Дархан-Уул аймгийн Явган Алхалтын Холбоо

29/08/2026

Алхалт амьдралын үнэт бэлэг…
2026/08/29 Бямба гарагийн амралтын өдрийн энэ удаагийн алхалтыг Дархан-Уул аймаг, Дархан сум, Бэрх ууландаа хийлээ. Намрын салхи сэвшүүлэн үлээсэн, агаарын сайхан нутагтаа 10 км өгсүүр алхалт хийж, нэг нохой, нэлээн хэдэн хүн хамтдаа алхлаа.
Алхалт: Хүний үе мөч шингэнээ алдахад эм тариагаар хэзээ ч нөхөх боломжгүй. Учир нь үе рүү очсон судал, судас гэж үгүй. Тиймээс үе мөчний шингэнийг нөхөх цорын ганц арга бол үеийг тойрсон булчингуудыг ажиллуулж шингэн ялгаруулах юм. Мөн хөлийг идэвхитэй ажиллуулснаар хөгшрөлтийг удаашруулна. Зүрх судасны үйл ажиллагааг идэвхижүүлж зүрхээ анагаана. Цэвэр тунгалаг агаарт уушиг цэвэрлэгдэнэ. Тархи амарна.
Байгаль эх дэлхийгээсээ амьдралын энергийг авахын тулд түүнийг хайрлах хэрэгтэй шүү.
Алхалт үнэ цэнийг бий болгоно.
Хамт алхсан алхагч нартаа баярлалаа.

28/08/2026

АЛХАЛТ АМЬДРАЛЫН БЭЛЭГ!
Бидэнтэй хамт тархиа амрааж, уушгиа цэвэрлэж, хөлөө тэнийлгэж хамтдаа алхаарай!
🌟 Зорилго: Алхагчдын эрүүл мэндийг, бие бялдрын тэсвэр хатуужлыг нэмэгдүүлэх, хамтын ажиллагаа, байгаль хамгаалах ухамсар, эх оронч үзлийг төлөвшүүлэх болон бусдын ялгаатай байдлыг хүлээн зөвшөөрдөг чадварт суралцахад оршино.
🗺️ Маршрут чиглэл: ДАРХАН-УУЛ АЙМАГ, ДАРХАН СУМ, БЭРХ УУЛ хэмээх үзэсгэлэнт, өвөрмөц байгалийн тогтоцтой газарт алхана.
👨‍🏫 Ерөнхий зохион байгуулагч:
Дархан-Уул аймгийн Явган алхалтын холбоо
🥾 Алхалтын зай: +8км-т уулын зам.
📌Цуглах газар, хөдлөх цаг: 2026.08.29-ний өдрийн 06:40 цагт "Морин хуур" цогцолборын зогсоолоос 07:00 цагт хөдөлнө.
🎎Оролцогчдод тавигдах шаардлага: Алхахыг сонирхсон хүн бүрт нээлттэй. Анхлан алхагчид эхний 3 алхалтанд 20.000 төгрөгийн хураамж төлж, холбооны үйл ажиллагаанд хандивлана. 4 дэх алхалтаас МЯАХолбооны албан ёсны паспорттай болсноор холбооны жинхэнэ гишүүн болно.
Унаатай явах хүмүүс +1М гэж, машингүй явах хүмүүс +1 гэж бүртгүүлнэ. Машингүй хүмүүс машинтай хүмүүстээ шатахууны 5000 төгрөгийг жолоочид өгнө.
🪙 Анхлан алхагчийн хураамж хүлээн авах данс:
Дансны дугаар: Хаан банк 5403 075 177 (IBAN: MN06000500)
Данс эзэмшигч: Доржбатын Амгалан /ДУАЯАХ-ны тэргүүн/
Гүйлгээний утга: Алхагчийн нэр, утасны дугаараа заавал бичнэ үү.
🎒 Бэлтгэх зүйлс: Цаг агаарт тохируулж хувцаслах, уух зүйл, хөнгөн цайлах зүйлс, бороотой бол гутлын түрий, цув нэмэлтээр авч явж болно.
ℹ️ Мэдээлэл авах: 9907-7358, 9902-7448, 99054581😍

26/08/2026