01/09/2026
🇦🇷 Аргентины хөлбөмбөгийн домог, агуу Лионель Месси шигшээ багаасаа зодог тайлалаа. Түүний фенүүддээ хандаж бичсэн захидал:
“Финалын тоглолтоос хойш багагүй хугацаа өнгөрч, энэ талаар маш их бодсоны эцэст би та бүхэнд нэг зүйлийг мэдэгдмээр байна. Би Аргентины шигшээ багаас зодог тайлахаар шийдлээ. Энэ бол надад маш хүндээр туссан, одоо ч сэтгэл өвтгөж байгаа шийдвэр. Гэхдээ энэ бол зөв мөч гэж би ойлгож байна. Би энэ өмсгөлийн төлөө үргэлж бүхнээ зориулж ирсэн. Зөвхөн сүүлийн жилүүдэд бид бүхнийг ялж, амжилтад хүрсэн үеийн тухай биш, түүнээс өмнөх бүх цаг хугацааг ч хэлж байна.
Надад үлдсэн хугацаа тийм ч их биш бөгөөд зарим бүлэг маань төгсгөлдөө ойртож байна. Энэ бүлгийг хааж байгаа нь надад хамгийн ихээр хүнд тусаж байна.
Би шигшээ багийн нэг хэсэг байхыг хайрладаг, хайрласаар ирсэн, цаашид ч үргэлж хайрлах болно. Би бүхнээ өгсөн. Одоо надад өгөх зүйл үлдсэнгүй. Гайхалтай залуу тоглогчид гарч ирж байна. Одоо тэдэнд боломжоо ашиглах цаг нь иржээ.
Өнгөрсөн 20 жилийн турш надад өгсөн бүх хайр, дэмжлэгт тань баярлалаа. Би цаашид талбайн дотроос та бүхэнтэй хамт байхгүй ч та нарыг маш их санах болно. Одооноос би зүгээр л та нарын нэгэн адил Аргентиныг дэмжинэ. Сайхан үед нь ч, ялангуяа хүнд хэцүү үед нь ч үргэлж ард нь байх болно. Энэ аяллыг надтай хамт туулсан гэр бүл, дасгалжуулагчид, багийн хамтрагчид болон хүн бүхэнд баярлалаа. Би мартагдашгүй дурсамжууд, мөн бид хамтдаа та бүхэнд зөвхөн мөрөөдөж болохоор мөчүүдийг бэлэглэж чадсан гэсэн бахархалтайгаар явж байна.
Би та бүхэнд хайртай! Намайг Аргентин хүн болгосон Бурханд баярлалаа.
Урагшаа, Аргентин!
Би эдгээр үгсийг долдугаар сарын 21-нд буюу финалын тоглолтоос хоёр хоногийн дараа бичсэн. Харин өнөөдөр аавтай минь холбоотой болсон явдлын дараа энэ шийдвэртээ бүр ч илүү итгэлтэй болсон.” хэмээн мэдэгдлээ.
Хөлбөмбөгт дуртай, мэсси шиг болохыг хүсдэг хүүхэд залуус Мэсси гээс гайхамшигт хууралт, дамжуулалтыг харахаас гадна хувь хүний тэвчээр, хатуужил, үнэнч тууштай зан, төлөв даруу, ухаалаг үг хэллэгийг нь өөртөө суулгаж авч бгаа гэдэгт итгэлтэй бна.
Хөлбөмбөг гэдэг зөвхөн талбай дээр бдаг зүйл биш, амьдрал дээр ч тод гялалзах од нь бхыг үлгэрлэсэн хүн.
Хүндэтгэл үзүүлэх ёстой хүн. Агуу Мэсси.
