Senglea Regatta Club

17/09/2026

🗣️Żommu l-Ħadd 4 ta’ Ottubru vojt‼️

🗣️Għax bħal ma niċċelebraw aħna ħadd‼️…more info soon 💣

2️⃣5️⃣….Kwart ta’ seklu rebbieħa 🟡🔴

16/09/2026

📣 Biex niccelebraw is-success li l-klabb taghna kiseb fir-Regatta ta' Settembru ser inkun qed nohorgu dan il-flokk‼️

💥Donazzjoni ta' €15

🗣️Kull min jixtieq jordna l-flokk tac-Champions jista jaghmel dan permezz ta' messagg fuq whatsapp fuq in-numru 77402449 📞

🟡🔴

16/09/2026

🗣️Awguri f’għeluq sninek,Owen Zammit “it-Tus”‼️

💥Sena 2026 mill-isbaħ għat-Tus ma’ Senglea Regatta Club, fejn kien protagonista fir-rebħ taż-żewġ shields ta’ Marzu u ta’ Settembru🛡️🛡️🚩🚩

🎉Awguri Owen, gawdi l-ġurnata tiegħek…L-Isla kburija bik❤️💛

15/09/2026

15/09/2026

💥IL-25 DARBA… L-ISLA REĠGĦET KITBET L-ISTORJA‼️

🗣️Ġurnata li tibqa’ għal dejjem imnaqqxa fil-qlub tagħna. Ġurnata ta’ tensjoni, tama, determinazzjoni u fuq kollox… qalb Senglejana💛❤️

🥉 Tal-Midalji – it-3 post
🥈 Frejgatina – it-2 post
🥇 Bi Tnejn – L-EWWEL POST
🥉 Kajjik – it-3 post

U kollox kellu jiġi deċiż fl-aħħar tellieqa…

TA’ B’ERBGĦA‼️

🗣️Il-mument li fih kull daqqa ta’ moqdief kienet tfisser kollox. Kull metru, kull sekonda, kull qalb Senglejana tħabbat għal għan wieħed👊🏼

🚨U wasal il-mument…

🥇 L-EWWEL POST‼️

🗣️L-ISLA REĠGĦAT ĠIET IX-SHIELD‼️

💣U hemmhekk… splodiet L-Isla! 💛❤️
Ponta mimlija nies, bnadar, għajjat, dmugħ ta’ ferħ u xeni li diffiċli tispjegahom bil-kliem🥹

2️⃣5️⃣REBĦA💥
Kwart ta’ seklu rebbieħa‼️
🗣️L-aktar klabb rebbieħ fl-istorja tar-Regatta👑

Din mhux sempliċiment Shield oħra. Din ir-rebħa hija frott is-sagrifiċċju ta’ dawk kollha li libsu l-kuluri tagħna, ta’ dawk li ħadmu fis-skiet, u ta’ ġenerazzjonijiet ta’ Senglejani li dejjem emmnu f’dan il-klabb.

Din hi L-Isla.
Din hi r-Regatta.
Din hi l-istorja tagħna💥

🗣️SENGLEA REGATTA CLUB — 25 DARBA REBBIEĦA…..L-istorja tkompli‼️

14/09/2026

🗣️Għalkemm Emerson Farrugia għamel żmien relattivament qasir mas-Senglea Regatta Club, kien żmien li fih xorta waħda rnexxielna niċċelebraw suċċess flimkien.

Emerson libes il-kuluri tagħna u kien parti mill-ekwipaġġ li kiseb shield ta’ Settembru — rebħa li tibqa’ għal dejjem parti mill-istorja tal-klabb u memorja sabiħa tal-mixja tiegħu magħna.

Emerson, nirringrazzjawk tal-kontribut u tal-impenn tiegħek matul iż-żmien li kont magħna. Kien ta’ pjaċir li kont parti mit-tim tagħna u li flimkien stajna naqsmu mument ta’ rebħa.

Hekk kif issa l-mixja tkompli f’direzzjoni differenti, nawgurawlek minn qalbna kull ġid u kull suċċess għall-futur.

Grazzi Emersön Farrugia 💛❤️

14/09/2026

🗣️Kull vjaġġ għandu l-bidu u t-tmiem tiegħu, u llum wasal il-mument li ngħidu grazzi lil Wayne Pike għall-kapitlu li kiteb flimkien mas-Senglea Regatta Club.

Bil-flokk tagħna u bil-kuluri ħomor u sofor, Wayne kellu s-sodisfazzjon li jgħolli 2 shields — waħda f’Marzu u oħra f’Settembru.

Iżda wara kull rebħa hemm ħafna aktar minn shield. Hemm it-taħriġ, is-sagrifiċċju, l-għaqda u d-determinazzjoni li tkun hemm għal sħabek u għall-klabb sal-aħħar daqqa ta’ moqdief.

Wayne, grazzi tal-kontribut tiegħek, tal-impenn u tal-mumenti li qsamna flimkien. Il-paġna tagħlaq għalissa, iżda dak li ksibna flimkien jibqa’ miktub fl-istorja tas-Senglea Regatta Club.

Nawgurawlek kull ġid u kull suċċess fil-pass li jmiss.

Grazzi Wayne 💛❤️

14/09/2026

🗣️Senglea Regatta Club jixtieq jirringrazzja minn qalbu lil Andre Gauci għall-impenn, id-dedikazzjoni u s-sagrifiċċji kollha li ta tul iż-żmien li kien parti mill-klabb tagħna.

Andre kien parti importanti mis-suċċessi tagħna u matul il-mixja tiegħu magħna rnexxielu jirbaħ 4 shields bil-kuluri tas-Senglea Regatta Club — 2 f’Marzu u 2 f’Settembru.

Dawn ir-rebħiet, flimkien mal-mumenti u l-memorji li qsamna, se jibqgħu għal dejjem parti mill-istorja tagħna.

Hekk kif illum il-mixja tagħna flimkien waqfet hawn għalissa, jibqgħu r-rispett, l-apprezzament u l-gratitudni tagħna għal dak kollu li tajt lill-klabb.

Grazzi ta’ kollox, Andre. Nawgurawlek minn qalbna kull suċċess għall-futur. Dejjem se tibqa’ parti mill-istorja tagħna. Il-bieb tagħna dejjem miftuħ għalik.

Grazzi Andre Gauci 💛❤️