15/04/2017
"Эр Зоригийн Даваа" экстрим спорт байгууламжыг нэн даруй барих болсон шалтгаан бол өнөөгийн залуучуудын биеэ авч явах байдал, тэдний сэтгэлзүй болоод оюун ухамсрын түвшин дундуурхан байгаад санаа зовдогийн хувьд залуучуудыг эрчимтэй сэргээх, цочроох, өөртөө итгэлтэй болгох, сэтгэлзүйг чангалах үр өгөөжтэй спортын өвөрмөц бөгөөд сонирхол, анхаарал татсан шинэлэг орчин бүхий байгууламжийг барих цаг хугацаа хэдийнээ өнгөрчихсөн байгаа билээ. Энэхүү спортод 16-50 насны бүх залуучууд үүнд оролцох ба нэгдсэн журмаар сургууль, албан байгууллага, цэрэг, цагдаа, гал хамгаалагч, эмнэлгийн салбар, бүх төрлийн хамгаалагчид гэх мэтчилэн хамаарах ба эр цэргийн хээрийн бэлтгэлд өгөгдсөн байдагтай төсөөтэйгөөр деталчилсан саад даваануудтай байгууламжид адал явдалтай, сонирхолтой, үзүүштэй байдлаар шоу хэлбэрээр үйл ажиллагааг явуулах боломжтой. Нөгөө талаар Монгол улсын аюулгүй байдлын төлөө хилийн цэргийн хамгаалалт болон батлан хамгаалахын эх орны өмнө бэлтгэгдсэн эр цэргүүдийн адил энэ улсад хамаарах иргэн бүрийн хүлээх үүрэг болох эх орноо, ээж аав, хань ижлээ, үр хүүхдүүдээ хэзээ нэгэн цагт улсын хилийг нэвтлэн орж ирэх дайснуудаас хамгаалахад урьдчилан бэлтгэгдсэн байх хэрэгтэй гэдгээр энэхүү төслийн агуулга оршиж буй юм. Энэхүү спортын байгууламжийн загвар хийц үзэмж нь олон улсад гайхагдахаар бас нэгэн төрлийн цогцолбор болж дэлхийн хэмжээнд улсын нэр хүнд өсөх, аялал жуулчлалыг татах бүрэн боломжтой. Хувь хүний үзэл зарчим, сэтгэлзүй, сэтгэхүй, өөртөө итгэх байдал, сэтгэл хөдлөл энэ бүхэнд эерэг үзүүлэлт гарах ба үүний үр дүнд сурагч, оюутан, ажилчдын хийж буй бүхэнд дэвшилт гарч, ажлын бүтээмж нэмэгдэж, байгууллагын ашиг орлого арвижиж, улсын сан зузаарч, нийгмийн дунд эерэг үзэгдэл бий болж улсын хөгжилд мэдэгдэхүйц өөрчлөлт орох ба нийгмийн өнгө төрх гэрэл гэгээтэй болж бидэнд дутагдсан тэрхүү дотоод ертөнцийн эерэг хандлага хүн бүхэнд сайн, сайхнаар мэдэгдэж эхлэх буй за.
