Double Rooks

01/09/2026

30/08/2026

🏆🇲🇳 ЗҮҮН АЗИЙН ӨСВӨРИЙН ШАТРЫН АВАРГААС БАГИЙН ТӨРӨЛД 3 МЕДАЛЬ ХҮРТЛЭЭ! 🇲🇳🏆

2026 оны 10 дахь удаагийн Зүүн Азийн өсвөрийн шатрын аварга шалгаруулах тэмцээн (10th Eastern Asia Youth Chess Championships 2026) БНХАУ-ын Хайнань мужийн Чанжян хотод 8 дугаар сарын 21–29-ний өдрүүдэд амжилттай зохион байгуулагдаж, өндөрлөлөө. ♟️🌏

Тус тэмцээнд Монгол Улсаа төлөөлөн оролцсон Баяртогтох Баасангомбо 16 насны нээлттэй ангилалд багаараа нийт 3 медаль хүртлээ. 🥈🥈🥉

♟️ РАПИД ТӨРӨЛД – 🥈 2-р байр
♟️ СТАНДАРТ ТӨРӨЛД – 🥈 2-р байр
♟️ БЛИЦ ТӨРӨЛД – 🥉 3-р байр

Цаашдын тэмцээн уралдаанд нь улам их амжилт, өндөр амжилтын эзэн болохыг хүсэн ерөөе! 🏆✨

Шатар бол зөвхөн хожихын төлөөх тоглоом биш — тэвчээр, сахилга бат, хөдөлмөрөөр өөрийгөө ялж сурах ухаан юм. ♟️❤️🇲🇳

#ББААСАНГОМБО #ЗүүнАзийнАварга #МонголШатар

27/08/2026

Зүүн Азийн аварга шалгаруулах тэмцээнд оролцож буй тамирчиддаа амжилт хүсье! 💪🏻💪🏻💪🏻♟️🏆

22/08/2026

🏆🇲🇳 ЗҮҮН АЗИЙН АВАРГААС ХОС МЕДАЛЬ ХҮРТЛЭЭ! 🇲🇳🏆

БНХАУ-ын Хайнаньд зохион байгуулагдаж буй Зүүн Азийн шатрын аварга шалгаруулах 10 дахь удаагийн тэмцээнд Монгол Улсаа төлөөлөн оролцож буй Ганбат овогтой Цэнгэл маань 10 хүртэлх насны нээлттэй түргэвчилсэн ангилалд хүрэл медаль 🥉 хүртлээ.

Мөн багийн төрөлд алтан медаль 🥇 хүртэж, Монголын багийнхаа хамтаар гайхалтай амжилт үзүүллээ. 🇲🇳👏

Энэхүү амжилтын цаана ганцхан тэмцээний хичээл зүтгэл бус, олон жилийн шаргуу хөдөлмөр, тууштай бэлтгэл, өдөр бүрийн хичээл зүтгэл юм.

🥉 10 хүртэлх насны нээлттэй ангилал — ХҮРЭЛ МЕДАЛЬ
🥇 Багийн төрөл — АЛТАН МЕДАЛЬ

Шавь Ганбат овогтой Цэнгэлдээ халуун баяр хүргэе! 👏👏👏
Олон жилийн хөдөлмөр, тууштай байдал, өөртөө итгэх итгэл нь амжилтаар ийнхүү үр дүнгээ өгч байгаад багшийн хувьд баяртай байна.

Мөн хүүхдийнхээ төлөө цаг зав, сэтгэл зүрх, хүч хөдөлмөрөө зориулж, бэлтгэл сургуулилт болон тэмцээн уралдаан бүрд нь дэмжиж ирсэн Цэнгэлийн аав, ээж болон нийт эцэг эхчүүддээ чин сэтгэлийн талархал илэрхийлье. 🙏❤️

Тамирчны амжилтын ард түүний хажууд үргэлж байдаг гэр бүл, багш, дэмжигчдийн хөдөлмөр байдаг. Энэ удаагийн амжилт бол тамирчин + багш + гэр бүлийн хамтын хөдөлмөрийн үр дүн билээ.

Цэнгэлдээ цаашдын тэмцээнүүдэд нь улам өндөр амжилт, улам олон ялалт, медаль хүсэн ерөөе! 🏆♟️

Өнөөдрийн хүрэл, алтан медаль — маргаашийн илүү том амжилтын эхлэл байг! 🇲🇳🔥

#ГанбатЦэнгэл #ЗүүнАзийнАварга #МонголынШатар #Шатар #МонголынИрээдүй

22/08/2026

🏆🇲🇳 ЗҮҮН АЗИЙН АВАРГААС ХҮРЭЛ МЕДАЛЬ, БАГИЙН ТӨРӨЛД АЛТАН МЕДАЛЬ ХҮРТЛЭЭ! 🇲🇳🏆

БНХАУ-ын Хайнань мужид зохион байгуулагдаж буй Зүүн Азийн шатрын аварга шалгаруулах 10 дахь удаагийн тэмцээнээс шавь Бумшүрийн Үжин амжилттай оролцож, 12 хүртэлх насны охидын түргэвчилсэн ангилалд хүрэл медаль хүртлээ. 🥉👏

Түүнчлэн багийн төрөлд Монгол Улсын баг алтан медаль хүртэж, эх орныхоо нэрийг олон улсын тавцанд өндөрт өргөлөө. 🥇🇲🇳

Энэ нь Үжингийн хувьд анхны томоохон хэмжээний олон улсын тэмцээн бөгөөд олон улсын хүчтэй өрсөлдөгчидтэй өрсөлдөн, туршлага хуримтлуулж, өөрийн боломж чадвараа харуулсан сайхан амжилт байлаа. ♟️🔥

Шатрын спортоор хичээллэж, өдөр бүр тууштай хөдөлмөрлөж, өөрийгөө хөгжүүлж яваа бяцхан тамирчиндаа халуун баяр хүргэе! ❤️

Мөн тэмцээний туршид хүүхдээ дэмжиж, урам зориг өгч, ард нь баттай зогсож ирсэн Үжингийн аав, ээж болон нийт эцэг эхчүүддээ чин сэтгэлийн талархал илэрхийлье. 🙏❤️

Энэ медаль бол зөвхөн нэг тэмцээний амжилт биш, цаашдын олон олон ялалтын эхлэл гэдэгт итгэлтэй байна. 💪♟️

Бумшүр Үжиндээ цаашдын тэмцээнүүдэд нь улам өндөр амжилт хүсье!

#БумшүрҮжин #ЗүүнАзийнАварга #Шатар #МонголынШатар #ШатрынИрээдүй 🇲🇳♟️

15/07/2026

Зуны эрчимжүүлсэн 20 хоногийн бэлтгэл амжилттай явагдаж дууслаа♟️♟️♟️

08/07/2026

Chinggis Open 2026 ♟️♟️♟️

09/06/2026

🏆 АЗИ ТИВИЙН АВАРГА ШАЛГАРУУЛАХ ШАТРЫН ТЭМЦЭЭН МОНГОЛ УЛСАД АНХ УДАА! 🇲🇳♟️

Монгол Улсын шатрын спортын түүхэнд алтан үсгээр бичигдэх нэгэн онцгой үйл явдал амжилттай зохион байгуулагдлаа. Насанд хүрэгчдийн нээлттэй ангиллын 21 дэх, эмэгтэйчүүдийн 27 дахь удаагийн Ази тивийн аварга шалгаруулах шатрын тэмцээн Монгол Улсад анх удаа болж, Азийн шилдэг шатарчдыг эх орондоо хүлээн авлаа.

📍 Улаанбаатар хотын “Баянгол” зочид буудалд
📅 2026 оны 5-р сарын 28-наас 6-р сарын 7-ны өдрүүдэд

Тус тэмцээнд Азийн 28 орны нийт 245 шилдэг шатарчин оролцож, Дэлхийн цомын эрхийн төлөө өрсөлдсөн юм.

🌟 Оролцогчдын бүрэлдэхүүн:
♔ Их мастер (GM) – 34
♕ Эмэгтэй их мастер (WGM) – 12
♖ Олон улсын мастер (IM) – 51
♗ Эмэгтэй олон улсын мастер (WIM) – 20
♘ FIDE мастер (FM) – 32
♙ Эмэгтэй FIDE мастер (WFM) – 17
♚ FIDE дэд мастер (CM) – 5
♛ Эмэгтэй FIDE дэд мастер (WCM) – 13

Нээлттэй ангилалд 143, эмэгтэй ангилалд 102 шатарчин оролцож, Азийн шилдэг тамирчид нэг дор цугласан өндөр зэрэглэлийн тэмцээн болж өнгөрлөө.

🎉 Манай клубын бахархал болсон 10 настай шавь Г.Цэнгэл энэхүү нэр хүндтэй тэмцээнд шалгаран оролцож, олон улсын чансаагаа 41.2-р ахиулсан амжилт үзүүллээ. Ирээдүйн их мастеруудын нэг болох түүний энэхүү амжилт нь Монголын өсвөрийн шатарчдын өсөн дэвжиж буйг харуулсан бахархам үйл явдал байлаа.

🇲🇳 Монгол Улс дэлхийн болон Азийн хэмжээний томоохон тэмцээн зохион байгуулах чадамжаа дахин нотолж, шатрын спортыг хөгжүүлэх үйлсэд шинэ түүх бүтээлээ.

02/06/2026

♟️ Double Rooks шатрын клубын Зуны Эрчимжүүлсэн Сургалтандаа ЦӨӨН ТООНЫ элсэлт авч байна!

Зуны амралтаа үр бүтээлтэй өнгөрөөж, шатрын ур чадвараа дараагийн түвшинд хүргэх боломж нээгдлээ.

✅ Шатрын суурь мэдлэгээ бататгах
✅ Тактик, комбинаци, төгсгөлийн тоглолтын мэдлэгээ сайжруулах
✅ Тэмцээнд оролцох ур чадвар, сэтгэлзүйн бэлтгэл эзэмших
✅ Туршлагатай багш нарын удирдлага дор эрчимжүүлсэн хөтөлбөрөөр суралцах

🌿 Тав тухтай орчинд
♟️ Онол, дадлага хосолсон сургалт
👦👧 18 нас хүртэлх хүүхэд, өсвөр үеийнхэнд зориулсан

⚠️ Бүртгэлийн тоо хязгаартай тул амжиж бүртгүүлээрэй!

📞 Дэлгэрэнгүй мэдээлэл:
90904668
99134668

Double Rooks Chess Club
“Өнөөдрийн нүүдэл”— Ирээдүйн амжилтын эхлэл