għal qalbna.
Ringrazzjament speċjali lill-isponsors tagħna—Valletta Ferry, Eurospin, 16DOT7 Labs, San Paolo Naufrago, 5 Beans Coffee Shop u San Giovanni Restaurant—talli emmnu fina u sostnewna matul din il-mixja.
Kburin bil-qaddiefa kollha u l-coxswains tagħna. Aċċettajna l-isfida u llum nafu aktar ċar x’inhu meħtieġ biex nitjiebu, nikbru u nikkompetu f’dan il-livell.
Il-ħidma tkompli.
GĦALL-ISFAR U L-BLU. GĦALL-BELT. 🟡🔵
📸 .marketing
