Coaching Mongolia

02/09/2026

Байгууллага өөрийн дотоод коучоо (гүйцэтгэлийн, хөгжлийн, карьерийн, залгамж халааны гэх мэт) чанартай бэлтгэж авах нь өдөр тутамдаа коучингийн үйлчилгээг ажилтны түвшинд үзүүлэх боломж үүснэ гэсэн үг юм.

Энэ нь зардлын хувьд үр ашигтай байгаад зогсохгүй цаг алдалгүй анхан шатандаа сайжруулах арга хэмжээг авч сурах, нөгөө талдаа ажилтандаа хурдтай өсөлт гаргахад нь дэмжиж өгөх маш том давуу тал юмаа..
#дотоодкоуч #коуч #коучинг #манлайлал #байгууллагынсоёл #манлайлал

27/07/2026

Өөрийгөө өөрчлөхөд бэлэн, эерэг өөрчлөлтөд нээлттэй, амьдралынхаа эзэн нь байж өөрийн сонголт, үйлдлээ хариуцах чадвартай хүнд коучинг нь хөгжин дэвших амин чухал үр дүнтэй хэрэгсэл юм. #коучинг #манлайлал #хөгжил #дэвшил #удирдлага #байгууллагынхөгжил

23/06/2026

Хүчирхэг соёл vs Сул дорой соёл

Хэрэв танай соёл хүчирхэг, тодорхой бас халуун дулаан байвал шинээр орж ирсэн хүн тэрхүү хэмнэлд маш хурдан дасаж, өөриймсөж, багийн салшгүй нэг хэсэг болдог. Яг л эрүүл, сайхан хөрсөнд ургамал хурдан соёолдог шиг. Үүнийг бид "дасан зохицох хурдасгуур" гэж нэрлэж болно. (Сонирхуулахад, Columbia University-ийн судалгаагаар хүчтэй соёлтой газар хүмүүс тогтвортой ажиллах магадлал 3 дахин өндөр байдаг нь үүнтэй шууд холбоотой.)

Гэтэл эсрэгээрээ соёл нь сул дорой, эсвэл хүн бүр өөр өөрийнхөөрөө ойлгож үйлддэг бүрхэг орчинд яах вэ? Шинэ ажилтан маань өөрийнхөө дадал зуршил, хувийн зан авирыг багт авчирч, компани өөрөө шинэ ажилтны зөн төлөвт "уусч", түүнд автан хувирдаг.

Компанийн соёл гэдэг нь танай оффисын хаалгаар орж ирэхэд л өөдөөс үнэртэж, мэдрэгддэг тэр "амьд уур амьсгал", хүн бүрийн хамтын зөн төлөв гээд хараад үзээрэй.

Танайх аль нь вэ?

Coaching Mongolia

#БайгууллагынСоёл #Манлайлал #ХүнийНөөц

22/06/2026

Соёл бол танай байгууллагын дархлааны систем бөгөөд таныг эзгүй байсан ч бүх зүйл зөв голдирлоор явж байх үл үзэгдэх итгэлцэл юм.

Удирдлагууд өөрсдөө компанийн үнэт зүйлсийг өөртөө тээж, үйлдлээрээ харуулж байдаг хамгийн гол хүмүүс.

Танай компани 10 хүнтэй удирдах багтай гэж бодвол, нэг захирал нь нийт компанийн соёлын 10%-ийг биеэрээ үлгэрлэж, нуруун дээрээ үүрч явдаг. Хэрвээ тэр 10 хүний хоёр нь л багийнхаа үнэт зүйлийн эсрэг хандлага гаргаад эхэлбэл байгууллагын соёл шууд 20%-иар доройтож, ажилтнуудад "Аан, манайд ингэж болдог л юм байна" гэх маш буруу дохиог өгч эхэлдэг.
Gallup-ийн судалгаагаар ажилтнуудын хандлага, уур амьсгалын 70% нь зөвхөн шууд удирдлагаас нь хамаардаг гэж гарсан нь "Соёлыг ажилтнуудаас илүүтэй удирдлагууд бүтээдэг" гэдгийг дахин дахин сануулж байгаа хэрэг юм.
Тиймээс "Соёл" гэдгийг шинэ жилийн парти, эсвэл HR-ийн шинэ ажилтныг чиглүүлэх танилцуулга төдийгөөр хязгаарлахгүй байх нь зүйтэй.

"Манай ажилтнууд ингээд байна, тэгээд байна" гэж гомдоллохоос урьтаад өөрлүүгээ (удирдах түвшинд ажиллаж байгаа ажилтнуудруугаа) эхлээд нэг өнгийж хараад, дүгнэлт хийх нь үр дүнтэй. Юун дээр ажиллахаар харагдаж байна даа?

#Манлайлал #БайгууллагынСоёл #ХүнийНөөц, #ҮүсгэнБайгуулагчид #Хандлага #Соёл

16/06/2026

Багийн коуч нарын дэлхийн хэмжээний уулзалт 2 дахь өдрөө үргэлжилж байна. Ганцаарчилсан коучингөөс шал өөр түвшиний ярианууд яригдах юм. Энэ жил миний хувьд 2 дахь жилдээ оролцож байна. Дэлхийдээ хамгийн өндөр түвшиний коуч нараас чухал чухал агуулгууд сонсоод чих, нүд онгойх юмаа 🔥 үнэхээр их талархалтай байна 😇

16/06/2026

ТОП100 -даа болон хамтрагч байгууллагууддаа баяр хүргэеэ 👏 2025 оны ТОП 100 ААН-ийн борлуулалтын орлогын хэмжээ өмнөх оноос 10.8 их наяд төгрөгөөр өсөж 65.7 их наяд хүрсэн нь ДНБ-ий 73 хувьтай дүйж, төлсөн татварын хэмжээ өмнөх оноос 5 хувиар өсөж 8 их наяд төгрөгт хүрсэн нь татварын нийт орлогын 30 хувь болж байгаа бөгөөд эдгээрт ажиллагсдын тоо 85 мянга буюу нийт ажиллагсдын 6.1 хувьтай тэнцэж байна.

09/06/2026

Байгууллагын өрсөлдөх чадвар зөвхөн технологи, систем, хөрөнгө оруулалтаар хэмжигдэхээ больсон. Өнөөдөр жинхэнэ ялгарал нь ХҮН болон МАНЛАЙЛЛЫН ЧАНАР дээр тогтож байна.

Судалгаанаас харахад Fortune 500 компаниудын стратегийн ялгаралтын 70 хүртэлх хувь нь манлайллын чанар, удирдлагын чадавхтай шууд холбоотой байдаг. Тиймээс байгууллагын өсөлт, тогтвортой амжилтыг хангахын тулд дунд болон ахисан түвшний удирдлагуудын манлайллын чанарыг дараагийн түвшинд хүргэх шаардлага улам бүр нэмэгдэж байна.

Дэлхийн судалгаанууд юу хэлж байгааг харъя:
▪️ Дунд шатны удирдлагуудын 68% нь манлайллын албан ёсны сургалтгүйгээр удирдах албан тушаалд дэвшдэг. (Harvard Business Review, 2024)
▪️ Байгууллагуудын 74% нь манлайлагчийн залгамж халаа хангалтгүй гэж үздэг. (Deloitte Human Capital Trends, 2024)
▪️ Дунд шатны удирдлагын алдаа, бүтээмжийн доголдлоос үүдэх зардал нь тухайн хүний жилийн цалингийн 50–200%-тай тэнцдэг. (SHRM, 2023)
▪️ Коучингийн ур чадвар эзэмшсэн менежерүүдтэй байгууллагуудын бизнесийн гүйцэтгэл дунджаар 130%-иар өндөр байдаг. (Bersin & Associates)
▪️ Коучингийн манлайллын хэв маягтай удирдагчидтай байгууллагууд зөв шийдвэр гаргах магадлал 4 дахин өндөр байдаг. (McKinsey)
▪️ Менежерүүд ажилтнуудын engagement-ийн хэлбэлзлийн 70 хүртэлх хувийг шууд тодорхойлдог. (Gallup)

Иймээс өнөөдрийн менежерүүд хүмүүсийн потенциалыг нээж, хөгжлийг хурдасгаж, гүйцэтгэлийг өсгөдөг манлайлагч байх шаардлагатай болж байна.

Үүнийг хэрэгжүүлэх хамгийн үр дүнтэй арга замуудын нэг бол "Manager as a Coach" буюу "Коуч-Менежер" хөтөлбөр юм.

Манай "Коуч-Менежер" хөтөлбөр нь дэлхийн тэргүүлэгч байгууллагуудын манлайлал хөгжүүлэх шилдэг туршлагад суурилсан бөгөөд менежерүүдэд коучингийн арга барил, харилцааны өндөр ур чадвар, хүмүүсийг хөгжүүлэх манлайллын сэтгэлгээг системтэйгээр төлөвшүүлэхэд чиглэдэг.

Өнөөдөр Монголын олон тэргүүлэгч байгууллага энэхүү хөтөлбөрийг удирдлагын урт хугацааны хөгжлийн үндсэн хөрөнгө оруулалт болгон хэрэгжүүлж байна.

2 төрлийн шийдвэр гаргагч удирдлагуудтай бид таардаг:
1 нь энэ хөтөлбөрийн тухай бодсооооооор байгаад 2,3 жилээ үрдэг.
2 дахь нь хөтөлбөрийг хурдан туршиж үзээд манлайллын чанараа хэд дахин нэмэгдүүлж чаддаг. Энэ удирдлагууд 2 жилийн дараа ч дахин дахин хөтөлбөрөө үргэлжлүүлсээр байдаг.

Та дөлж гүйдэг удирдлага уу?, эсвэл туршиж үзээд хурдхн ажил хэрэг болгоод үр дүнг нь авчихаж чаддаг удирдлага уу?

Coaching Mongolia

28/05/2026