08/06/2026
Хүн зорилготой амьдрах шиг сайхан зүйл ховор. Зорилго чинь тодорхой байх үед өмнөх саад бэрхшээл хүртэл айдас биш, харин өсөж хөгжих боломж мэт харагддаг. Тэр үед алхам бүр утгатай, өдөр бүр үнэ цэнтэй болдог.
Гэхдээ зорилгоосоо төөрөхөд бүх зүйл өөрчлөгдөнө. Эго, сэтгэл гутрал, буруу зуршил, хоосон мэдрэмжүүд аажмаар хүнийг эзэмдэж эхэлдэг. Учир нь бид зорилгоо бус, үнэт зүйлээ алдчихсан байдаг.
Харин амьдрал бидэнд өдөр бүр үнэт зүйлээ сануулах хамгийн том бэлгийг өгсөн байдаг. Тэр нь хүүхдүүд.
Тэд юу ч хэлэхгүй байсан ч өөрсдийн оршихуйгаар: "Ааваа, эрүүл мэндээ бодоорой." "Ааваа, санхүүгийн сахилга баттай байгаарай." "Ааваа, сайн хань, сайн аав байгаарай." "Ааваа, үнэт зүйлээ хэзээ ч битгий мартаарай." "Ааваа, хийж буй ажлаа хамгийн сайнаараа хийгээрэй."
гэж өдөр бүр сануулж байдаг.
Тиймээс бид зөвхөн өөрийнхөө төлөө бус, хайртай хүмүүсийнхээ төлөө хөдөлмөрлөж, мөрөөдлөө биелүүлж, бүтээж босгож явдаг. Хүүхдүүдийнхээ төлөө хичээж олсон бүхэн, тэднийхээ ирээдүйд зориулж зарцуулсан мөч бүхэн аз жаргалын хамгийн жинхэнэ хэлбэр байдаг.
Зорилго бол амжилтад хүргэх луужин. Харин гэр бүл, үр хүүхэд бол тэр луужингийн зүгийг хэзээ ч алдуулахгүй хүч юм. ❤️
"Өөрийнхөө төлөө эхэлсэн зам гэр бүлийнхнийхээ төлөө үргэлжлэх үед амьдрал жинхэнэ утгаа олдог."
